Go Back   Sudan.Net Discussion Board - SDB - منتدى سودان.نت > General Discussion Board > General Discussion - المنتدى العام

    

Reply
 
Thread Tools Display Modes
Old 19-Sep-11, 17:23   #51
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default

abbas tumtam - YouTube


بكل بساطة يطلع لينا عباس تلودي يقول لينا جابلي روايحا لي هتّاكا
وتمتام بعديهو طوالي يقول روايحك
اسه نقول روايحا (النكرة دي) مقصود بيها شنو وكمان هتّاكا
نحمدو ونشكرو غايتو
ودعمي داك ذاتو قال في شرح البيت وأنا اضحااااااك
اللي أفتاكا يعني الفتاك لي من فت يفت فتفتتن أي جاب لي شمارك وجاب معاهو روايح فتاكة جدا من عينة إفففففففففيييييي (وقفل نخريه حتى لا يزداد هياما) بخخخخخخ ياخ
يعني كيف زيادة الهيام في بيتين متعاقبين؟
وقافية تحمل نفس الكلمة بضبانتا
يعني لو قالو لي التانية هوادة ماب تخش راصي
أو يكونو بغنو ساي يصدّعو بينا
مع إنو المزيكا في السلك ورويانة ومجهبزة آخر جهبزة وما تستاهل إلا (نحِتو أتو)
ما كتييييييير مطربين بضّارو ورا الكمنجات والبيز والاورغن
علا عباس صوتو قوي ما محتاج للحيلة دي يخارج بيها نفسو
قام وقع في مطب المخارج والحفظ
بدل نبدي عتاب قال نُجري عتاب عديل كدا
كيف العتاب يكون جاري والحنان راقد هبطرش في سرج واحد؟؟؟
نبدي عتاب تكاد تكون قريبة جدا لـ مرات أقول أديهو كلمة تزعلو
حبة عذاب وكلام عتاب أنا عارفو ماااا بتحملو
ولب لب لب لكني أرجع منهزم
النية في لكن قليبو الحنييييين بقدر على كدا عاد ؟؟؟
اخخخ أنا من الرقة وسكك المحبين الُحنان
الـ لا بنسو لا بتحولو

اللّي أفتاكا .. جابلي روايحاً/ك لي هتّاكا .. وزادني هيام
ما بيغباكا .. شغفي عليكا متى أصباكا .. تزيدني هُيام
هو الناس وكت ما حافظة بتسمّع ليه تملانا كركبة
لكن معاهم حق اذا احنا أقل مزيكا تودينا التونج وأبسط دليب يخبت بينا الواطة
وطبعا الجوز ديل شبحو ليهم شبحات واسعة جدن
فطو ما خلو شي غير قالو لينا الشويتين ديل
لا وكمان قالو ليهم كوبليه مبارك ذاتو ما قالو
فيهم الخير لكن الفيهم اتعرفت
كتاحه is offline               Reply With Quote               
Sponsored Links
Old 19-Sep-11, 18:25   #52
المجروس
Golden Member
 
المجروس's Avatar
 

Join Date: Jun 2010
Posts: 9,805
Default

Quote:
Originally Posted by كتاحه View Post
أشكرك مجروسفيتش

كدي النلاحقك بالونسة
قواسم مشتركة زي شنو مثلا ؟

لامن بديت أشوف موضوع الأغنية دي سألت واحد ضليع في الحقيبة (في الحقيقة هو ما ضليع لكن فاكيها في روحو ساي)
قتا ليو ما بلقى عندك أغنية تيه يتاكى
قال لي داير بيها شنو كعادة أسئلة السودانيين البايخة ديك
ما حبيت أتماسخ معاهو لغاية أنال مُرادي
قام خلعني ليك بسؤال غير متوقع بالمرة
قال عجبتك (حلماتِك يا معفن موش كدا)
اوووووووبس
قتا ليو عليك الله حلماتٍك دي ودتك وين ؟؟
على هناك موش ؟
ياخي يقطع سنين الحقيبة ويقطع سنين الكبت الخلاكم كل حلمة تلصّقوها في شطور
يا زول إتا بتتكلم جد
قال في شنو غيرم الخلاك تفتش عليها
قتا ليو بالله لو سمحت أنزل من دفار حياتي لو ركوبك الغلط دا جاب لي الكلام
ياخ أفهم كلامي وارمي البحر
قال ليك بُعد حلماتك من كتفاكا
يعني بمفهومك المخستك دا دي شمطاء عرجاء خنفساء وقاعدة القرفصاء وجرّتين بتحرق
الحلمات دي مقصود بيها حلمة الاضان يا فارة
وبُعدها من الأكتاف دلالة على رقبة طويلة أو كما قال سماعين ود حسن قزازة عصير
المهم قتا ليو ياخ فكني ما داير منك انا حاجة ياخ وكفاية تفكيرك السمج دا طالما راسك وسخان ..
دا هيييييين
الكلام ود عمي
لقاني بسمع فيها وكانت يا دوووب في البداية
وودعمي دا من الحناكيش الجدد الداقسين لابس ليو بنطلون بودي وتي شيرت وقايل روحو خلااااص مِقدّدة
قتا ليهو يعني شنو
خريف وشتاكا ميس يا بان المصري أتاكا . النسام
تخيل يكون قال شنو
ميس يا بان قال لي يعني مِس يابان (يعني ملكة جمال اليابان )
والمصري أتاكا يعني واحد مصري بمشي لـ Miss Japan خريف وشتا .. يعني السنة كلها من حبو ليها كاااااااااااااك
جيل منتهي ياخ وناقص كفن مع إنو أصغر مني بعشرة رمضانات بس
عموما الموضوع ما شرح ولا بشرح ليكم لأنكم ناس كبار على الأقل مفروض تجتهدو للحفاظ على حاجاتنا اللذيذة .
المصيبة وين إتا قايل .
الخمش الـ من طرف دا ..
قتا لي قواسم مشتركة
خش

المايك معاك


مايك شنو يازول
اتا قايلنا بتاعين
قعدات زيك
يا مخضرم



هسي يجيك
واحد من الحناكيش
يقول ليك
قعدات
يعنى شنو يا عمو



خلينا مستمعين احسن


يلا واصل
المجروس is offline               Reply With Quote               
Old 20-Sep-11, 04:11   #53
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default

Quote:
Originally Posted by المجروس View Post


مايك شنو يازول
اتا قايلنا بتاعين
قعدات زيك
يا مخضرم



هسي يجيك
واحد من الحناكيش
يقول ليك
قعدات
يعنى شنو يا عمو



خلينا مستمعين احسن


يلا واصل

وهي القعدات دي كيفنها؟؟؟ حمرا ولّ لون زينب؟؟
ياخي ديل معوقين بانفلونزا الحنين فـ جمعتهم المصائب حيث المصائب طوااااالي قاعدات يجمعن المعوقين
يسبقهم الحب ويفترقون عليه .. يسلون سيف عقيدتهم في وش المارد الإسمو الضجر
لازم يكون فيها مجراها اليمينا حتى تُسمى قعدة ولّ قعاد ساي دا بقى تهمة ؟؟
لا تشترِ فرح اللحظة بندم باكر يا مجروسفيتش
لماذا ؟ كلما اجتمع الطرب في ناس دفرتُم عليهم السبع الموبقات
وسلّمتُم بأن الشيطان يصعد بسلّمهم الخماسي ويهبط في جوفهم كأس من نبيذ النشوة المزعومة
فكأنهم نسو الله فأنساهم أنفسهم وما يعزفون
لماذا ؟
لماااااااااااااذا

الخوف بعد دا كلو أطلع اسغر منك

ود متين انا كمان؟
بنات عمي لسه ما سمعن بي
كتاحه is offline               Reply With Quote               
Old 20-Sep-11, 07:04   #54
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default

Quote:
Originally Posted by كتاحه View Post
‫ظ…ط±ط²ظˆظ‚ ظ…ط­ظ…ظˆط¯ - طھظٹظ‡ ظˆط§طھط§ظƒط§‬‎ - YouTube

الصاحات لقيتم ليك في الأديشنال أوبشنز

وشلتهم
قال أنساهم قال

ياخي تخ
نقوم نجي لمرزوق محمود صاحب الصوت الصاح بتناول غلط
خصوصا في الأغنية دي
وأخوكم بمووووووت في الغنا بالعود لأنو بخليك تدوب مع الأوتار وتسيح مع الكلمات بدون أي جوطة وآثار جانبية من فصيلة (النفخيات ) ما عدا الفلوت طبعا
مرزوق هنا بدل (اللّي أفتاكا) جاب ليها (البي أفتاكا) بالرغم من حروف الجر تنوب عن بعضها لكن هنا قلبت المعني بالكامل وجعل من نفسو ماشي وقاعد في نفس الوكت
ح اخت ليكم النصين والعندو مزاج يقارن بين نص مبارك حسن بركات القديم ونص مرزوق
بس حتة كفى كفاكا دي كف بيها عين الناس من حنجرتو حتى لا تطقو عين الحسود
كفى كفـــاكا يا مرزوق ياااااااخ!!!!
وكمان دخل في حتة خطرة جدا لامن قال يا بعضك ميس عانق أعضاكا بدلا عن ترادف ميس
نجي للقشة التي قطمت سمعنا عندما قال خدك نادي وقربو فضاكا في الانقسام والصحيح خدك نادي ينوربو فضاكا شيل اللثام
عموما كدا جايطة بس البسمعا ما بلاحظ للجوطة دي لأنو دي من الأغاني البتسوقك سياحة في بت حوا فما بتاخد بالك شديد
تحس كدا الناس البتغني الأغنية دي كلهم جاريين لـ هذا تمااااااااام
والله لا تمام ولا حاجة علا ساكتين بالمغسة ساي

مرزوق محمود
تيه يتاكا .. مًراض وصِحاح مُقلو الفتاكا .. ظِبي الرام
خريف وشتاكا .. ميس يا بان المصري أتاكا .. ها النسام
البي أفتاكا .. جابلي رواااا(هنا أكلا ك لي هتاكا ..عود يا منام
لعلى أراكا .. ضحى تتجلى بى طيب وأراكا .. ولو في منام
ويكون سُمراكا .. جواري تنادو وبعد أمراكا .. وبعدو تنام
ما بيغباكا .. شغفي عليك ومتى أصباكا .. تزيدني هُيام
وتريني صباكا .. نُبدي عتاب وحنان نتباكا .. على الأيام
كفى كفـــاكا .. بُعاد حلماتك من كتفاكا .. در ومدام
والراح فى فاكا .. شعرك عاتم وبدر صفاكا .. وحسنك دام
غريزة حياكا .. عيونك تخشى جمال محياكا .. داخل الأجسام
ويفوح رياكا.. ينعشلي يجيب خُمرا ً جالياكا.. ها النسام
حور مرضاكا .. خدك نادي وقربو فضاكا .. في الانفسام
على بعضاكا .. يا بعضك ميس عانق أعضاكا .. فوق اردام
التجى طارداكــــــا .. أولع بيها أنا وبغضاكا .. ها الآلام
تيه واقضى قضاكا .. هلاكي رضاك ورضاى بي رضاكا .. وهذا تمام
تيه يتاكا .. مًراض وصِحاح مُقلو الفتاكا .. ظُبي الرام

مبارك حسن تسجيل قديم
1-تيه يتاكا .. مًراض وصِحاح مُقلو الفتاكا .. ظُبي الرام
2- خريف وشتاكا .. ميس يا بان المصري أتاكا .. النسام
3- اللّي أفتاكا .. جابلي روايحك لي هتاكا .. عود يا منام
4- ما بيغباكا .. شغفي عليك ومتى أصباكا .. تزيدني هُيام
5- وتريني صباكا .. ونُبدي عتاب وحنان نتباكا .. على الأيام
6- لعلى أراكا ضحى تتجلى بطيب وأراكا .. وولو في منام
7- ويكون سُمراكا .. جواري تلات وبعض أمراكا .. وبعضو تنام

8- غريزة حياكا .. عيونك تعشق جمال مجياكا .. داخل السام
9- ويفوح رياكا.. ينعشلي ويجيب خُمرا ً جالياكا.. النسام
10- حور مُرضاكا .. وخدك نادي ينوربو فضاكا .. شيل اللثام
11- على بعضاكا .. ترادف ميس عانِق أعضاكا .. فوق اردام
12- كفى قفـــاكا .. بُعاد حلماتك من كتفاكا .. در ومدام
13- والراح فى فاكا .. وشعرك عاتم وبدر صفاكا .. وحسنك دام
14- التجى طارداكا .. أولى بيها أنا وبغضاكا .. الآلام
15-تيه واقضى قضاكا .. هلاكي رضاك ورضاى في رضاكا .. وهذا تمام

كتاحه is offline               Reply With Quote               
Old 20-Sep-11, 15:06   #55
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default

نخش في أبوبكر سيد أحمد ونشوفو تاه وين


‫ط£ط¨ظˆط¨ظƒط± ط³ظٹط¯ ط£ط­ظ…ط¯‬‎ - YouTube


ابوبكر سيد أحمد
تيه وإتاكا .. مًراض وصِحاح مُقلو الفتّاكا .. ظُبي الرام
إتا تيه وإتاكا .. مًراض وصِحاح مُقلو الفتاكا .. ظُبي الرام
خريف وشتاكا .. ميس يا بان المصري أتاكا .. النّسام
اللبي أفتاكا .. وجابلي روايحاً لي هتاكا .. وزادني هيام
لعلى أراكا ضحى تتجلى بطيب وأراكا .. ‪)‬ونجري كلام‪(‬
يكون سُمراكا .. جواري حسان وبعض أمراكا .. وبعدو تنام
دا ما بيغباكا .. شغفي عليك ومتى أصباكا .. تزيدني هُيام
وتريني صِباكا .. ونُبدي عتاب وحنان نِتباكا .. على الأيام
غريزة حياكا .. ‪)‬عجيب يستحي من نور محياكا) .. داخل السام
كفى قفـــاكا .. بّعاد حلماتك من كتفاكا .. در ومدام*
والراح فى فاكا .. وشعرك عاتم وبدر صفاكا .. وحسنك دام
(كيف رضاكا .. أودع بيها أنا ومرضاكا .. الآلام)
تيه واقضى قضاكا .. هلاكي رضاك ورضاى في رضاكا .. وهذا تمام
ويفوح رياكا.. ينعشني يجيب خُمرا ً جالياكا.. أو في منام *
حور مُرضاكا .. خدك نادي ينوربو فضاكا .. شيل اللثام
على بعضاكا .. ترادف ميس عانق أعضاكا .. فوق اردام
التجى طارداكا .. أولى بيها أنا وبغضاكا .. الآلام
تيه واقضى قضاكا .. هلاكي رضاك ورضاى في رضاكا .. وهذا تمام

