Go Back   Sudan.Net Discussion Board - SDB - منتدى سودان.نت > General Discussion Board > General Discussion - المنتدى العام

    

Reply
 
Thread Tools Display Modes
Old 20-Apr-17, 12:19   #1
TheBigBoss
Major Contributor
 
TheBigBoss's Avatar
 

Join Date: Apr 2006
Location: Anywhere
Posts: 2,900
Talking انه يريد حلا

لاقيتو مهموم وسارح ولما الحيت عليهو في السؤال مالك قال لي:
اليوم كان عيد ميلادي فمن امبارح بالليل قلت المرة دي احاول اغير نمط حياتي وابدأهو باسلوب عصري جديد مع عهد مع نفسي بان اخلي الغتاتة واكون شفاف في كل حاجاتي واخليها سنة الشفافية وحكم القانون زي ما بقولو ، ومن النباه الاول على قول حبوبتي قمت صليت وعملت الشاي مع بعض قطع البسكويت المقرمشة وفتحت الشباك لهواء الصباح العليل وبكركبتي قامت المرأة تشرب معاي الشاي ، المهم كتر خيرها طلعت متذكرة انه اليوم عيد ميلادي فهنأتني وقعدنا نشرب الشاي كاحلى عصفورين غردا على فنن حقت كتاب المطالعة ديك ، وفي لحظة صمت وانا بتجغم في الشاي قالت لي سؤال كل سنة بس بطريقة مبتكرة عجبتني .. تفتكر فلانة جكسويتك الزمان حتتذكر عيد ميلادك الليلة زي كل سنة ولا بتكون نستو ... قلت ليها مبتسما ما عارف بس لحدي الساعة 12 لو ما هنأتني بضرب ليها اشاكلها ... فقالت لي بذكاء وخبث انثوي .. طيب توعدني بشي .. قلت ليها وانا الابتسامة وجعت شلاليفي طبعا اكيد اتفضلي .. قالت لي مش قلت حتكون شفاف فاي واحدة حتهنيك او ترسل ليك رسالة خلال اليوم دا تخليني اقراها.. قلت ليها بس كدا عيوني ليك... كدى خلينا نستمتع بالشاي وصوت زقزقة العصافير دي ونشم لينا هواء نضيف وعموما قررت ما امشي الشغل الليلة ونطلع نقضي اليوم كله بره ، جغمة جغمتين والساعة بقت سبعة وبدت الشمس ترسل اول دفعة من اشعتها الحارقة لاستكشاف الارض ، وفي تلك الاجواء الما مفهومة دي رن تلفوني معلنا استقبال رسالة وسائط عادية ، فقالت لي ممكن اقرأ .. قلت ليها اتفضلي ومديت ليها التلفون بكل ثقة واريحية وشفافية مفتعلة فقرتها ورجعت لي التلفون بدون اي سؤال رغم اني كنت بقرأ تعابير الرسالة في وشها .. الشمار حرقني وشلت التلفون اقراها والاقيها بالانجليزي wishing you a happy birthday and a prosperous year ahead… JoyAlukkas Jewelry
بعد ما استوعبت الرسالة سألتني .. انت اشتريت منهم شنو قبل كدا.. قلت ليها ما بتذكر يمكن يوم كان عندهم شي ولا دخلت ساي وادوني ورقة عبيتها... ردت .. كيف يعني دخلت ساي وادوك ورقة كتبت فيها اسمك ورقم تلفونك وتاريخ ميلادك ما لم تكون اشتريت منهم شي .. رديت ببراءة طبيعية اتذكري يمكن يوم اشترينا خاتم ولا حلق ولا شي تاني والله ما قادر اتذكر .. قالت لي بحدة .. اصلو ما حصل اشترينا منهم ، دهبي دا حافظاهو واحدة واحدة اشتريناهم من وين وما فيهم ناس الوكاس ديل .. حتى هم قدر ما نجي بجمبهم واقول ليك نخش ليهم بتقول لي ديل اسعارهم مستفزة وحاجاتهم ما حلوة .. كدى اتذكر دي منو الاشتريت ليها دهب دي ... عرفنا كل شي كمان جابت ليها شراء دهب ، انا بقريشاتي حاميني اغير دهبي ولا اشتري دهب جديد .. وبعصبية قامت من مكانها وعيني ليها طلعت ليها مجموعة اوراق شكلها فواتير قديمة وقعدت تفتش.
صراحة حاولت اتذكر انا الوداني المحل دا شنو ولا اشتريت منو شنو غلبني ويبدو انو الزهايمر ابتدأ يشتغل معاي في السنة الجديدة دي بشفافية خالص وفي الآخر لقيت اني لو قعدت القصة دي حتتطور وتوترني ساكت ويوم مولدي دا حيضيع دمي هدرا بين القبائل فادعيت اني عندي حاجة مستعجلة في الشغل ح امشي اخلصها وارجع قلت يمكن لما ارجع تكون نست او انا اتذكرت ، وفي دقائق لبست وطلعت مشيت الشغل وطول السكة بحاول اتذكر وما قادر ، وحسه قاعد في المكتب بحاول اتذكر وكل شوية المراة تضرب لي وتقول لي وين يا جوي ما جاي ...
__________________
اختلاف الرأي لا يفسد للود قضية
TheBigBoss is offline               Reply With Quote               
Sponsored Links
Old 22-Apr-17, 09:44   #2
7abiba sudayna
Crown Member
 

Join Date: Mar 2002
Posts: 30,136
Default


اتذكر ولا ليسه
7abiba sudayna is offline               Reply With Quote               
Old 24-Apr-17, 13:11   #3
bitalnuba
Crown Member
 
bitalnuba's Avatar
 

Join Date: May 2009
Location: KSA
Posts: 10,507
Default


قال شفافيه قال
عليك الله فى راجل عنده ذرة شفافيه ؟ مستحيل
دا مش يضيع دمه بين القبائل ؟ مفروض يقطع إربا إربا
كمان جابت ليها شراء دهب
__________________

bitalnuba is offline               Reply With Quote               
Old 26-Apr-17, 06:59   #4
أبوريماز
Crown Member
 
أبوريماز's Avatar
 

Join Date: Jul 2011
Posts: 10,200
Default

Quote:
Originally Posted by bitalnuba View Post
قال شفافيه قال
عليك الله فى راجل عنده ذرة شفافيه ؟ مستحيل
دا مش يضيع دمه بين القبائل ؟ مفروض يقطع إربا إربا
كمان جابت ليها شراء دهب

ضيع نفسوووو بنفسووو مش


تانى اللى يبقى شفاف


__________________
صنائع المعروف تقي مصارع السوء
أبوريماز is offline               Reply With Quote               
Old 26-Apr-17, 08:55   #5
ودالعفاض
Crown Member
 
ودالعفاض's Avatar
 

Join Date: Aug 2007
Location: الحصاية ـ العفاض
Posts: 11,636
Default


تستاهل ما دام هي كمان عارفة الجكساوية بتاعتك
هي عايزه شنو تاني
دا منتهي منتهي البرأة والشفافية والعفوية وممكن كمان نضيف السذاجة
ما سبقك عليها حد
__________________
...ام ابرموا امرا فانا مبرمون
aspire to inspire before you expire
ودالعفاض is offline               Reply With Quote               
Reply

Bookmarks

Thread Tools
Display Modes

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump

بحث مخصص

All times are GMT. The time now is 02:22.


Sudan.Net © 2014