ورضاي في رضاك بـ رضا تربيع وهذا تمام
غايتو الناس إلا تكون بتاكل فينا حنك ساي
لو سألتو جبت البيت دا من وين بقول لي شنو ؟
واتا دايرو يقول ليك شنو ؟ بغالطك ويمرقك ما ناقش التكتح
اها (كيف رضاكا .. أودع بيها أنا ومرضاكا .. الآلام) ويعني شنو ؟؟؟
الله يرحمك يا مصطفى ود سيد أحمد ود المقبول
الكلام بقى هامل ساااااااي ناس تمعط وناس تزعط وناس تشابي على عيون الشعر مزاج كدا
أي واحد يشوف ليو بنقز وواحد ينقز وعلى شوية مزازيك .. يطلع في التلفزيون وعدادو رامي في اماااانتي الله
وتاااني كفى كفاكا يا ابوبكر ياخ
إتا تيه وتاكي الباب وخلي لينا القرض دا بنلوكو والنيم الفي كلو بناكلو بغم ماب نقولا
تتجلى بطيب وأراكا يا ابوبكر وشنو كمان ؟؟؟ ‪)‬ونجري كلام‪(‬
تجرو عديييل كدا
الحلم أحيانا لا يصبح حلما في وجود لعل نسبة للعلة في الكلام دا
بخ ياخ وتخخخخخخخ في التحت دا !!!!!
غريزة حياكا .. ‪)‬عجيب يستحي من نور محياكا) .. داخل السام
عجيب يستحي من نور محياكا دي كلمات الشاعر منو؟؟
والنجرا دا فارتو مالا ملسا كدا؟؟
نجّار لكن ونقّار خشب وسوف نمسك الخشب خوفاً على مِرقنا دا (ما لقيت لي وش تبدو عليه علامات الحسرة اسوي شنو ؟ أخُت البنطط دا
ذاتو الواحد فتر من دي الحارة السابعة وديك الخمسطاشر مع إنو المسألة في مجملا كدا زقلونا
وفاتو خلونا
وتاني ما جونا
أمعطو معطم ساي زووووول بسألكم ماف !!!!!
وبى دا كلو الأداء رائع بس مدخل الأغنية شوية كدا يسل الروح
هذه المشحتفة ليها زمن
كتاحه is offline               Reply With Quote               
Old 20-Sep-11, 15:37   #56
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default

مطربنا القادم بقوة من غياهب الثُبات
شحذ همته وجانا صوتو طاير
وتوووووش .. في الاستديو أنكمد
أو بالأحرى إنكمدا
دويتو ولا أحلى
ياااااااا أنا المكتول كمد
أعصر شنو بس ؟؟؟
دموع وكملت نبكي في منو تاني ؟؟؟
فـ
لوكو القاسي
كتاحه is offline               Reply With Quote               
Old 20-Sep-11, 15:43   #57
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default

Quote:
Originally Posted by كتاحه View Post

فـ
لوكو القاسي
الصبر قاسي والمحبة قدر
يااااااااا الله أدفر علينا أنثى بنكهة الفواكه واغننا بحلالك عن حرامك
وكان مافي
باكل ناري عاد شن اسو !!!!
ولامن يقول ليها كوني بتجي حانفة وشّها انا عارف
كتاحه is offline               Reply With Quote               
Old 20-Sep-11, 15:45   #58
spartacous
Golden Member
 
spartacous's Avatar
 

Join Date: Apr 2008
Location: كل بيوت الفقرا بيوتي
Posts: 3,706
Default

والله يا صحبي انت الأغنيه دي عذبتها عديييل وما فضل بعد ده الا تنزلها لينا بصوت كتاحه

والله بوست عينه يا بثينه وسمبتيك خالص
استراحه في نص الجوطه الحاصله دي

مأخذي عليك حاجه واحده
انك مرات بتجيب خارجيه ونحن في المنتدى ده قاعدين نراعي للألفاظ عشان معانا أخواتنا
غير النقطه دي اعتبر مشاركتك دي مشاركه الموسم
وطبعا ممكن تعتبرها نصيحه سغيله من زول عامل فيها مصلح اجتماعي وما تشتغل بيها
ولك ما تريد طبعا

وتحياتي التي تليق بك
__________________
ما كنا قايلين فى حياتنا بجينا اقسى من المضى ساعة مروق الانقليز قلنا الظلم راح وانقضى
تاريهو كمتر وقام دقون حلفا وعشر معيوقه نال دمسيس ضريسه وشوك جمال
spartacous is offline               Reply With Quote               
Old 20-Sep-11, 16:09   #59
دنجور
Golden Member
 
دنجور's Avatar
 

Join Date: Jun 2011
Posts: 6,141
Default

Quote:
Originally Posted by spartacous View Post
والله يا صحبي انت الأغنيه دي عذبتها عديييل وما فضل بعد ده الا تنزلها لينا بصوت كتاحه

والله بوست عينه يا بثينه وسمبتيك خالص
استراحه في نص الجوطه الحاصله دي

مأخذي عليك حاجه واحده
انك مرات بتجيب خارجيه ونحن في المنتدى ده قاعدين نراعي للألفاظ عشان معانا أخواتنا
غير النقطه دي اعتبر مشاركتك دي مشاركه الموسم
وطبعا ممكن تعتبرها نصيحه سغيله من زول عامل فيها مصلح اجتماعي وما تشتغل بيها
ولك ما تريد طبعا

وتحياتي التي تليق بك
:l ool:
دنجور is offline               Reply With Quote               
Old 20-Sep-11, 20:21   #60
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default

Quote:
Originally Posted by spartacous View Post
والله يا صحبي انت الأغنيه دي عذبتها عديييل وما فضل بعد ده الا تنزلها لينا بصوت كتاحه

والله بوست عينه يا بثينه وسمبتيك خالص
استراحه في نص الجوطه الحاصله دي

مأخذي عليك حاجه واحده
انك مرات بتجيب خارجيه ونحن في المنتدى ده قاعدين نراعي للألفاظ عشان معانا أخواتنا
غير النقطه دي اعتبر مشاركتك دي مشاركه الموسم
وطبعا ممكن تعتبرها نصيحه سغيله من زول عامل فيها مصلح اجتماعي وما تشتغل بيها
ولك ما تريد طبعا

وتحياتي التي تليق بك


كتّر خيرك وبارك الله فيك يا استرابكوز
الأهديت لي عيوبي
وود بلد أصيل والله
ايوا كدا ياخ لو شفتو فينا اعوجاج قوّمونا على حيلنا مع إنو العوج راكبنا راكبنا طالما قاعد فيها ابليس دا واقف لينا للسغيرة والكبيرة
لكن !!!
انا قتا شنو ووين وياتو ملافظ دي؟

على فكرة اخوك بقعد يكتب ولا براجع ثم ما بقعد اعاين للبقرا منو والما فاضي لي منو ومش معنى كدا عاير وماخد سوط
صحيح احيانا بتاخدي الهاشمية لكن ما لدرجة اخش في السنقة والرنقة
تعال في الخاص أجدع لي وجهة نظرك ولو الملافظ بالجد تستاهل تتشال بشيلا ولا كتّر خيري
بس لو بتخدم فكرة وما على الدرجة ديك من السوء بخلي ليك حنانا ذاتو
ولغاية اللحظة ما رجعت لكتابتي عشان اشوف الغلط بس كل البعرفو إني ماسك خط الردمية اشيل واردم في الجماعة الدايرين يبوظو لود الرضي كتباتبو
وشكرا ياخ على تنبيهك الجميل دا
وزي ما الشكر برفع معنوياتنا النصيحة برضك مطلوبة من انسان حلو زيك كدا
يعني بكدا طلعت مرايتي موش
كدي أقيف لي النسرّح شعري دا
طبعا قتا ليك كدا من منطلق المؤمن مرآة أخيه وكدا
ح أنزّل ليك ملف بصوتي عشان تشوف الرخامة والفخامة وصوت كدا بس زول عندو نخامة أبت تمرق
مبسوط والله بمداخلتك دي
وكيّفتني كيف ..
وشمّتا فيني دنجور كمان
برضو ما بطّال .
كتاحه is offline               Reply With Quote               
Old 20-Sep-11, 21:35   #61
المجروس
Golden Member
 
المجروس's Avatar
 

Join Date: Jun 2010
Posts: 9,805
Default

Quote:
Originally Posted by كتاحه View Post

وهي القعدات دي كيفنها؟؟؟ حمرا ولّ لون زينب؟؟
ياخي ديل معوقين بانفلونزا الحنين فـ جمعتهم المصائب حيث المصائب طوااااالي قاعدات يجمعن المعوقين
يسبقهم الحب ويفترقون عليه .. يسلون سيف عقيدتهم في وش المارد الإسمو الضجر
لازم يكون فيها مجراها اليمينا حتى تُسمى قعدة ولّ قعاد ساي دا بقى تهمة ؟؟
لا تشترِ فرح اللحظة بندم باكر يا مجروسفيتش
لماذا ؟ كلما اجتمع الطرب في ناس دفرتُم عليهم السبع الموبقات
وسلّمتُم بأن الشيطان يصعد بسلّمهم الخماسي ويهبط في جوفهم كأس من نبيذ النشوة المزعومة
فكأنهم نسو الله فأنساهم أنفسهم وما يعزفون
لماذا ؟
لماااااااااااااذا

الخوف بعد دا كلو أطلع اسغر منك

ود متين انا كمان؟
بنات عمي لسه ما سمعن بي

غايتو من ناحية
اسغر منى دى
ما اظن

انت الظاهر عليك
دفعة ود الرضى

او بالميت كدة
دفعة مبارك
حسن بركات




لكن بعد دة

الفرق بيناتنا
ما كتير




.
.

اما بالنسبة
للقعدات
فما اظن كان في
قعدة لون زينب

كولهها حمراء
فاقع لونها


لكن علي الرغم
من الاحمرار البادى
فيها

لم تكن كلها شرا
محضا

ايضا
كانت مسكونة
بالفن
والطرب
والنكتة
والطرفة
والجمال

.
.


طبعا دة الكلام
الحكو لينا بيه
الجماعة
العاصرو
الفترة ديك
.
.


المجروس is offline               Reply With Quote               
Old 21-Sep-11, 05:41   #62
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default

في البدء
البوستن لا يحتمل الفتلان في ظل الفلتان اللفظي لتيه يتاكى
ثم من متين لاقاك طاعن سن عندو حساب في اليوتوب وهكرنجي على مستوى عالي من الحرفنة

من متين بس قول لي؟؟؟؟؟؟
لون زينب نفس لون مواصلات ولاية الخرطوم الجديدة لو شفتها
على فكرة
هل الخرطوم أنجبت شاعر حقيبة ول فصاحة منهم ساي شابكننا محل الرئيس بنوم والطيارة بتقوم
وسودانير يا حبة عيني فييييييي روحا دي ياااااا الله تقوم دا لو قامت في مواعيدا!!
طيب وكت عارف القعدات ممكن تكون طرب ونكتة وجمال .. المناورات لزوما شنو سيد مجروسفيتش؟؟

عاين
بحثت عن المجروس لقيتا ليك عربات جيش جابا نميري في السبعينات من القرن الماضي
يا ديناصور

والوكت داك يا دوب كنت حباً في عيني أمي وأبي كما قال ود الدسوقي طوّل الله شعرو

المهم في الموضوع يا ديناصور زمانك إنو مبارك ود حسن لامن تغنى بتيه ويتاكى في التسجيل القديم قال جواري تلات وفي التسجيل التاني قال جواري تلاقو و ومرزوق قال جواري تنادو وأبوبكر قال جواري حسان
الشئ المحير فكري ورفع أدريناليني إنو دي الصحيحة في حين خمش لينا بيت من تأليفو كيف ما تعرف!!!!
واذا استندنا على تسجيل مبارك القديم بنلقى أي مطرب اداها بعد كدا مختلفة حتى ود حسن بركات نفسو !!!
مرزوق حشر لينا (ها) قبل النسام و(ها) قبل الآلام استوردا من السعودية أظنو

المسألة شنو إتا قايل يا فردتي
يا تسمع صاح يا ما نوسّخ اضنينا ساي
لو بارينا اضربني بمسدسك أملاني أنا رصاص كان تلقو دخل العيادات النفسية بالمليارات
واسمو منو داك قال:
الرجفي والكهربا ذي ضربة الكهربا
والعندو لفة راس من يشوفكم انتهى خلاس
لا خلاااااا!!!!!!!
معتوووووووه من يسمع مِتِل هذا الكلام يا جماعة .

!
!
!
!
!
بالجد معتوه
كتاحه is offline               Reply With Quote               
Old 22-Sep-11, 05:15   #63
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default

اها
واحد من شفّع نجوم الغد لقى المسألة متداولة غلط وقام غزّ عودو
غناها مرتين (يعني اتسجّلت مرتين) وفي المرتين مختلفة
لجنة التحكيم بعد انتهى صفقو ليو وهناي داك قال ليو يا سلاااام عليك رجّعتنا للزمن الجميل
وخشو لينا في تقييم الصوت والأداء وكأن شيئا لم ينكسر
المزيكا ياها المزيكا
والتركيز عليها بخلي الكتيرين يلولحون رؤوسهم طربا وتلقى الواحد فيهم سافر بعيد وما الفنان الواقف يلعلع سوي حامل وُضع على راسه مايك
وكان كضم كلوكلو احتمال زول يجيب خبرو ماف
تنسى كلمة كلمتين احتمال وارد
تفط سطر بن مشّيها
لغاية تلاتة سطور ما فارقة معانا
لكن تزيد من عندك ؟؟؟ واسعة أوي دي
لا وكمان يزيد وأساسا يكون فط نص الأغنية
مأساة والله
وهي المآسي متين كانت شوية !!!!!
ما طوااالي بتجي فرادى وزرافات وماليانا الأماني فقُر

حينها عرفت .. أن هولاء الناس جذبتهم الأضواء والظهور في البلورية
وقضاء أسعد الأوقات وكان هرسو الحقيبة دي هرس ما فارقة معاهم
ولماذا تفرق معهم وقد اجتمعوا على صوت مزمار وافترقو على (سوط) واقع أليم

دا بجيكم ليو بعدين
وما ننسى جوز اللوز ديلاك
في الحقيقة هم ما جوز
تريبل ناس
ضكرين وانتاية
هنضبتنا بالجمال والشدة
من يسمعها يفغر فاه .. متر وأوسع شوية .
كتاحه is offline               Reply With Quote               
Old 22-Sep-11, 08:33   #64
مكتول
Crown Member
 
مكتول's Avatar
 

Join Date: Aug 2008
Location: جدة
Posts: 24,979
Send a message via MSN to مكتول Send a message via Yahoo to مكتول Send a message via Skype™ to مكتول
Default

حبيبنا كتاحة

والله حبيتك فى النت ياخى


عود على انتهاء المشاركة الاخيرة

نغيم فاهك يا ام زين دوان
شفاى البجبر قواى

والله انت تحفة وانت مكسب كبير لسودان دوت نت
والله حقك تعمل سيدو من الليلة لانك رائع بحق وحقيقة مش رائع بتاعت الجماعة الهتش (على راى شلولو الوهم ) ديل

اعدت لى مواجع من يعبثون باغانى الغير واغانى التراث خصوصا ويعملوا فيها عمل النجار فى شجرة السنط

ياخى مزعلانى فنانة كبيرة فى اغنية التراث تقول ليك فى اغنية انا ليهم بقول كلام :

قرقر فوق للدرب و ربط الهوى و الشرق

ويتناقلها الناس كذلك حتى فى هذا المنتدى http://www.sudanforum.net/showthread.php?t=54564

بينما اصل الكلمة هى ربط الهوج والشرق

فالهوج هو غرب النيل حيث الجزيرة الخضراء وهذه لها موال طويل

وعلى ذلك قس الاخطاء اللغوية فى حرف ولكنها تعكس المعنى تماما ويصبح كلام فارغ لا معنى له مثل الهوى والشرق ...

بصراحة انا مستمتع جدا بكتابتك مع انى ما بتداخل باستمرار واكتفى بالمتعة فمثل هذه المتعة تفسدها المداخلات الفطيرة مثل مداخلتى هذه ..

ولكننى احبك والله لثقافتك الثرة ووضوح رائك

والله يديك العافية واللقمة الدافية
__________________

To view links or images in signatures your post count must be 10 or greater. You currently have 0 posts.
مكتول is offline               Reply With Quote               
Old 22-Sep-11, 15:41   #65
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default

بالعكس يا مكتول القال فطيرة منو ؟؟؟!!
على فكرة دي واحدة من نتائج البوستن دا ظهرت
المسألة تسليط ضوء في وش المفردة المضلّمة والتي طفى نورها المجعجعاتية الناطين بالباب الورا
قتا لي الهوى والشرق ؟ والحب والغرب زي ما في مطربين المزيكا في الشرق وهم في الجمبة ديك
ثم إنو
الردّاحات ديل خليني منهن
إتوقع منهن أي حاجة ما تخطر على بالك
عادي تلقى واحدة تقول ليك الليلة ساير يا ودالقماير وما عجبنا ليك
ديل تطوّرن الطبيعي نتيجة شغل دلوكة حيث لا حسيب ولا رقيب طالما المخاليق المطاليق ديل بتشيلم النخوة ويقعدو ينططو ومجرد انتهت الأغنية لو سألت أي واحد يكون ما جايب خبر ولا داير يعرف قالت شنو !!!!
كثرة الأخطاء في تداول التراث بعد شوية بفقد الكتير من حاجاتو لغاية يضمحل وتحل محلو بوس الواوا
واحد كدا عدّاداتي يا مكتول (هوجها )
تلقاو قاشر في الحفلة وعاجبو صوتو يشيل ويهري في الخلق الما جايبا خبر دي ويتفسّح فيهم .. واحد بهناك يكورك ليو الابيض ضميرك الابيض ضميرك يا استاذ .. وواحد بى جاي جمب الخيمة يكورك لا وهُبّك ياهبيب لا وهُبّك .. وتقوم واحدة من الصف القدام تدّي ليها شافع ورقة يوديها للفنان مكتوب فيها لو سمحت (ذات ) الشجون موقعة فيها: أنا القاعدة في الصف القدام ولابسة بمبي .. والفنان عاين ليها وقد رسم على شلاليفو ابتسامة أعرض من طموحاتنا غطاها براس المايك الذي وقع تحت وطأة ريحة خشمو وقال ليها: (جدددن يا) طنطن تِحِت تِحِت (البت دي غلطانة في العنوان ولّ شنو) ثم إلتفت في نصف دائرة لعازفيه التلاقيط .. خشو لي بالله في حرامي القلوب تلّب !!!!!!!!! (إتلّب عليك حرامي عديل كدا يعدّمك الملاية)
هسه الحرامي منو لو زرزرتو؟؟؟
ياخي دا مجهود ناس لا تعبت فيهو لا عزمت العازفين عشا عشان يطلع العمل دا للناس !!!
هي حاجة لقوها مقشّرة وبعد دا لو بتمرق منهم كما يجب البطن فيها وجعة إتا قايل !!!!
تقوم وزارة الثقافة والاعلام زي التور الهائج يقدونا بالملكية الفكرية لمدة شهر شهرين واول خرق يطلع من أجهزتها المرئية والسمعية وخلال فترة وجيزة القوانين تتماص
علا نقول شنو بس ياهو دا السودان الفيهو حاجات كتيرة ماشه بالبركة ساي

عاين يا لذيذ
ما تنفخني كدا براي محنبك
كتاحه is offline               Reply With Quote               
Old 22-Sep-11, 15:50   #66
lolita
Major Contributor
 
lolita's Avatar
 

Join Date: Nov 2009
Posts: 1,269
Default







والله فعلا انك اديب اريب
مستهبل

__________________
حين يغمرك الحزن تأمل قلبك من جديد فسترى انك في الحقيقة تبكي مما كان يوم مصدر بهجتك
lolita is offline               Reply With Quote               
Old 23-Sep-11, 09:47   #67
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default

ياااااا لوليتا
نحن لا نتعاطى المنتديات في يوم الجمعة
فاسعوا إلى ذكر الله أو في مناكبها
بالبلدي كدا شتات خالي محطات يا نمسك لينا في لالوبة
شكرن طن يا بت أمي
كتاحه is offline               Reply With Quote               
Old 25-Sep-11, 06:03   #68
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default

عندما تنفصل الموجات العاملة طناش عن تردد حِِسّك حينها يصبح مايكروويڤ (بسّـك) منشحط ساكت
تن تررم تررام تروتوت
إششششششششش
كتاحه is offline               Reply With Quote               
Old 26-Sep-11, 06:52   #69
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default

عاصم وتلودي وتمتام
في ديك انا غلطان التسجيل الأول كان لتلودي ومعاهو ابراهيم خوجلي وأفراح وفاتت علي المسألة دي
لكن هم لخبتوني اسوي شنو !!!!
والبت حالة ما جميلة كان غلتت التغلط
ذلك الصوت المارق من غياهب الحنجرة أتى على استحياء من تلك الحسناء
كفاية تكسر لينا نحس شوفنا كل مرة تظهر لينا اشكال كيف كيف كدا
ما علينا
الشي زول يلكز التاني ماف !!!
تلودي متلقي الحجج غناها بغلطاطتو ديك وكمان ناقصة ابيات وزايدة عن مبارك
والاربعة ابيات ديل ما جا بجمبهم المرة دي
حور مُرضاكا .. وخدك نادي ينوربو فضاكا .. شيل اللثام
على بعضاكا .. ترادف ميس عانِق أعضاكا .. فوق اردام
التجى طارداكا .. أولى بيها أنا وبغضاكا .. الآلام
تيه واقضى قضاكا .. هلاكي رضاك ورضاى في رضاكا .. وهذا تمام
اها تقوم إتا يا ودالبنا تسير في خطاهو كضنب النفير
الفي تمتام اتعرفت وكت زجّ بنفسو في كل مرة أسمعا كشيّال تقيلة أظنو
عاصم دخل فيها يتلبد وأتى صوته من أعماق سحيقة كزول بهابش ساي
لو مشى لقريبو ادريس البنا كان حشاهو حقيبة لامن يستفرغ وباللغتين كمان
المشكلة وين اذا يا جماعة ؟؟
المشكلة إنو الواحد يقول كلام بدون الإحساس بيهو أو حنجرة تمتلك خامة صوتية مأهولة تمرق ليها كلام والسلام
يحسو ليه ؟؟!! لا تعب فيهو لا لحّنو  لا دقّ فيهو حجر دغش .. كمان الأداء دا بغلب ليهو زول لو واحد حنكو سنين ؟؟؟؟
امبارح طقش بصري التلفزيون بالغلط .. لقيت اعادة لنجوم الغد في واحدة ما بعرف اسمها كانت بتغني بصوت جميل وبايقاعات شعبية
الا يا (صدى) نجدِ متى هجت من نجد لقد زادنى مسراك وجدا على وجد (أغنية جميلة جدا جدا ولحنها رائع)
بعد انتهت محمد سليمان  صلّح ليها كلمة صبا
طيب التصليح دا موش كان ممكن يكون قبل البث ولّ لازم تفوّرو نافوخ الواحد حتين توطّو نارنا البناكل فيها يوماتي دي !!!
وهيثم داك مالكم ما صلحتو وكت جاط الشغلانة !!!
ما علينا نرجع لمحور حديثنا
قام تمتام يقول  جابلي روايحك وتلودي كالعادة روايحاً يعني بالواضح كدا الاتنين رايحين من بعض
واعتقد الفرق بين التسجيلين مسافة زول اغترب ليبيا
الشي لا يتعبو نفسهم عناء البحث عن المفردة الصحيحة ولا هم براااااهم كدا راجعو النص أو سنسراتم دي الشكية لابيدا قوية ما نخست زول فيهم
ولّ الفهم اغنية والسلام طربِقك طربِقك طربِقك كششو !!!!
طبعا لو دخلت في مسألة تقديم وتأخير حارات ياني المارق ورا الحارة مية وشكلي ما ح أخلص من الموال دا ابدااااا
يبقى المطلوب من المطرب أو المؤدي شنو ؟؟
يمتّع رويحتو دي في الأول وكان علينا احنا أريتو ما فهمنا ذاتو
وبطريقة غير مباشرة ح يلقى استحسان من الحاضرين الأمر الذي يجعله فنان قائم بذاته في المستقبل (الغريب)
لكن لامن أحس إنو بديني في كلام (دردم واجدع) طوالي يدي بتمشي على الريموت بدون ما تشعر
وبفرد كلك بلقى نفسي في استاد الخرطوم لمشاهدة مباراة الهلال كادوقلي مع النسور عشان انتهي من القولون مرة واحدة
تلقي اسع في ناس قاعدين يقولو إني مكبّر الشغلانة واديتا بُعد أكبر من حجمها
لكن حنمشي وين من التجويد ؟؟؟
التجويد في كل شي  
ودا المخلينا ليوم الليلة  محلك سر أو ياخي قوم لف وكتين نقول يا جماعة الكلام دا أعوج
يا إما نغني باخلاص يا نمدح بدون ما ندخّل الأولياء الصالحين في الموضوع
في الأداء الفايت للجوز ديل قالو
البي أفتاكا .. جابلي روايحاً/ك لي هتّاكا .. وزادني هيام
ما بيغباكا .. شغفي عليكا متى أصباكا .. تزيدني هُيام
وفي دي جا قال داخل السام والصحيح تاخد السأم ولأنو الألف المهموزة ما ماشية مع القافية فقامو ضحّو بالهمزة
والبي بقت اللي .. يعني صلّح غلطو لكن قدّاها في أماكن أخرى عندما جا يكحّلا
اللّي أفتاكا .. جابلي روايحاً لي هتّاكا .. وزادني هيام
انت أراكا ضحى تتجلى بطيب وأراكا .. ونُجري كلام
وفي ديك دخلو طوالي في ما بيغباكا
وفي دي (ويكون سمراكا)
وتاني قال يفوح رياكا.. ينعشلي يجيب خُمرا ً جالياكا.. (ولو في منام) والصحيح النسام .. هو زول نايم الشمشمة ليهو شنو كمان !!!
اخير تلودي أبوبكر سيد أحمد قال (أو في منام) باعتبارو خيار أخير
والنسام دي قفلة مبالغة غلغلة تغلغلت في أنف الشاعر رغم أنفو .. وطبعا حاسة الشم بتتعطل في النوم يقوم تلودي وأبوبكر دايرين يشموها وهو نايمين !!!!
النايمين ليها شنو يا الحبان .. تشموها قدحة
وتاني قال والراح فى فاكا .. شعرك عتمة وبدر صفاكا .. وحسنك دام
والصحيح : الراح فى فاكا .. وشعرك عاتم وبدر صفاكا .. وحسنك دام
الشادي شذاكا تلودي قال !!! في حين انو ابوبكر سيد أحمد ومرزوق زاغو منها عديل كدا
وكمان قال انت اراكا ضحى تتجلى بطيب وأراكا ونجري كلام والصحيح لعلي أراكا وولو في منام ودا الشي الطبيعي
انا ما عارفو جاري على طق الحنك ليه !!! انت اراكا يا تلودي ياخ !!!!
وطبعا في باقي الكلام ما زالت البشتنة تاخد حظها الأوفر منو وكان باريتو قطع شك امرق من البوستن دا بسكّري أو .. إنحطاط بايولوجي ..
وطبعا تلقاهم وهم يغنو يعاينو لبعض ويتبسّمو .. ومرة مرة يعاين للكاميرا لكي يغرودا عيوناتم وذادو هيام ثم بعد داك يجرو كلام
ونقوم احنا جارين !!!
هو الناس دي بتحفظ اثناء البروڤات ولّ شنو ؟؟؟؟
قصيدة غنائية يا تحفظا مرة واحدة في حياتك يا كمان تبقى برطعة ساي وتنتهي الدغمسة بانتهاء بتاع الايقاع من دق جلدو
وما ذنب جلد الطار ؟؟!!!!!!

بعدين لو بقت حي برفع ليكم التسجيل لأنو هنا فاتحة ما بقدر ارفعا
كتاحه is offline               Reply With Quote               
Old 26-Sep-11, 07:52   #70
mardi
Crown Member
 
mardi's Avatar
 

Join Date: May 2002
Location: بين الأرض والسماء
Posts: 15,882
Send a message via MSN to mardi Send a message via Yahoo to mardi
Default

كتاحه
Intermediate Contributor
تاريخ التسجيل: Mar 2008
المشاركات: 159


الحبيب المرهف كتاحة

نهارك بنكهة شاب الزنجبيل
وأقعد عافية يا جميل ،،

انت ناس حقوق الإنسان ومحكمة العدل الدولية ديل ضهبانين منك ؟؟
ياخي معقول زول بالروعة دي كلها ويكون مُـقـِـل للدرجة دي ؟؟

بالله ما اتلومتا ؟
من الفين وتمنية وفقط منك مية وتسعة وخمسين شمعة تبدد ظلام الجهل؟؟


الغلطة ما غلطة ناس هرقل والرواسي الكشا مشا ديل
الغلطة غلطة الناس المميزين الزيك ديل
لأنو وبما أنو لا يوجد فراغ في الكون
فغياب الزواهر الزيك طوالي بملوهو ناس قريعتي راحت ،،
__________________
كــن كشجــرة الصنـــدل
كلما تطرقها الفؤوس تزداد عطراً

To view links or images in signatures your post count must be 10 or greater. You currently have 0 posts.
mardi is offline               Reply With Quote               
Old 27-Sep-11, 19:56   #71
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default

تعرف يا مرضي لامن أقرا مِتِل كلامك دا طوالي بمبطح
من منطلق (شكّرو رقد)
وفجأة كدا أطفّر من انبطاحتي من منطلق (الشّكرو قدامو نبّزو)
ثم أتمحّن لا ألوي على شي غير أني أحس بعظمة وشان كبير
وطرت عدييييييل من الفرح
المهم
يخلف الله لكم خيراً من ناس قريعتك الراحت ديل كما جاء بعضمة لسانكم
الرواسي ما حصل قريت ليو حاجة تجعلو من ناس قريعتك
لكن هرقل بالغ لامن عمل قبل كدا بوستن بذات الأغنيه وما تعب فيهو شديد
لقى الكلمات في هذا الفضاء الاسفيري (ومَعَطا) (جَابَا) (رَزَعَا) ليكم هنا
المحيرني شديد أول اقتباس ليو كان الشادي شداكا..موجو ترتل تل نهداكا..و قود اللجام
‎طبعا احترت شديد في المغزى الخلاهو ياخد منها الحتة دي بس كاول كوريكتر
‎جا ودعلوب قال ليهو ياهو دا الكلام البجيب الكلام
‎ومأمون ‫(‬مأمون دا المشرف ولّ كتاحه غلطان‫)‬
‎قام نهزو بقالب تلج وقال الشاب هيثم يوسف... يتمتع بصوت نادر .. قوي .. يستطيع التحليق في الدرجات العالية بدون تعب
‎وبنفس القدر الهبوط للدرجات الغليظة دون أي مشاكل
‎زول غناااااااااااااااااااااي مية مية
‎سوف آتي لهيثم هذا ذكرا بس لوكو الصبر لاحقين شنو طالما قاعد فيهو من الفين واتنين
لو الكلام صعلكة من هرقل ما أعتقد يكون أكثر صعلكتن من كتاحه في كشف المستور وستر المكشوف ..
صحيح إنو غنا الحقيبة فيهو مداعبات كتيرة زي دي لكني بعتبرا صعلكة سامية جدا وبتخاطب الوجدان والتغني بالجمال أكتر من إظهارهن كـ مانيكانات كاملة الدسم .. وما بدور القلعة وظبية المسالمة وست الفريق اللادن قواما (بالمناسبة في فنان بقول ست الفريق الضامر قواما ونهيدا سكر طاعم كلاما ) يا قليبي نووووح عليك الله دي براها ما بكا ؟؟؟
نعم تغنوا في الـمآكم والمحسنات البديعية الأخرى وما تقدم من ديلاك وهن ذاتن رقيصن كان يبرز ما خُفي مع إنو ماف حاجة بتندس الزمن داك .. الصقيعة ذاتا كانت بتتضاير ..
اها لقن جدودنا البكايين ديل قاعدين هلنكات وما عندهم أي برامج ترويحية .. كان شمو ليهم ريحة كبريت الرجفيبة تحصل .. وقطعو فيهن شعر ما خلو شنو
حسي إتا من ألفين واتنين لافي في الحلة دي ؟؟؟ ديشاااااااك
لكن والله يا مرضي ياخوي احيانا في توارد خواطر كدا بحصل غريب جدا
تصدق قبل كم يوم كنت بقرا في المواضيع لقيتك في بوستن نسيت اسمو
وقفتا في توقيعك شويتين
لفت انتباهي .. فقلت مين يعطّر التاني أكتر ؟؟؟ الفاس ولّ شدرة الصندل
المقولة بتقول كن كشجرة الصندل تعطّر فاس قاطعها أو الفاس التي تقطعها
الصندل دا ما أصلو مصندل خلقة .. والطلح ذاتو مطلّع روحنا من يومو .
الكلام على المبخر وحفرة الدخان

دا الڤيديو بتاع الهيلمانة الفوق ديك اذا واحد حب يتأكد من الكلام

abbas-aasim-tmtam - YouTube

الكتابة مجرد حبر في أوعية الروح ندلقه هنا لامن تعصلج ياخ
فما تاخدو كلامنا على اساس إنو عنطزة وكدا
ألفين واتنين يا مرضي ؟؟؟ !!! وسطاشر ألف .. الخشبة ومسكناها
بس إتا أمسك دربو العوجة ماب تجيك ..
وكان جاتك أحمد الله خسران شنو ؟؟
كتاحه is offline               Reply With Quote               
Old 28-Sep-11, 05:38   #72
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default

نقوم بعد كدا وقبل اخش على بقية العقد الفريد والذين صدحوا بهذه الأغنية في الملمّات السعيدة
نقارن بين النص المجدّع في النت وبين تسجيل مبارك القديم
طبعا بكون في واحد سمعا من (زول ساي) وبى ى ى ى ى سجما ورمادا دا كشحا في النت
يقومو ناس النت المجدعين في شتى بقاع الأرض يعتبروها المرجع الأصلي ويقوموا بارسالها لحبيباتهم الما ناقشين التكتح وقطعا سوف يرسمون الابتسامة بغض النظر عن العوج الحاصل وهذا ما يهمهم في المقام الأول ..
أو يساهم في نشرها لإثراء الحراك الفكري والفني للحفاظ على الموروث التليد لروائع الشعراء السودانيين متخذا التوثيق رافدا أساسيا لللأجيال القادمة
تقوم الأجيال القادمة تستند على حيطة هشة ومع أول زخة تسمع بردولوب
هو الواحد وكت داير يوثّق يا إنجّض شغلو يا ما يسل روحنا ساي براها مسلولة وراجية الله في الكريبة

مبارك حسن تسجيل قديم
1-تيه يتاكا .. مًراض وصِحاح مُقلو الفتاكا .. ظُبي الرام
2- خريف وشتاكا .. ميس يا بان المصري أتاكا .. النسام
3- اللّي أفتاكا .. جابلي روايحك لي هتاكا .. عود يا منام
4- ما بيغباكا .. شغفي عليك ومتى أصباكا .. تزيدني هُيام
5- وتريني صباكا .. ونُبدي عتاب وحنان نتباكا .. على الأيام
6- لعلى أراكا ضحى تتجلى بطيب وأراكا .. وولو في منام
7- ويكون سُمراكا .. جواري تلات وبعض أمراكا .. وبعدو تنام
8- غريزة حياكا .. عيونك تعشق جمال محياكا .. تاخد السام
9- ويفوح رياكا.. ينعشلي ويجيب خُمرا ً جالياكا.. النسام
10- حور مُرضاكا .. وخدك نادي ينوربو فضاكا .. شيل اللثام
11- على بعضاكا .. ترادف ميس عانِق أعضاكا .. فوق اردام
12- كفى قفـــاكا .. بُعاد حلماتك من كتفاكا .. در ومدام
13- والراح فى فاكا .. وشعرك عاتم وبدر صفاكا .. وحسنك تام*
14- التجى طارداكا .. أولى بيها أنا وبغضاكا .. الآلام
15- تيه واقضى قضاكا .. هلاكي رضاك ورضاى في رضاكا .. وهذا تمام


1- تيه واتاكا مراض وصحاح مقله الفتاكا ظبى الرام

2- خريف وشتاك ميل يابان المصرى اتاك النسام

3- اللى افتاكا جاب لى روايحا لى هتاكا وذادني هيام
4- ما بيغباك شغفى عليك ومتى اصباك تذيدنى هيام

5- وترينى صباك ونجري عتاب وحنان نتباكا على الايام

6- لعلى اراك ضحا تتجلى بطيب واراك و نجري كلام
7- ويكون سمراك جوارى حسان وبعض امراك وبعده تنام

8- كفى قفاك بعاد حلماتك من كتفاك درر ومدام

9- والراح فى فاك شعرك عتمة وبدر صفاك وحسنك تام
10- غريزة حياك عجيب تستحي من نور محياك داخل السام

11- ويفوح رياك ينعشنى يجيب خمرا جالياك ولو في منام
12- الشادي شداكـ موجو ترتل تل نهداكـ وقود اللجام 

13- وتلا يداكـ وري الفن فرج ننداكـ و عوم يا حمام

14- ما اسماكـ سماء المجد علوت سماكـ عبير الشام 

15- وفاح نسماكـ من تنا جيدكـ و حامي حماكـ حمي الاسلام

ملاحظين؟ لا نقطة لا شولة لا نتلاقا لا نتلم بس عصيدة صحن جديد دردم وابلع
فـ هل بتنهضم ؟؟ !!!!!!
يقولون أن العصيدة لا تحتاج لمعدة فور ويل فـ يجوز تنهضم للذين يعتبرونها واقي مجاعة والسلام
فالذين يحبون العصائد يبتعدون عن القصائد وكل همّهم في هذه الحياة يأكلون مما يزرعون ويلبسون مما يصنعون واعتمدوا على الله وهربوا منه يأكلون السحت ويلبسون ايمانهم بظلم طوااااالي

* وردت دام في التسجيل لمبارك وهي تام
ما قتا ليكم مرات بياكلو الكلام عشان كدا الشخص البقوم بتفريغ النص في النت بتلخبت عليهو الاختصاص
على العموم النص دا ذكرني بالفيران داخل معامل الأبحاث وأي واحد شايل حقنتو وحايم يخدّر سااااااي لغاية رقدوهو في الانعاش
إن الفئران لا تحتمل غاز الفريون فـ .. ماتت !!!!
وس وس
الاسبيس بين الواو والمعطوف إجراء لذيذ لقيتو
كتاحه is offline               Reply With Quote               
Old 28-Sep-11, 19:01   #73
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default


الشاب الكييف حسن محجوب وغنا بتاع مزاج ومخخنجية في رحلة في احد الجنائن شكلها برئية وخالية من الكوليسترول اللهم إلا يكونو (جايين جاهزين والله أعلم) لأنو ما سمعت حاجة طقشت ليها حاجة أخرى وهذه محمدة يشكرون عليها
بداها بخريف وشتاكا وخلّ التيه والتكيي للكورس
حسن سمع الأغنية على ما يبدو من كم جهة جهجهة باكاتو عشان كدا بتلقوهو مرة خشّ بأخطاء مبارك ومرة لفح من تلودي (خمراً جالياهو ولو في منام)
وشال (ميل يا بان ونجري عتاب وغريب تستحي من نور محياكا) حقت تلودي وتمتام القدانا بيها آنفة الذكر
ورجع لمبارك تاني أخد منو (شعرك عاتم وخدك نادي ينوربو فضاكا وترادف ميس عانِق أعضاكا) مع انو مرزوق قال يا بعضك ميس عانق أعضاكا وكذلك ابراهيم خوجلي وتمتام وبقية الكورجة الفريدة ..
وكمان أخد بعضو تنام من مبارك بضبانتا
يعني الجيل الأكبر منو ديل هم الخلوهو يخلط حابلهم بنابل مبارك
بصراحة كيّفني التطريب الفيهو وما بصدد الحكم على الصوت لأنو غنا قعدات زي دي برفع عنو القلم في تقييمو كمطرب اللهم علا لو قام بقى زول عدّادات زي صحبي الكاشف داك
وتنويهو ذاتو يشكر عليهو بإنو القصيدة طويلة وخايف عليهم من الملل لأنهم في جو رومانسي وكدا ..
رومانسي !!!!! وراهم حصير واحتمال جداد حايم في المزرعة
لكن دا على حسب المتاح وكدا
تلقاهم بعد رجعو قالو للما حضرو قعدنا قعدنا ما منظور مثيلا والجاكات ديك
لكن والله يا ريت لو تميتا لينا ياخ
معقول أغنية زي تشعرنا بالملل
هو أكيد بكون شاف الجكس اللطيف إتململ في كراسيهو عشان كدا قال كلامو دا
قال النلحقن قبال يحردن لينا القعدة الظريفة دي
قامن خربن على المستمعين أمثالنا متعة الفلفلة ..
هن طواااالي كدا ؟؟؟؟؟


‫ظ‚ط¹ط¯ط§طھظ†ط§ ظˆ ط³ظ…ط¹ظ†ط§ 013 - طھظٹظ‡ ظˆط§طھط§ظƒط§‬‎ - YouTube

الشاب حسن محجوب
خريف وشتاكا .. ميل يا بان النصر/المصري أتاكا .. ها النسام
اللّي أفتاكا .. جابلي روايحاك لي هتّاكا .. وزادني هيام
لعلى أراكا ضحى تتجلى بطيب وأراكا .. ونجري كلام
يكون سُمراكا .. جواري حسان وبعض أمراكا .. وبعدو تنام
ما بيغباكا .. شغفي عليك ومتى أصباكا .. تزيدني هُيام
وتريني صباكا .. ونجري عتاب وحنان نتباكا .. على الأيام
غريزة حياكا .. غريب تستحي بى نور محياكا .. تاخد السام
ويفوح رياكا.. ينعشني ويجيب خُمرا ً جالياكا.. ولو في منام
كفى قفـــاكا .. بُعاد حلماتك من كتفاكا .. در ومدام
والراح فى فاكا .. شعرك عاتم وبدر صفاكا .. وحسنك دام
حور مرضاكا .. خدك نادي ينوربو فضاكا .. شيل اللثام
على بعضاكا .. يا بعضك ميس عانق أعضاكا .. فوق اردام
الشاذي شذاكا .. موج وترتل وتل نهداكا .. قود اللجام
وتل يداكا .. وري الفن فرج نُدداكا.. عووووم يا حمام
ما اسماكا .. سماء المجد علوت سماكا .. عبير الشام
وفاح نسماكا .. من تنا جيدك و حامي حماكا .. حمى الإسلام

مبارك حسن تسجيل قديم
1-تيه يتاكا .. مًراض وصِحاح مُقلو الفتاكا .. ظُبي الرام
2- خريف وشتاكا .. ميس يا بان المصري أتاكا .. النسام
3- اللّي أفتاكا .. جابلي روايحك لي هتاكا .. عود يا منام
4- ما بيغباكا .. شغفي عليك ومتى أصباكا .. تزيدني هُيام
5- وتريني صباكا .. ونُبدي عتاب وحنان نتباكا .. على الأيام
6- لعلى أراكا ضحى تتجلى بطيب وأراكا .. وولو في منام
7- ويكون سُمراكا .. جواري تلات وبعض أمراكا .. وبعضو تنام
8- غريزة حياكا .. عيونك تعشق جمال محياكا .. تاخد السام
9- ويفوح رياكا.. ينعشلي ويجيب خُمرا ً جالياكا.. النسام
10- حور مُرضاكا .. وخدك نادي ينوربو فضاكا .. شيل اللثام
11- على بعضاكا .. ترادف ميس عانِق أعضاكا .. فوق اردام
12- كفى قفـــاكا .. بُعاد حلماتك من كتفاكا .. در ومدام
13- والراح فى فاكا .. وشعرك عاتم وبدر صفاكا .. وحسنك دام
14- التجى طارداكا .. أولى بيها أنا وبغضاكا .. الآلام
15- تيه واقضى قضاكا .. هلاكي رضاك ورضاى في رضاكا .. وهذا تمام
كتاحه is offline               Reply With Quote               
Old 29-Sep-11, 05:32   #74
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default


مستشرق دخل السودان لقاهم كلهم مستغربين
قام أعلن استغرابو لأنهم إستشرقو
كاك كاك كااااااااااااااااااااااااك كع
الحقوق محفوظة لكتاحه ِ© 2011
هووووي البتاعة دي فيها كم وش .. غير وش البامية الـ ما ياهو داك

قتا أعمل زي حسن محجوب لكسر الرتابة في هذا الصباح الخميسي الممل
أقعد اباري تيه وتُر ح تجيني جلطة في عز الشباب
هيثم بتاع مامون داك قال شنو ؟؟؟
التجي طرباكا
في ذمتكم هل واحد فيكم سِمِع كلمة (طرباكا) قبل كدا ولّ الزول دا بطربق ساي !!!
موش كان احسن يقول التجي طالباكا قروش تهرشنا أنا وبغضاكا وطوالي تشتت .. وهذا حرام
والكلام دا كان وين ؟؟
في تلفزيون السودان القومي - نجوم الغد
كان إسموهو الصندوق القومي لرعاية المواهب وتفجير الطاقات
لأنو أي حاجة فيها تفجير بقينا فالحين فيها
وح حيكون أكبر من الصناديق ديك
إذا تضافرت الجهود طبعاً
والجهود بتتضافر طوالي في حزّتا لو المسألة فيها طرب وبلابيط !!!!!
كتاحه is offline               Reply With Quote               
Old 29-Sep-11, 16:40   #75
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default


هيثم
تيه يتاكا .. مًراض وصِحاح مُقلو الفتاكا .. زُبي الرام
خريف وشتاكا .. ميل يا بان المصري أتاكا .. النسام
اللبي أفتاكا .. جابلي روايحاً لي هتاكا .. وزادني هيام
لعلى أراكا ضحى تتجلى بطيب وأراكا .. وولو في منام
ويكون سُمراكا .. جواري حسان وبعض أمراكا .. وبعدو تنام
ما بيغباكا .. شغفي عليك ومتى أصباكا .. تزيدني هُيام
وتريني صباكا .. نُبدي عتاب وحنان نتباكا .. على الأيام
غريزة حياكا .. عجيب يستحي من نور محياكا .. داخل السام
ويفوح رياكا.. ينعشلي ويجيب خُمرا ً جالياكا.. أو في الظلام
كف وكفـــاكا .. بُعاد حلماتك من كتفاكا .. در ومدام
الراح فى فاكا .. شعرك عاتم يدوربو فضاكا .. وحسنك دام
التجى طرباكا .. أولى بيها أنا وبغضاكا .. الآلام
تيه واقضى قضاكا .. هلاكي رضاك ورضاى في رضاكا .. وهذا تمام

‫طھظٹظ‡ ظˆط§طھط§ظƒط§ - 11‬‎ - YouTube

الـ نسام .. اخونا دا ضغط على اللام لامن ضهرا طقطق حيث النون من الحروف الشمسية فـ من باب أولى يفجخ اللام بالنون وكان عفص ليها عافي منو .
رجعنا تاني للبي أفتاكا وروايحاُ واللغاويس ديك !!!
وبدل يقول عود يا منام قال زادني هيام
محمد سليمان يلولح في راصو سااااااااي ولا جايب خبر
تاني قال لعلى أراكا ضحى تتجلى بطيب وأراكا .. ونجري كلام
وبعض أمراكا قال (بعد) أمراكا
ومحمد اسماعيل يعذّب في أوتار الكمان بقوسو الميّت مبتسمن ومنتشي
وعجيب يستحي من نور محياكا ما زالت مسيطرة على
اها كمان شعرك عاتم (يدوربو فضاكا) دي اتخيلا كيف بس عليك الله اشرح لي دي وتاني ما داير منك حاجة غير تعفى مني الله يرضى عليك ..
وبدر صفاك يا هيثم ياخ بدر صفاااااك
وما ننسى أولى بيها أنا وبغداك .. الآلام
وزُبي الرام
نجي للطرباكة هههههههااااايييييااااا
يا زول أقول ليك حاجة
طرباكا درباكا محراكا المهم تجي تاعب روحي مالي أنا
ولّ أقول ليكم
أحسن أسكت
دي الجامعة لسع فيها ناس بتحب بعض وووووو بعض
الشي لا عازف يلكز لا نجوم باكر لا هذا ولا ذاك ؟؟؟
سمعتو بقصة هيثم الأهلية ولؤي العمارات؟
أبيت ما بقولا ليكم
وطبعا كالعادة تقديم ابيات وتأخير أخرى سمة ملازمة لهذه الأغنية والتي حصل ليها جوباك شديد خلاس
لكن والله الود هيثم دا أحسن من قفل الأبيات وبطريقة فيها شغل حلو اديكم أمثلة

بس لو ما عصر على اللام في النسام يكون كدا
وزادني هياااااام جضّما بمزاااااج
نخليكم مع ليلة خميس .. خميسي مطرشق ليهو زمن !!!

teeeeh - YouTube
كتاحه is offline               Reply With Quote               
Old 01-Oct-11, 05:33   #76
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default

وعشان الواحد يكون احترافي أكتر أوريكم مدى الفوضى في أداء هذه الأغنية (الـمَلْطَشة) فقد تغنى بها شخص واحد في برنامج واحد بشكلين مختلفين الأمر الذي يدعو للدهشة وتخلي كربريتر نافوخو يرترت وآمبير فهمو دقّ دلجتو قبل واطاتنو تصبح
وصباح الخير يا أبناء جلدتي الشرفاء في كل ربوع بلادي والمهاجرين في سبيله يجمعون الشرتيت يورو ودولار
ولن ننحاز لأي ريال

‫طھظٹظ‡ ظˆط§طھط§ظƒط§ _ ط¹ط´ط§ظ† ط®ط§ط·ط± ط§ط®ظˆظ†ط§ ط§ط¨ط§ط°ط± ط§ظ„ط®ظٹط±‬‎ - YouTube



بخلي ليكم الألوان تتحدث عن تحتها عوضاً عني فأخوكم قد فتر عديل كدا !!!
إتو الواحد من ديل بلقى باب التلفزيون مفتوح وطوالي ينقشط ثم يختف أقرب مايك من أحدهم وطوالي يخش في الكوبليه الأول والبقية زي ما تجي تجي ولّ المسعلة (بدّورلها) إجراءات وبروڤات وبطاقات شخصية وتاريخ فني .. وكدا
غايتو لو متل الشفتو دا نقوم نختف لينا مايك من طرف ونجعجع ان شاء الله تبقى مظاهرات
بالنسبة لـ زُبَي :
الحمد لله الذي جعل للغتنا العربية ضمة وفتحة نتخارج بيها من المطبات الزي دي وإلا كان خلانا نضّاير كلنا ومحل نودي وشّنا ما نعرف نخُت رجلينا !!!
أغنية ويحيدة تتغنى مرتين وبطربقتين نظام شيل وأرزع وين يقع البيت اللّقع ان شاء الله تاني الناصية ولّ تشيل بيت من الفتيحاب تختو في بانت وتاني يوم نلقاك ساكن في دار السلام بالايجار
(تزيدني) هيام دي بقت كيف (تزوّدني) هيام من نفس الأغنية والمؤدي في برنامجكم ذائع الصيت نجوم الغد؟؟
غايتو البرنامج دا ميزتو الوحيييييدة خلّ الشفع ديل مشو يكابسو في غنانا الجميل داك
لكن المشى يكابس جابو يابس !!!!
بس عشان يتقيّد بشروط البرنامج وكدا على ما يبدو
احتمال اعتمدو على المادة المسموعة أكتر من المقروءة ولهذا السبب جاطو الشغلانة
وبيني وبينكم عندنا فنانين مرات بتطلع منهم الكلمة ما ياها يقومو الـ ما سمعو بيها ديل يألفو من عندهم إذا كان التركيز كلو على الصوت والمزيكا
والشي المحيرني التاني يقوم يجيب ابيات ما غناها في الأول مع إنو الأداء الأول جسر عبور للمرحلة التانية
وفي المرحلة التانية يفتح لأبيات غناها قبل كدا ويأتي بأخرى أظنو من باب التنوع الثقافي وكدا
ما شنو إتو قايلين
القصة دي من جابت ليها تصويت وأس أم أس بقت المسألة تجارية والاهتمام بالشفّع ديل يأتي في (اللحاف) التالت بعد شرتيت الرسائل والاعلانات.
عشان كدا بطّلتا اشاهدو من فترة ليست بالقصيرة حفاظا على الباقي من أعصابي
أها طرباكا دي لامن قالا في التسجيل الأول وماف زول صلّحو يعني شنو ؟؟
يعني زي ما قلت ليكم فوق
شنو المشكلة لو خسرنا أمانة الكلمة مقابل الكسب المادي الـ عارية دا !!!!!!!!!!!!
إلعن أبو الغنا لأبو ميتين الطرب ذاتو وكت تخلو واحد من جيل المستقبل يتكلم غلط وتحسبون أنكم تحسنون صنعا وبالطريقة دي الماضي ذاتو غتّستو حجرو.
ولّ عشان الود كفيف وغض الطرف عنو ما فارقة معاهو كتير ؟؟؟
أهو دا عوض احمودي في زول يقدر يقول فيهو كلمة ؟؟ إتعلّم لامن زيتو طلع حتى ظهر ليكم زول تفتيحه في العزف على العود.
الود صوتو جميل ويطلع منو لكن لامن تصلّحو البت القالت (صدى نجد) وتخلو المسكين دا شينة والله !!!!
يلبس ليكم طرحة ولّ شنو الفكرة ؟؟؟!!! (هو ذاتو حتى لو لبس طرحة ماب تخارجو)
لكن برضو يا هيثم مفروض تكرّب شغلك وكت كبارك ديل مشغولين بنقر الأصابع لما ترتاح للموسيقى
هو إتا ذاتك لو ما شقي في عضمك دا البوديك على تيه يتاكى شنو ؟؟؟
أعمى من ناس (دخّلوها وصديرا حام) ولّ أي واحدة من أغاني البعيو البتخلي الناس تنطط ديك تمشّي بيها حالك إمكن تبقيك زول بتاع عدّدات لو الناس دية قات ليك أمشي الشارع
كان سترت روحك على الأقل وانسترنا معاك
الأداء بتاعو أحلى من ناس تلودي وتمتام والبقية بعد دا كلو
هو اذا كان ابراهيم خوجلي وعباس تلودي وتمتام قالو ميل يا بان نلوم هيثم ليه
بس والله ماف حاجة شكحتني وسوّت لي يومي غير (التجي طرباكا) دي
الزول لامن يكون بغني وما عارف روحو بقول في شنو طوالي نعاملو معاملة
ياخي ديلاك نهروها جنس نهِر مبالغة !!! من غزل قلبت عندهم هرِش راصو عدييييل .. أول مرة اسمعا من تلودي وتمتام خلعوني خلعة
قتا بسم الله ديل مالم مهجومين كدا!!!!
هي شنو هي قالو ليهم ؟؟!!! بت شديدة ياخ .. فـ رفقا بالقوارير يا عالم ووطو ليهن جناح الذل شويتين كان يطمر فيهن ..
وقد لا يطمر
العين دي ما شفنا ليها شيتن ملاها غير النعاس
أو أعملو نايمين ..
كتاحه is offline               Reply With Quote               
Old 02-Oct-11, 06:56   #77
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default

الشافع سأل أبوهو قدّام أمو قال ليو يا بابا أنا جيت كيف
قال ليهو أسأل أمك أهو دي قدامك أعمى منها
سأل أمو قات ليو أبوك كشح فيني موية
الشافع اخد ليو صننننة كداااااا وقال لأمو :
لو (تسحتا) موية في ملاذ (ملاذ دي بت الجيران) بتجيب واحد زيي
قات ليو آآي يا ولدي
مشى لبد ليها وفي يده اليمنى باقة موية
ولكن عندما همّ بها زاغت منو وعلى الرغم من زوغتا وقع عليها ما يبل الريق ثم قالت : دار تتسحني ليه بتّلم ليك أمي اسحن ليييييك
جَدَعَ ما في يمينو ثم كرفس وشّو وطنطن ..
دالو لي ساي تضّبو علي (الترجمة) قالو لي ساي كضّبو علي

في البحث عن الحقيقة سنصادف من يلوي عنقها لا يلوون على شئ

بازرعة .. يااااااه من هذا الرجل
كتب المصير (ودي غير مصير سيف الدين الدسوقي المجهجه داك مع إنهم الاتنين مصيرم مجهول لكن أهو قدر أخفّ من قدر) من أداء الأستاذ الراحل عثمان حسين طيّب الله ثراه
لقيت (واحد كدا) في (حتة كدا) كتب :
كتاحه is offline               Reply With Quote               
Old 02-Oct-11, 06:58   #78
هرقل
Crown Member
 
هرقل's Avatar
 

Join Date: Aug 2008
Location: mafee@hotmail.com
Posts: 61,634
Send a message via ICQ to هرقل Send a message via AIM to هرقل
Default

بوسطن دسم لكن ما عندي ليهو زمن يا كتاحة اشفق علينا شوية
__________________

To view links or images in signatures your post count must be 10 or greater. You currently have 0 posts.
هنا وراء البحر..نفعل ما يفعل السجناء والعاطلون عن العمل
نربي الأمل

To view links or images in signatures your post count must be 10 or greater. You currently have 0 posts.
هرقل is offline               Reply With Quote               
Old 03-Oct-11, 05:41   #79
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default

Quote:
Originally Posted by هرقل View Post
بوسطن دسم لكن ما عندي ليهو زمن يا كتاحة اشفق علينا شوية
كتاحه شفق عليك
عاين يا هرقل
كانو بقولو لينا اتنين من أسباب رفاهية الفرد يا كفر يا وتر
عليك دينك موش جَنَو علينا
براقش ذاتا لو شافت ما جنيناهو دا كان سِعرت وجاها انسداد في قناة فالوب ... الفضائية
دفننونا في المقبرة ياخ
أها ما الكفر دا ؟؟؟ دا طرفي منو
والوتر ذاتو قاعدين نحاحي فيهو من ناس كدا
دا غير الضلع الأعوج المرقن منو ديل .. والضلع (الغالي) داك
قتا ليكم .. المصائب لا تأتى فرادى .. بل نكّة ًواحدة
سيد البلد اندفن في مقبرتو ويقام المأتم في القليب .. جمب الضلع الأعوج داك ذاتو الحيطة بالحيطة
وسودانير ذاتا اندفنت في فرناغة المطار وفوم الدفاع المدني
جنس كُبب غايتو
ما عليك يا زول الفينا مشهودة




Last edited by كتاحه; 03-Oct-11 at 05:49.
كتاحه is offline               Reply With Quote               
Old 03-Oct-11, 05:48   #80
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default

Quote:
Originally Posted by كتاحه View Post

لقيت (واحد كدا) في (حتة كدا) كتب :
المصير
كل لحظة بتمر على انت فى خاطرى وعينى
انت فى فنى البعيشوه فى المدى فى الابدية
قدر ما احاول اخاصمك وانسى احزانى واساها
واكتم الغير فى قلبي واطوى جرحى فى الحنايا
القي اثرك فى حواسى و خطاى
القى كل الدنيا حولى
فى حياتى قبل انت عشت قصة حب قاسية
لسه ما زالت بقلبي زكرياتها المره باقية
لما احلق فى وجود و كنت بقيك سعادتى باقية
لكن انت هدمت املى
انا لوعارف خصامك لى ايامه بتطول
كنت ما اترددت لحظة لما حار بى الدليل
انسى ظلمك وارجى حلمك
وانسى كل الراح قبيل
اصلوا حبك فوق ارادتى

المصدر : منقول من منقول من منقول ولخ
كتاحه is offline               Reply With Quote               
Old 03-Oct-11, 06:46   #81
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default

يعني لو كانت مُعلقة كان لقينا عذر
شوية بويتات ما عليك فيهن !! راحن وجن بهذه المحاسيس القاعدة أم مفكو
مغمد ممكن تحفظم
خمسطاشر كلمة .. لامن تلقى فيهن سبعة غلط فضّلو فيها شنو تاني غير أحزاني وأسايا
ياخ أنحنا دايرين (جيل باكر) يلقى (ناس زمان) كتبو صاح وبس .. دي كل الفكرة
دا كتاحه لامن يكون من ناس زمان .. ودقة قديمة
قبل ناس فافي يهلو في حياتنا
إسوونا مضحكة بعدين .. دا لو أساسا إهتمو بالإرث الموجود
(إهتمو كيفن مع ناس قنبلة واضربني بمسدسك أملاني رصاص)
الواحد بقى ذاتو ما عارف المفردات الحربية دي نتاج طبيعي لخدمة إلزامية ولّ الناس بقت تحضر أم بي سي فور أكتر من ذي قبل
إذا الحكاية دي صعبة على البعض ينقطونا بالسكات
إخير من (اللّخ) المجوبك دا على كل حال
في ناس كدا بتحكم على العضو بعدد مشاركاتو بغض النظر عن النوعية وديل ياهم الواقعين في الكوبي بيست براسم زائدا مشكور على المرور ويسلموووووو اضافة إلى إنو الواحد لو قام على الخرمة ودين الله ما تفهمو حاجة
خرمة شنو ياخ قصدي الخرمجة
الواحد ما صدّق فكّت منو .. الكورة .. كما فكّت من أشباح أمبارح ديل
واحد قال مشرف منتدى الأغاني في هذا الاسفير الذي يدعو للغثيان عندما تلاقيك إحداهن تتعرى أمام الكاميرا مان في أمنن وأمان
ودايرانا نعاين ليها مستغلة انشغال عقولنا بكيفية المخارجة من لحظة كبت ليست عابرة

كل لحظة بتمر على انت فى خاطرى وعينى
انت فى فنى (البعيشوه) فى المدى (فى) الابدية
قدر ما (احاول) اخاصمك وانسى احزانى (واساها)
(أحزاني وأساها ؟؟ أحزاني أنا ياخ وأساي شدييييد)
في المدى في الأبدية دي سيك سيك معلّق فيك
قدر ما حاولت مااااااا حاولت يا وجع قلبي
في حاجة اسمها الموسيقى الشعرية دي لو رجفت ساي حتى النوتة بتزهج
بعدين الألف المقصورة في العامية يا نعملا ألف أحمر (ليّن) (متطرّف) يا نرزع فيها فتحة ..
واكتم (الغير) (الـ) فى قلبي واطوى جرحى فى الحنايا
أكتم الغير النشوفك بتكتم كيف ؟؟؟ كان ما نفسك إنقطع ما تديني يدّك تاني
القي (اثرك) فى حواسى (كلمتين ناقصين)و خطاى القى كل الدنيا حولى
القي اثرك فى حواسى وخطاى !! بالله .. ياخي لا !! ثم ياخي تخ !! ثم ياخي ووب
فى حياتى (قبل) انت عشت قصة حب قاسية
قبل انت ؟؟ لا عليك الله قبّل جاي .. ولّ أقول ليك .. أنسى
لسه ما زالت (بقلبي زكرياتها) المره باقية
في قلبي مش بقلبي
(لما) (احلق) فى (وجود) و كنت (بقيك) سعادتى (باقية)
لما أحلق قال !!! قايل روحو كابتن ياسر
فعلا والله هدمت أملي وقد يخييييب
يعني أحلق دي ممكن توديك الحلّاق براااحة والقطعية مسمار كمان
لكن انت هدمت املى
هسه البيت فضل فيهو شنو غير حروف الجر والضمائر .. وسعادتي
انا لوعارف خصامك لى (ايامه) بتطول
عندنا في اللهجة العامية (الهاء) دي بتتقلب واو طوالي عشان ما ندخل في اشكال مع أمّنا اللغة دي
حاكم هي طوااااالي زعلانة مننا واحنا اتلومنا معاها لوم العدو
كنت ما اترددت لحظة (لما) حار بى الدليل
انسى ظلمك وارجى حلمك وانسى كل الراح قبيل
اصلوا حبك فوق ارادتى
اخخخخخ أنا من دي .. تتوّر النفس

ملاحظين إنو كل الألفات لا همزة فوق لا تحت لا بالجمبة .. سليقة ساي

ما بقدر اجيب روابط هنا
فقط لستر عورة الكلام الغلط
فـ يكون مغتغت أحسن من تشمو ريحة عفنتو طاقة
دا هيّن
أها الموقع الرسمي لراديو البلد نقول عليهم شنو !!!
هل دقسو كما دقس ميشو ليلة البارحة ؟؟!!
هو أنا ذاتي لو ما شقي اباري الكورة واللغاويس دي !!!!!
بس
عشان الحاجات تبقى كويسه
أنا البي كلو هيّن ...
كتاحه is offline               Reply With Quote               
Old 03-Oct-11, 09:34   #82
aboalnon
Golden Member
 
aboalnon's Avatar
 

Join Date: Apr 2004
Location: في بيتي
Posts: 3,355
Send a message via AIM to aboalnon Send a message via MSN to aboalnon Send a message via Yahoo to aboalnon Send a message via Skype™ to aboalnon
Default


سلام كتاحة

حيرتني ياخ

دخلت ويا ريتني ما دخلته ، اتحكرته وحيرتني ملاحظاتك في الغنا ، حاولت افتش مصلحتك في الهوليلة دي غلبني ، مرة تشتت ومرة تلخبت في النهاية لقيت البوست انتهي ، زعلت ، بعد كدا غسب راح افتش وين اراضيك واصل يااااااخ انشاء تفكها في الاخر

__________________

To view links or images in signatures your post count must be 10 or greater. You currently have 0 posts.
aboalnon is offline               Reply With Quote               
Old 03-Oct-11, 15:57   #83
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default

إنشاء دي أوعا تكون حقّت الله ؟؟ بحتار أنا المرة دي والله
يا ريت تكون كونستركشن ساي (إن شاء الله بيت نمل)

يا سيدي التشتيت دا عبارة عن ثرو باص لروحي وبمشي ألحقو في راية الكورنر وأعكس في خط تمنطاشر وتلقاني في الموعد وعلى الطائر . دُل دُل دُل .. لاقتك شحططة أكتر من كدا ؟؟؟
مصلحتي بتلقاها غالبا بين السطور الفوق دي وآخرها كان عشان الحاجات تبقى كويسة
زائداً أنحنا دايرين (جيل باكر) يلقى (ناس زمان) كتبو صاح وبس
دا لو ما بابكر صديق ودّو ليهو شمار وجا شاف بنفسو
كان تقول لي يا كتاحه إحنا ذنبنا شنو جايي فاكيها فينا .. وجايب لينا كلام من حتات تانية تبرانا بيهو
شفتا الحتات البلقى فيها الكلام مرخرخ طوالي بعمل تسجيل عضوية
أها أقوم أخش في الموضوع طوالي وهاك يا تصليح (الغريبة بكون بشكل فَنَي) بس مرات بدخل بحمد وبمرق بحمد ذاتو وبطلع بالواحد مشوار حتين أبرّد بطنو
الحاجة البتغيظ تدخل عشان تشوف ردو عليك بشنو تلقى نفسك محظور ومشاركتك ماف
والوقت الذي يرفع فيه الحظر .. غير معروف .. والسبب برضو ما معروف
وعلى هذا المنوال أخدت كم بمبة
أكيد إفتكروني بستهبل عليهم ولهذا جات الدراسة الاستهبالية دي كان تبرّد ما أعانيه من الضيق بالرأي الآخر
فـ موية وشّي بعد كدا أوديها وين غير أكشحا ليكم هنا
فقلت ياااا كتاحه أمسك عليك حصانك فإن صهيله سوف يُلحقنا ببراقش وما أنا بمستعد
فاحتملني يا صديق
الناس قاعدة تتمشكل معاي كتير وما بشتغل بيهم لأني مؤمن ايمان قاطع إنو شكل النت دا بتاع سحاسيح ساي
لو غلطت على زول بعتذر كاش داون ولو غلطو علي بعتمد القاعدة الفوق دي مع إنو الواحد عندو صولات ما بطالة في ساحات الفداء
البتاعة دي قليلا رايح وكتيرا رايح
فـ شنو قول صاحك وتوقّع تصويب الآخرين
إما بكلماتهم .. أو فوهة بنادقهم الآلية
وفي الحالتين .. تبش وناقصو شطة
كتاحه is offline               Reply With Quote               
Old 03-Oct-11, 17:32   #84
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default

إذاعة جمهورية السودان الديمقراطية* من أم درمان
تقدم المصير من كلمات حسين بازرعة وفي الغناء عثمان حسين

كل لحظة بتمر على أنت فى خاطرى وعيني
أنت (في) فني البعيشو (في) المدى (في) الأبدي
قدر ما حاولت أخاصمك وأنسى أحزاني وأسايا
واكتم الغيرة (...) في قلبي وأطوى جرحى في الحنايا
القي (أثرك) في حواسي وظلك يتبعني في خطايا
ألقى كل الدنيا حولي تنادي اسمك معايا

في حياتي قبلك أنت عشت قصة حب قاسية
لسه ما زالت (بـ) قلبي زكرياتها المره باقية
لما هليت في وجودي و قلت بيك سعادتي (باقية)
لكن أنت هدمت أملي بعد عشره نبيلة سامية

أنا لوعارف خصامك لي أيامه بتطول
كنت ما اترددت لحظة لما حار بى الدليل
أنسى ظلمك وأرجى حلمك وأنسى كل الراح قبيل
أصلو حبك فوق ارادتي وحبي قام بالمستحيل
ناس الاذاعة قالو حبهم (قام) بالمستحيل
لغم كدا إن شاء الله يقوم بالموجة المتوسطة والقصيرة وما يخلي بحر من بحور الشعر
هوي دي دعوة استهبال ساي حدها بابي دا
والله ما من قلبي
دي أم درمان ياخ
كباية ما برضى تنكسر فيها

* حلم الجيعان ما عيش
كتاحه is offline               Reply With Quote               
Old 04-Oct-11, 01:57   #85
aboalnon
Golden Member
 
aboalnon's Avatar
 

Join Date: Apr 2004
Location: في بيتي
Posts: 3,355
Send a message via AIM to aboalnon Send a message via MSN to aboalnon Send a message via Yahoo to aboalnon Send a message via Skype™ to aboalnon
Default



بس هي دي !!؟

لقيتك يا كتاحة مبرمج ميعاد مع الغنا خليتني استحضر تصريح دخول

I am still rummaging around was very proud of it too

Just stumbled across this

keep doing it as you want it to be

قالو الغنا سمح في خشم سيدو

هسيع الازواق اختلفت صحي بقت ما زي زمان لكن اي غنا في تطريب الناس بتتمايل معاهو

واي فنان بربي جمهوره ولا كيف !!؟

__________________

To view links or images in signatures your post count must be 10 or greater. You currently have 0 posts.
aboalnon is offline               Reply With Quote               
Old 04-Oct-11, 05:40   #86
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default

Quote:
Originally Posted by aboalnon View Post

بس هي دي !!؟
ياتو دي

Quote:
Originally Posted by aboalnon View Post

هسيع الازواق اختلفت صحي بقت ما زي زمان لكن اي غنا في تطريب الناس بتتمايل معاهو
تتمايل معاهو دي إلا يكونو فافنوس ساكت !!!
بتعرف الفافينوس ؟؟
لو ماب تعرفو خليهو (ساق الشٍتيل الني)
ياهو الميلان بتاع الحفلات دا ولّ ميلانن مب نعرفو؟؟؟
كدي خليني من لغة الجسد دي وخلي المحاسيس تتحدث عن نفسها لو التطريب دا عسّكر في القلوب ولّ دي مناورات ساي الغرض منها مجاملة العريس
طيب وكت عندي القدرة أتمايل البمنع شنو يهبشني الكلام
دا لو في كلام بهابش نخاشيش الفؤاد ويقرقر عصب الحواس ..

كدى تعال النسألك يا أبو النون
أخوك لسانو عربي مبين وماسك في بت عدنان دي لامن كوركت وابيت أفكها كلوكلو
الداعي شنو تناغمني بالانجليزي ؟؟
المهم أنا هنا ما بصدد تقييم الأذواق لأنو الحتة دي فيها تباين جم
فعشان كدا كل واحد وعمقو
الداير الهشّك بشّك راقد والداير غير ذلك هبطرش
فاظفر بذات الدين تربت يداك
كتاحه is offline               Reply With Quote               
Old 04-Oct-11, 06:26   #87
aboalnon
Golden Member
 
aboalnon's Avatar
 

Join Date: Apr 2004
Location: في بيتي
Posts: 3,355
Send a message via AIM to aboalnon Send a message via MSN to aboalnon Send a message via Yahoo to aboalnon Send a message via Skype™ to aboalnon
Default

Quote:
Originally Posted by كتاحه View Post
ياتو دي


تتمايل معاهو دي إلا يكونو فافنوس ساكت !!!
بتعرف الفافينوس ؟؟
لو ماب تعرفو خليهو (ساق الشٍتيل الني)
ياهو الميلان بتاع الحفلات دا ولّ ميلانن مب نعرفو؟؟؟
كدي خليني من لغة الجسد دي وخلي المحاسيس تتحدث عن نفسها لو التطريب دا عسّكر في القلوب ولّ دي مناورات ساي الغرض منها مجاملة العريس
طيب وكت عندي القدرة أتمايل البمنع شنو يهبشني الكلام
دا لو في كلام بهابش نخاشيش الفؤاد ويقرقر عصب الحواس ..

كدى تعال النسألك يا أبو النون
أخوك لسانو عربي مبين وماسك في بت عدنان دي لامن كوركت وابيت أفكها كلوكلو
الداعي شنو تناغمني بالانجليزي ؟؟
المهم أنا هنا ما بصدد تقييم الأذواق لأنو الحتة دي فيها تباين جم
فعشان كدا كل واحد وعمقو
الداير الهشّك بشّك راقد والداير غير ذلك هبطرش
فاظفر بذات الدين تربت يداك

كتاحة اجارك الله من النار

زي ما انا قاعد اجتهد في التحليل حسب مستواي المفهومي ،، لا ضير اخي ان تلوك اللوبانة
انا داير اسوقك لي حتة بتهمني شديد ودايرا اناغمك فيها بي كولكالة تحيرك وتفك حيرتي الزرعتها غسب لو بتتزكر
زي ما احترمت مشاعرك عصب حواسك واستسلمت بي جرجرتك ع كفاح المودة البيننا حقو انت تحاول تكتح مشادراتك لكسب الود

الغونا كلو فن حلال علينا نغرف منو حسب الطبخة وايجادتها ،، صاح

التنكليزي كلو صينية مكيسة ملفوفة بي انواع تشتهيها ،، في صالحك تمام

الفافينوس : دي ماركة مسجلة عند اللبناننيين اظنها شربه لبنانية اصلها بتنتج نوع من انواع النبيذ الموعتبر محضر باليانسون اصلو بساعد في مستويات تقلب المعدة اذا الهمضم تعسر

وزي ما قولت ليك الازواق تختلف .. لاحظ دي

الاولانية بتاعة تامر حسني شكلك ما مواكب

__________________

To view links or images in signatures your post count must be 10 or greater. You currently have 0 posts.
aboalnon is offline               Reply With Quote               
Old 04-Oct-11, 07:14   #88
تمارا
Intermediate Contributor
 

Join Date: Oct 2011
Posts: 32
Default

امنت بالذي خلى الاحاسيس تتملكك

حلاة استهبال وجن هو
بوستينك ده مابدخلو تاني الا وقهوتي في يدي كلما اقرا سطرين ارفع يدي واهم بالتجغم القى ليك يدي فاضية

لي آخر المدى
تمارا is offline               Reply With Quote               
Old 04-Oct-11, 07:15   #89
Suhaaj
Golden Member
 
Suhaaj's Avatar
 

Join Date: Feb 2011
Location: UAE
Posts: 9,531
Send a message via Yahoo to Suhaaj
Default

كتاحه
عاصفة
أعصار



شنو؟الحاصل شنو؟

شايت وين وعلى فين؟

هرشت مكتول وجننت اسباركوس وهرست المجروس وقدرت على هرقول
وحيرت ابو النون وحيرتنا معاهو

ونهايته أشتغلت بنات حواء وكأنهم كلهم أجتمعوا في أمراة واحدة؟

والعفة يا سيدي لم تنتهي ولن تنتهي حتى تقوم الساعة وبشهادة خير البشر



وبوستينك مشاكل نت ولا غنى حقيبة ولا زهج عكران ولا قضامة حيران؟


جميل ما نزلت واسلوبك بالرغم من قساوتو أحيانآ بس جنان وفي المليان ويدل على روح لا ترتاح ولا تستكين

وصحن جديد بنهضم

وغنى سمح بنفهم

وكلامك المو زين بالطوب بنردم

ودرب العوج بعيد عنك وعنا لو نعلم

وأحلى شيئ عنوانك - دراسة أستهبالية واستعباطية ولا ياربي أشتباكية عند خط النيران؟


عاااااااين وعلشان ما تسرح بلسانك ولا قلمك الاحمر

أختك



سهاج


سمح؟وكان ما سمح ببقى بقدرة الله سمح؟



__________________
لاغنى كالعقل .. لا فقر كالجهل .. لا ميراث كالأدب
لا ظهير كالمشاوره
Suhaaj is offline               Reply With Quote               
Old 05-Oct-11, 04:11   #90
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default

لا ما صاح يا أبو النون
ما كلو حلال علينا (ما دي ناهية طيب)
إتا قايل تناولي للمسألة دي من باب (المندب) ولّ شنو ؟؟؟ من باب أولى عشان تكون عارف ..
دا واقع فرض نفسو وسطينا .. فـ يا إما نبقى قدرو (وقدرو دي من المقاييس سمح) .. يا إما ما نجوطو ساي شأنه شأن الكتير من الحاجات السبهلل
البوديني على تامر حسني شنو وناسنا ديل ملخبتين العجين .. ذلك الذي ماشة فوقو سواسيو محاسيسنا دي
الناس تخلي سريرا الدبل في الأوضة وتمشي تفتش عن راحتا في برندات العرب لمزيد من الاحتكاك وهم يا حسرة ملاياتم مكرفسة وفي عويناتم غشاوة أظنها وفي إضنينم الصملاخ
دا بدل تملأ سرير دبُلا يسووها زواعة كما أفعل ذات الشئ مع الخواجات ديل
استخدامك لـ (تلوك اللوبانة) غير موفق وينطبق الأمر كذلك على (هوليلة) متناسيا أن عربون المحبة التي تريد لا تأتي على هذه الشاكلة فـ الكلمة الطيبة قالو لينا شدرة .. لا خليتنا نقعد تحت ضلّها لا قعدنا على ضلنا المرسوم على رمل المسافة دا .. وشاكي طبعا كعادتو الكعبة ... وووووعلى كلٍ ..
الدردقة خليها .. ما أنا بمدردق ليك

ثم عاين يا اللخو .. جرجرتك اللذيذة دي باقحام ما تحته خط لقياس درجة حرارتنا موش كدا ؟؟
أقوم اجيبا ليك من الآخر
سجّلني (شيوكوزست) عشان نقفل الباب دا ونفتح شبابيك المودة التي تريد
قال ليك .. ما دخلن حاجتين إلا وعكّرن صفو الحديث .. السياسة وخبر البكا
بالنسبة للفافنوس .. إجابتك صحيحة
ثم ..
هنا الحصة غُنا .. الداير يغني يغني .. والما داير يمشي يغني على ليلاه غادي غادي
ولا تنسى عزيزي أبوالنون أن لدينا ما يكفي لنحب بعضنا
والدليل .. لو لاقيتك سلام ساي بخلي عضام ضهرك تطقطق
كتاحه is offline               Reply With Quote               
Old 05-Oct-11, 07:06   #91
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default



قربت أشك إني قاعد وسط عزّابة لولا ظهور لوليتا في شاشة راداري
بركة الركّيتن في برج نحسي يا إتن .. حتى لو بلستكين
المهم بهبوطكن ارتفعت معنوياتنا وما ارتفع شي وانطلق إلا كما طار وقع فاخوكم طيره ساي ههههههه
علي باليمين غير الخوة ما تلقن مننا ما يعكّر صفوكن بتاتن
فـ الأمان القتو ليكن داك
خُمّن منو ساي .. وصُرّن
الواحد ما عندو قضية مع القهوة نهائي يا تمارا 
لكنني أستطيع أن أتبمبر لطق الحنك .. هذا السنين خالس خالس .. بيد أني أفضل الجلوس على واطاتو دي حبا في قطيع النجيلة وغرس مكانها هكتارا من الامنيات تُحقيق العدالة الاجتماعية على أقل تقدير

ليس لدى سوي ابتسامة
أختي تمارا
رزعتها لكِ هنا وقد تتطور لغابة من السعادة تضاهي غابة الأبنوس التي بحوزتك

تقهوجي واقري على مسامعنا ما تيسر من قعر الفنجان وأعلني أن عهد الكج قد ولى فإن حظي ببساطة كدا (زي الواطة دي)
في ذمتك يا سوهاج كم مرة ذكرت رفقاً بالقوارير في البوستن دا ؟؟؟
لست متحاملاً عليها فربما تجاربي الشخصية قد (فلتت) مني دون قصد لعدم شدّي لجام الحرف .. الكواريكو رفعت كسافتي دي
إنها الروح .. حين تنادي أحدنا بصوت الواقع .. فـ ممكن جدّن أرصهن ليكم هنا بمنتهى الأناقة ولكن !!! لن يكون المتحدث شخصي الضعيف فلست كالذين يقدّمون أنفسهم في قالب المثالية داك وبمجرد ساين آوت يتدشدش القناع
معذرة لطيش سهامي .. فالكنانة بدون قِفُل .. وبها من الكباليت الكتير !!!
عاينو يا تمارا وسوهاج
موقع .. الأغنية بتكون (ميديا) وخاتين مربع تكست آكتيڤ عشان الداير يكتبا يكتبا كتوثيق للأغنية المعنية
في المربع الأول مكتوب
كلمات اغنية كل لحظة
ساهم بكتابه كلمات هذه الاغنية
وطبعاً في كتير بفتكرو إنو مطلع الأغنية يعني إسمها
ما بالضرورة لكن دا عُرف ساكت لتسهيل توصيل الأغنية للمتلقى
يعني لو قلت أغنية (كل لحظة) يعني شنو ؟؟؟
دا اسم مبهم ساكت لا يفضي إلى شي في عمل فني بس لو كان (آخر لحظة) كصحيفة عندو مدلول
يقوم فلان الفلتكاني يبري كيبوردو ويخش في الموضوع
الحالة سمع وتفريغ طوالي
فـ هل سمع بأضانو ولّ جابو لـىَ

كل لحظة بتمر علي انت في خاطري خاطري وعيني في المدى للابدية
قدر ما حاولت اخاصمك وانسى احزاني (واساى)
واكتم الغيرة الفي قلبي واطوي جرحي في الحنايا (طيب كان تخليها الحناى تماشيا مع القافية وكدا)
القي اثرك في حواسي وظلك (يتبادر) (خطاى)
القى كل الدنيا حولي تهاتي باسمك (معاى)
في حياتي قبلك انت عشت قصة حب قاسية
لسه ما زالت في (طلبي) ذكرياته المرة باقية (المسألة هنا بقت دليڤري على ما أعتقد)
لما (هلت) في وجودي وقلت بيك سعادتي باقية
لكن انت هدمت املي بعد عشرة نبيلة سامية
انا لو عارف خصامك لي ايامه بتطول
كنت ما اترددت لحظة (لما) حار بي الدليل
انسى ظلمك وارجى حلمك وانسي كل الراح قبيل
اصلو حبك فوق ارادتي حب...... (دا) المستحيل (دا دي قطعا من راسو طبعن)

غايتو طلع إخير من ناس الإذاعة الكلمة الما وقعت ليو نقطنا بسكاتو
لكن تعالو شوفو ظلّك يتبادر خطاى
ولسه ما زالت في طلبي .. طالبة يدو على ما يبدو
في حاجة إسمها (الياء أب نقطتين) و (الياء السليقة) والموز أبو نقطة
دي (الياء) القصّت رقبة (الألف) وانقلبت عنكبوت ياخ

في كتير من الأغاني إسمها ما من ضمن الكلمات ولبازرعة تحديدا (من أجل حبي)
مطلعا بقول ودا على حسب المكشّح في النت بالمناسبة :
جاي تترجاني أغفر ليك ذنبك
ما كفاية الشفتو من نارك وحبك
أنت فاكر تاني أرجع لك (واحاسبك)
لا يا (ناكر) دربي أصبح ما هو دربك
والكلمات الصحيحة أهو دي
أنت فاكر تاني أرجع لك (واعاتبك)
لا يا (هاجر) دربي أصبح ما هو دربك

شوفو الشاكوش هنا بتاخد كيف ؟؟؟
بااااااااااااااارد ... التقول راسو من فلين
ما زي شواكيش اليومين ديه .. عادي يقول ليها غوري من وشّي .. شتّتي .. تلّبي من دفّار حياتي
طبعا كلامي الفوق دا ما تحيّز جندري لكن هن بقولن شنو ما عندي فكرة غير (عاوزة أقرا) بدون استحياء طبعا
أو تمسك زمن (واحد) لحدت ما تلقى الشخص المناسب وفي دي الله أعلم
كلامي دا ما (جر واطي) يا سوهاج فكل جندر عاجبو الصّاريْ
المهم لغااااية ما يقول
انا ضائع وإنت مخدوع بالأماني
كل زادي في ضياعي
قلبي مفتوح للأحبة
اخخخخخخخخ
مش زي واحد أهبل يقوم يمشي يسكر واتجلفط ويعمل الأحزان تكية .. ثم ينزوي إلى ركن قصي بعاهة مستديمة
لحدت يمرق منها بقدٍ ما (القد راجع للقفة يا جماعة حيث زول زي دا يعتبر من فصيلة القُفف)
هي ليست الأولى ولن تكون الأخيرة قطع شك
فاصبر لحكم ربك منو العوض وعليهو العوض
الشواكيش عندها علاقة سلبية بالتنمية في اعتقادي .. والاقتصاد الفقير يُجبر الفرد على المزيد من الشواكيش لازدياد الهوة بين متطلبات الحياة واحتياجو الطبيعي كبشر الأمر الذي تترتب عليه عواقب وخيمة على مستوى الفرد والجماعة ..
قالوا ليهن عرس الكورة قالن بري يا يمة
فيا جماعة .. أمسكوا ولا تفرطوا فيهن كما فرطت أنا من قبل لأنها لو مشت خشمك الملح ملح دا تقبّل بيو وين كااااك
غير تخرب علينا اقتصادنا ما استفدنا شي .. زائد كمية من اللقطاء حيمشو المايقوما ثم نقعد نساسق وراء منظمات المجتمع المدني لدرء الكوارث
وفي أثناء مساسقتنا دي .. تقوم تنفِّس
ولا بنشرجي بالجوار يلحقنا بعفريتة

شكرا تمارا
شكرا سوهاج


كتاحه is offline               Reply With Quote               
Old 05-Oct-11, 13:21   #92
Abuzingilla
Beginner Contributor
 

Join Date: Oct 2011
Posts: 7
Default

يا كتاحة ،،، أولاً إزيك ،،،
أنا والله لي سنين ما دخلت الحلة دي لأنو مر عليها زمن كنت بدخل لما بغمد عيوني من الكلام البلقاهو فيها ،،،
أها الليلة ما بعرف الجابني لافي شنو .... دخلت ولي التسودني عترت في بوستيك ،،، حاولت أسجل دخول غلبني ،،، سويت لي يوزنيم جديد عشان البوست دة ... لأنو هبش النخاشيش البعيدة.
قريت الصفحتين والمشكلة إنو وكت الشغل جا وأنا ماشي ...
دة بس مجرد تسجيل حضور ... ما بقدر أقول ليك رفع بوست ... لأنو بوستيك أصلو شايل عفريتو معاهو ...

طيب كدي رايك شنو في الفنان القال:

"أحلى من لؤلؤة بضة --- سيبك من شط البحرين"

أو الذي قال:
"إحساسي بيك لو عارفا يا ست العيون ما بتفرحي"

الخفيج كتير والمشكلة إنو خفيج مجاز من لجان وأجهزة رسمية وبعد نقول شنو؟ ... والله إلا نقول الروب والروب زاتو ما بحلنا كان بقا روب في بخسة ولا في قارورة أنيقة ...

برجع يا وجع قلب ..
Abuzingilla is offline               Reply With Quote               
Old 06-Oct-11, 06:34   #93
Suhaaj
Golden Member
 
Suhaaj's Avatar
 

Join Date: Feb 2011
Location: UAE
Posts: 9,531
Send a message via Yahoo to Suhaaj
Default

Quote:
Originally Posted by كتاحه View Post


قربت أشك إني قاعد وسط عزّابة لولا ظهور لوليتا في شاشة راداري
بركة الركّيتن في برج نحسي يا إتن .. حتى لو بلستكين
المهم بهبوطكن ارتفعت معنوياتنا وما ارتفع شي وانطلق إلا كما طار وقع فاخوكم طيره ساي ههههههه
علي باليمين غير الخوة ما تلقن مننا ما يعكّر صفوكن بتاتن
فـ الأمان القتو ليكن داك
خُمّن منو ساي .. وصُرّن
الواحد ما عندو قضية مع القهوة نهائي يا تمارا 
لكنني أستطيع أن أتبمبر لطق الحنك .. هذا السنين خالس خالس .. بيد أني أفضل الجلوس على واطاتو دي حبا في قطيع النجيلة وغرس مكانها هكتارا من الامنيات تُحقيق العدالة الاجتماعية على أقل تقدير

ليس لدى سوي ابتسامة
أختي تمارا
رزعتها لكِ هنا وقد تتطور لغابة من السعادة تضاهي غابة الأبنوس التي بحوزتك

تقهوجي واقري على مسامعنا ما تيسر من قعر الفنجان وأعلني أن عهد الكج قد ولى فإن حظي ببساطة كدا (زي الواطة دي)
في ذمتك يا سوهاج كم مرة ذكرت رفقاً بالقوارير في البوستن دا ؟؟؟
لست متحاملاً عليها فربما تجاربي الشخصية قد (فلتت) مني دون قصد لعدم شدّي لجام الحرف .. الكواريكو رفعت كسافتي دي
إنها الروح .. حين تنادي أحدنا بصوت الواقع .. فـ ممكن جدّن أرصهن ليكم هنا بمنتهى الأناقة ولكن !!! لن يكون المتحدث شخصي الضعيف فلست كالذين يقدّمون أنفسهم في قالب المثالية داك وبمجرد ساين آوت يتدشدش القناع
معذرة لطيش سهامي .. فالكنانة بدون قِفُل .. وبها من الكباليت الكتير !!!
عاينو يا تمارا وسوهاج
موقع .. الأغنية بتكون (ميديا) وخاتين مربع تكست آكتيڤ عشان الداير يكتبا يكتبا كتوثيق للأغنية المعنية
في المربع الأول مكتوب
كلمات اغنية كل لحظة
ساهم بكتابه كلمات هذه الاغنية
وطبعاً في كتير بفتكرو إنو مطلع الأغنية يعني إسمها
ما بالضرورة لكن دا عُرف ساكت لتسهيل توصيل الأغنية للمتلقى
يعني لو قلت أغنية (كل لحظة) يعني شنو ؟؟؟
دا اسم مبهم ساكت لا يفضي إلى شي في عمل فني بس لو كان (آخر لحظة) كصحيفة عندو مدلول
يقوم فلان الفلتكاني يبري كيبوردو ويخش في الموضوع
الحالة سمع وتفريغ طوالي
فـ هل سمع بأضانو ولّ جابو لـىَ

كل لحظة بتمر علي انت في خاطري خاطري وعيني في المدى للابدية
قدر ما حاولت اخاصمك وانسى احزاني (واساى)
واكتم الغيرة الفي قلبي واطوي جرحي في الحنايا (طيب كان تخليها الحناى تماشيا مع القافية وكدا)
القي اثرك في حواسي وظلك (يتبادر) (خطاى)
القى كل الدنيا حولي تهاتي باسمك (معاى)
في حياتي قبلك انت عشت قصة حب قاسية
لسه ما زالت في (طلبي) ذكرياته المرة باقية (المسألة هنا بقت دليڤري على ما أعتقد)
لما (هلت) في وجودي وقلت بيك سعادتي باقية
لكن انت هدمت املي بعد عشرة نبيلة سامية
انا لو عارف خصامك لي ايامه بتطول
كنت ما اترددت لحظة (لما) حار بي الدليل
انسى ظلمك وارجى حلمك وانسي كل الراح قبيل
اصلو حبك فوق ارادتي حب...... (دا) المستحيل (دا دي قطعا من راسو طبعن)

غايتو طلع إخير من ناس الإذاعة الكلمة الما وقعت ليو نقطنا بسكاتو
لكن تعالو شوفو ظلّك يتبادر خطاى
ولسه ما زالت في طلبي .. طالبة يدو على ما يبدو
في حاجة إسمها (الياء أب نقطتين) و (الياء السليقة) والموز أبو نقطة
دي (الياء) القصّت رقبة (الألف) وانقلبت عنكبوت ياخ

في كتير من الأغاني إسمها ما من ضمن الكلمات ولبازرعة تحديدا (من أجل حبي)
مطلعا بقول ودا على حسب المكشّح في النت بالمناسبة :
جاي تترجاني أغفر ليك ذنبك
ما كفاية الشفتو من نارك وحبك
أنت فاكر تاني أرجع لك (واحاسبك)
لا يا (ناكر) دربي أصبح ما هو دربك
والكلمات الصحيحة أهو دي
أنت فاكر تاني أرجع لك (واعاتبك)
لا يا (هاجر) دربي أصبح ما هو دربك


شوفو الشاكوش هنا بتاخد كيف ؟؟؟
بااااااااااااااارد ... التقول راسو من فلين
ما زي شواكيش اليومين ديه .. عادي يقول ليها غوري من وشّي .. شتّتي .. تلّبي من دفّار حياتي
طبعا كلامي الفوق دا ما تحيّز جندري لكن هن بقولن شنو ما عندي فكرة غير (عاوزة أقرا) بدون استحياء طبعا
أو تمسك زمن (واحد) لحدت ما تلقى الشخص المناسب وفي دي الله أعلم
كلامي دا ما (جر واطي) يا سوهاج فكل جندر عاجبو الصّاريْ
المهم لغااااية ما يقول
انا ضائع وإنت مخدوع بالأماني
كل زادي في ضياعي
قلبي مفتوح للأحبة
اخخخخخخخخ
مش زي واحد أهبل يقوم يمشي يسكر واتجلفط ويعمل الأحزان تكية .. ثم ينزوي إلى ركن قصي بعاهة مستديمة
لحدت يمرق منها بقدٍ ما (القد راجع للقفة يا جماعة حيث زول زي دا يعتبر من فصيلة القُفف)
هي ليست الأولى ولن تكون الأخيرة قطع شك
فاصبر لحكم ربك منو العوض وعليهو العوض
الشواكيش عندها علاقة سلبية بالتنمية في اعتقادي .. والاقتصاد الفقير يُجبر الفرد على المزيد من الشواكيش لازدياد الهوة بين متطلبات الحياة واحتياجو الطبيعي كبشر الأمر الذي تترتب عليه عواقب وخيمة على مستوى الفرد والجماعة ..
قالوا ليهن عرس الكورة قالن بري يا يمة
فيا جماعة .. أمسكوا ولا تفرطوا فيهن كما فرطت أنا من قبل لأنها لو مشت خشمك الملح ملح دا تقبّل بيو وين كااااك
غير تخرب علينا اقتصادنا ما استفدنا شي .. زائد كمية من اللقطاء حيمشو المايقوما ثم نقعد نساسق وراء منظمات المجتمع المدني لدرء الكوارث
وفي أثناء مساسقتنا دي .. تقوم تنفِّس
ولا بنشرجي بالجوار يلحقنا بعفريتة

شكرا تمارا
شكرا سوهاج



كدي بالتبادي أنقول ليك سلام

كتاحه

لستكين مالهم طيارة جنمبو صغيره وبتمشي حاله معاك اتا دا واحمد الله كدي

والامان أمان الله وان الله كتب فمنك ومننا كمان وخوتك ما بناباها بتاتآ
وصدق قولة رفقآ بالقوارير دي في البوست ده نوهائي ما جات جنب عيني علا
ان درت هسع قبلناه

والكواريك في البوستن الرفع كسافتك ده مارق منك اتا يا صاحب الكسافه العالية بس
صدق جزئية انك مش من النوع اللي بقدم نفسو في قالب مثالي وبمجرد ساين اوت يدشدش القناع اعجبتني وخلتني اكون عايزه اواصل معاك الحوار

لكن هو حوار ولا هضربة ولا دماغ مليان كلام وبنزل فيهو تااااااخ طرااااااخ ومن غير ترتيب ولا مواعيد نظام
بس مليان دي عليها الركه وفيها الوقفه

موضوعك بتاع التوثيق للأغاني لا أظنو سمع لا أظنو جابوه لي
هو بكون هاوي وغاوي بس مش أكثر

وقصتك اتا مع الاغاني قصه اما مشوارك مع الياء فمشوار غرام ممكون ومكنون في صدرك اتا ساب ليك غصه

هن بقولوا شنو ما دايمآ دايره اقرآ طبعآ شكلو الموضوع هنا محتاج مننا دراسة للسن والشاكويش ووقتها
بس واحدات بقوا بقولوا مرتبطه ومخطوبه واحدات بمتلكوا الشجاعه عديل وتقول ليك اتا اتا عايزيني انا ما تفتح عيونك شويه؟

عاين جاي كتاحه مسك زمن الواحد ده بتحصل من الطرفين وعادي واحد يهاجر ويسافر ويقول ليها ارجيني وترجاهو بتعب السنين ونط وفات ومن غير فاصله ولا نقطه

واحلى شيئ زي ما قلته

قلبي مفتوح للأحبة

والعوض عليهو اكيد بس ربطك لشواكيش مع الحاله الاقتصادية ربط دقيق ومش محتاج توثيق عشان كدا حبوباتنا بقول ليك عايني للأكبر منك ومش للي قدرك ولسه حايكون نفسو وظروفه وظروفك ممكن تهزمو وتهزم الريد اللي اتبنى

فضل شيئ ما أظن بس شكرآ ليك اتا اللي



خليتني اباريك سطر سطر وفجه فجه


__________________
لاغنى كالعقل .. لا فقر كالجهل .. لا ميراث كالأدب
لا ظهير كالمشاوره
Suhaaj is offline               Reply With Quote               
Old 06-Oct-11, 08:40   #94
aboalnon
Golden Member
 
aboalnon's Avatar
 

Join Date: Apr 2004
Location: في بيتي
Posts: 3,355
Send a message via AIM to aboalnon Send a message via MSN to aboalnon Send a message via Yahoo to aboalnon Send a message via Skype™ to aboalnon
Default


[quoteخليتني اباريك سطر سطر وفجه فجه
][/quote]


نفس الشعور تلاقينا نحنا يانا زاتنا زي ما خولقنا

بجهز في حاجة تليق بيك ثواني اكتر من تلاقي

متابع

__________________

To view links or images in signatures your post count must be 10 or greater. You currently have 0 posts.
aboalnon is offline               Reply With Quote               
Old 06-Oct-11, 08:50   #95
Suhaaj
Golden Member
 
Suhaaj's Avatar
 

Join Date: Feb 2011
Location: UAE
Posts: 9,531
Send a message via Yahoo to Suhaaj
Default

Quote:
Originally Posted by aboalnon View Post
[quoteخليتني اباريك سطر سطر وفجه فجه
]
نفس الشعور تلاقينا نحنا يانا زاتنا زي ما خولقنا

بجهز في حاجة تليق بيك ثواني اكتر من تلاقي

متابع
[/QUOTE]


ابو النون

فينك ياراجل وازيك كدا؟



مجهز ليه ولا للكتاحه الواقفه غبره فوق راسنا دي؟




كان ليه كلي انتظاااار
__________________
لاغنى كالعقل .. لا فقر كالجهل .. لا ميراث كالأدب
لا ظهير كالمشاوره
Suhaaj is offline               Reply With Quote               
Old 06-Oct-11, 09:02   #96
الإمبراطورة
Intermediate Contributor
 

Join Date: Oct 2011
Posts: 41
Default

السلام عليكم ورحمة الله وبركاته
الفصل ده فيه مقعد فاضي عشان نقعد نحضر الحصة؟؟؟
ولا الحصة إنتهت؟؟ونتوكل ونمشي بيتنا
إن شاءالله بس تكون حصة ونهايتا لسة
الإمبراطورة is offline               Reply With Quote               
Old 06-Oct-11, 09:23   #97
aboalnon
Golden Member
 
aboalnon's Avatar
 

Join Date: Apr 2004
Location: في بيتي
Posts: 3,355
Send a message via AIM to aboalnon Send a message via MSN to aboalnon Send a message via Yahoo to aboalnon Send a message via Skype™ to aboalnon
Default

Quote:
Originally Posted by Suhaaj View Post
نفس الشعور تلاقينا نحنا يانا زاتنا زي ما خولقنا

بجهز في حاجة تليق بيك ثواني اكتر من تلاقي

متابع

ابو النون

فينك ياراجل وازيك كدا؟



مجهز ليه ولا للكتاحه الواقفه غبره فوق راسنا دي؟




كان ليه كلي انتظاااار
[/QUOTE]


سوهاج ياخ قاعد اتحسس بعد امرار في حتات ربنا ذكرها في آياته وترجمها مبعوثه في بععض احاديثه ودايما بتذكر قوله في ان الامانة لمن اخدها الانسان كان ظلوما جهولا والجبال ابينها شوفتي كيفن ،، كتاحة اصر ان يعتلي هضبة الاماجونس لا اعرف تضاريسها المناخية وجغرفتها كلها دراسات ع الانسان ان يمر .. يمر ،،يسجل اسمه في مدونته .!؟



كتاحة قاعد اتصفح واقلب واعاين ,, اوكي
جاييك بعد .. زي ما بتقول كارول سماحة

__________________

To view links or images in signatures your post count must be 10 or greater. You currently have 0 posts.
aboalnon is offline               Reply With Quote               
Old 06-Oct-11, 16:05   #98
كتاحه
Major Contributor
 
كتاحه's Avatar
 

Join Date: Mar 2008
Posts: 2,445
Default

Quote:
Originally Posted by Abuzingilla View Post

طيب كدي رايك شنو في الفنان القال:

"أحلى من لؤلؤة بضة --- سيبك من شط البحرين"

أو الذي قال:
"إحساسي بيك لو عارفا يا ست العيون ما بتفرحي"

كدي سيبك من شط البحرين في الوقت الراهن
مب تتخيّل كتاحه سعيد كيف بجيتك دي يب زنقلّة
اها انا طلعت عكسك في حكاية الدخول دي
لكني متفق معاك في سبب التوقف
اخوك جابتو تيه واتاكى في خضم بحثي عن (الصاح وين)
قمتا اخدت جولة سريعة على الصفحة الأولى وعتّر لي بوست تقفل منو نخرتك بأصابع يدك الشمال من عفنتو وبديت أرش
بعد كتبت كمين سطر من نفس العفانة (المعاكسة) تاني قلت ياخ قل خيراً أو إنطم فان هذا البوست مصيرة لسلة الزبالة .. وقد كان بعد ساعات معدودات .. وظهر امتعاضي  في مقدمة هذا البوست في زنك الحرية الطار كلوكلو داك الامر الذي دفع من بعدي بالأخت (نسيت اسمها) لافتراع خيط بذات التوجه في نفس اليوم
يعني النسوان بقن يكفكفن كم القميص عااااادي يا باشا وهن ذاتن البِكفّن العين قال ليك
لكن خت في بالك كتّاب زي ديل بكونو شفّع ساي أو بفتكروها بطولة وشفتنة اسفيرية الحصيلة دائما ما تكون صفر كبير فلا تهتم
غايتو أنا موسمي مكان ما ألقى شدرة برِك .. وببني داك قشة قشة .. مسطريمي ضهرو خشن .. والمداميك بتمشي عدييييل إلا أقوم أفتلا بمزاجي أو يدعوني أحد لذلك كما يفعل أبو النون هنا
ما عليك يا زول .. نرجع لمحورو
محمود عبدالعزيز قعد يقول: ينوح الليل حماماتن
فسألت نفسي كيف ينوح الليل أخي العزيز محمود عبدالعزيز ؟؟ ومن وين جات حماماتن ركّن ؟؟؟
لم ألق انتباها لما سمعت ..
إنه من محمود
يقوم يجيك واحد تاني طاير زي حمامات ودالرضي ديل ويرك في أطلس دماغك
عارف قال شنو : يلوحن لي حماماتن
ما عرفت ياتو فيهن الصاح
بأمانة كدا كتاحه محتاج مساعد ياي في الموضوع دا
لقيتا ليك صعبة شديد .. أو الناس وصّلتا لي ما ياها
الأمبراطورة
الحصة قد تكون خمسة واربعين يوم أو خمسة واربعين سنة أو ما يتسع صدرك لـمَحرَكتنا دي
لو ما عندك صبر شتتي
هي نسيت .. وعليكم السلام ورحمة الله تعالى وبركاته
ما تنسي في حصة حنشوف فيها علاقة شعراء الحقيبة بالهوا شنو (ناس تجيب لينا الهبايب وناس تستثمرو في الحبايب) اخخخخخ
معتمدين عليهو اعتماد كلي في الشمشمة
في تيه واتاكا ودالرضي قال المصري أتاكا .. جابلي روايحك والمصري دا يا جماعة الرياح الشمالية الـ منها والصقط لقط
والصبا النجدي زارني وحرك وجدي متي ياعين بتهجدي (دي بتكون شمالية شرقية جايه لمنخفض السودان الحراري)
قاعدين في طرف محاسيسم .. نسمة توديهم وهبّة تجهجهم
دا غير موضوع الطير في الغنا حقنا دا
غايتو ناس زمان الله يغفر ليهم متحيّلييييين .. الواحد كان شاف ليهو قمرية ساي يقول ليها سلّمي لي عليهم قد عزّ الكلام
ويا الامبراطورة .. إحساسي بيك لو عارفا يا ست العيون ما بتفرحي كاااااااااااك
اب زنقلّة
اهديك البحّة دي لغاية بعدين نشوف البحصل شنو لو بقيت حي

‫ط§ظ„طµط¨ط§ ط§ظ„ظ†ط¬ط¯ظٹ ط³ظ…ظٹط±ط© ط§ط­ظ…ط¯‬‎ - YouTube
كتاحه is offline               Reply With Quote               
Old 06-Oct-11, 16:38   #99
Abuzingilla
Beginner Contributor
 

Join Date: Oct 2011
Posts: 7
Default

"كتاحة كيف أمسيت ...
الجميع كيفك حالكم؟

أنا حالي ظاهر ... مزكوم ومستوحد

كتاحة .. أنا اعتقد أن المشكلة لها جانبين:
الأول هو الاعتماد على الحفظ السماعي فقط ودة بدخل الواحد في مطبات قل أن ينجو منها أحد خصوصاً في زمن أصبح فيه الناس أبعد ما يكونون عن الفطرة السليمة والإحساس الطبيعي باللغة. فالفنان من الجماعة إياهم يسمع الأغنية من شريط ويحفظها على حسب ما يعتقد إنو صاح وما بتعب نفسو يسكها من مصادرها .. فتطلع الشغلانة مخرمجة زي الشعيرية بالكمونية (حيث لا رابط إلا القافية) والامثلة لذلك كتيييييييييرة لمن تحيرك إنت زاتك لما تقعد تسمع ...
التاني هو الاعتماد على النصوص المكتوبة فقط ودة برضو بدخل الواحد في مطبات زي واحد يقول ليك
" "رهاب ما حصلو الجاري سَماك ما حصلو الطاير"
(المثال في سماك) وهي وأنت سيد العارفين "سِماك" إشارة إلى السِماك الأعزل وهو نجم في السماء وهو ابن عم السماك الرامح.
لا والله المشكلة لها تلاتة جوانب ما اتنين ...
التالت الفلسفة الما عندها قواعد ولا أساس زي واحد فنان شاب معروف ومالي الساحة بغني في أغنية حسن عطية "أنا حالي ظاهر" بقول:
حكم صفاك مولاك ذو حكمة غادر ....
ياخي فاقع مرارتنا مالك ... شاعرا الكتبا والفنان الغناها أول واحد عملوها بالدارجي مالك عليها داير تفصحا بالغصب وإنت أصلاً عندك مشكلة في التمييز بين القاف والغين .... اللهم لا اعتراض في حكمك ...

كتاحة ... أنا مزكوم ... أقوم أموت ليك ساي في بوستيك يجو يقفلوهو ليك لحين اكتمال التحقيقات .
ياخي البلابل بغنو في النيل الأزرق "لون المنقة الشايل المنقة"
Abuzingilla is offline               Reply With Quote               
Old 06-Oct-11, 19:37   #100
الإمبراطورة
Intermediate Contributor
 

Join Date: Oct 2011
Posts: 41
Default

Quote:
Originally Posted by كتاحه View Post
الأمبراطورة
الحصة قد تكون خمسة واربعين يوم أو خمسة واربعين سنة أو ما يتسع صدرك لـمَحرَكتنا دي
لو ما عندك صبر شتتي
هي نسيت .. وعليكم السلام ورحمة الله تعالى وبركاته
ما تنسي في حصة حنشوف فيها علاقة شعراء الحقيبة بالهوا شنو (ناس تجيب لينا الهبايب وناس تستثمرو في الحبايب) اخخخخخ
معتمدين عليهو اعتماد كلي في الشمشمة
ويا الامبراطورة .. إحساسي بيك لو عارفا يا ست العيون ما بتفرحي كاااااااااااك


لاااااااااااااا لأ ماعندي صبر ومشتته
خلاااااااااااااااص الصبر كملتو بي صبري
وإحساسك وفرو لي نفسك مالازم أعرفه
بالمناسبة لو دي بتفتح عمل الشيطان

هي نسييييت أبقى كاكي كويس ياديك البرابر
الإمبراطورة is offline               Reply With Quote               
Reply

Bookmarks

Thread Tools
Display Modes

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump

بحث مخصص

All times are GMT. The time now is 11:38.


Sudan.Net © 2014