Go Back   Sudan.Net Discussion Board - SDB - منتدى سودان.نت > General Discussion Board > General Discussion - المنتدى العام

    

Reply
 
Thread Tools Display Modes
Old 22-Mar-20, 13:40   #1
ash-sharid
Major Contributor
 

Join Date: Mar 2007
Location: East-West
Posts: 499
Thumbs down الشي خيال يا ناس: وفيات مصابي الكورونا في إيطاليا صحيحة ولا فيها إنّ؟

أمس السبت, جاء في الأخبار, في يوم واحد إنو سبعمية تلاتة وتسعين

793


ماتوا من مصابي فيروس كورونا في إيطاليا. الكلام ده غريب




رجعت لإحصاءات* الوفيات (كما المواليد) في الإتحاد الأوربي ولقيت إنو في سنة ألفين وتمنطاشر عدد الوفيات في إيطاليا كان حوالي ستمية ألف أو تحديدا



633,133


يعني أقسم على تلتمية خمسة وستين يديك متوسط عدد الوفيات اليومي, يعني حوالي


1740


شخص. وده يا سيدات ويا سادة يشمل كل الوفيات, يعني حوادث سيارة, موت في عمر متقدم وبقية أسباب الموت العادي


يجوا يقولوا لينا في يوم واحد يموتو بسبب الفيروس ما يعادل خمسة وأربعين في المية من مجموع الوفيات في إيطاليا.






هل وفيات الفيروس يوم السبت إضافة فوق وفيات الموت العادي المذكور أعلاه يوم في إيطاليا؟ يعني المجموع حوالي ألفين وخمسية متوفي في يوم السبت في إيطاليا؟


ده كلام ما يخش الراس

سؤال, العمل الإحصاءات دي منو؟


----------------
المصدر *



__________________
ash-sharid

-------------
في إنتظار السلام, على المرء أن يلعن التثاؤب وينحيه جانبا
ash-sharid is offline               Reply With Quote               
Sponsored Links
Old 22-Mar-20, 17:31   #2
tikaina
Golden Member
 
tikaina's Avatar
 

Join Date: Jul 2004
Posts: 8,520
Default



الفكرة ما واضحة لى يا دكتور
مزيدا من الشرح اذا تفضلت
شايف الرقم ما فيهو اى غرابة
😳 ولا شنو

__________________

✌تسقط تالت

tikaina is offline               Reply With Quote               
Old 23-Mar-20, 13:31   #3
ash-sharid
Major Contributor
 

Join Date: Mar 2007
Location: East-West
Posts: 499
Lightbulb

سلام


القصد إنو إذا كان المجموع الكلي للأسباب البتقرض الناس في إيطاليا يوميا حوالي ألف وسبعمية, فمن الصعب عقلنة إنو مرض واحد بس يقتل قريب تمنمية.


يعني, كل الأمراض زايد حوادث السير, زايد الناس البتموت من جرائم القتل, زائد أي حاجة تانية تسبب الموت في كل أنحاء البلد, وقصادها مرض وااااحد يقتل ما يعادل خمسة وأربعة في المائة من الوفيات دي كلها.


إحصائيا, الكلام ده ما بيخش الراس. لا من ناحية مقارنة وفيات سبب واحد من أسباب الموت, بمجموع أسباب الوفيات, ولا من ناحية الوفيات بسبب الكورونا قياسا إلى مجموع السكان.


إيطاليا فيها ستين مليون, المصدر السابق. الصين فيها ألف وأربعمية سبعة وتلتين مليون.


عدد سكان الصين قياسا لسكان إيطاليا أربعة وعشرين ضعف.


ومع ذلك هسع مجموع الوفيات بسبب الكورونا في إيطاليا قد فاق مجموع الوفيات بسبب الكورونا في الصين.


دي تخش الراس كيف؟



حتى لو البلدين عملوا كرنتينة وإجراءات صارمة للحد من انتشار المرض, دي ممكن تقلل شوية أو أكتر, لكن ما بتغير كتير من الشكل العام للإحصاءات.





__________________
ash-sharid

-------------
في إنتظار السلام, على المرء أن يلعن التثاؤب وينحيه جانبا
ash-sharid is offline               Reply With Quote               
Old 23-Mar-20, 15:59   #4
tikaina
Golden Member
 
tikaina's Avatar
 

Join Date: Jul 2004
Posts: 8,520
Default

Quote:
Originally Posted by ash-sharid View Post
سلام


القصد إنو إذا كان المجموع الكلي للأسباب البتقرض الناس في إيطاليا يوميا حوالي ألف وسبعمية, فمن الصعب عقلنة إنو مرض واحد بس يقتل قريب تمنمية.


يعني, كل الأمراض زايد حوادث السير, زايد الناس البتموت من جرائم القتل, زائد أي حاجة تانية تسبب الموت في كل أنحاء البلد, وقصادها مرض وااااحد يقتل ما يعادل خمسة وأربعة في المائة من الوفيات دي كلها.


إحصائيا, الكلام ده ما بيخش الراس. لا من ناحية مقارنة وفيات سبب واحد من أسباب الموت, بمجموع أسباب الوفيات, ولا من ناحية الوفيات بسبب الكورونا قياسا إلى مجموع السكان.


إيطاليا فيها ستين مليون, المصدر السابق. الصين فيها ألف وأربعمية سبعة وتلتين مليون.


عدد سكان الصين قياسا لسكان إيطاليا أربعة وعشرين ضعف.


ومع ذلك هسع مجموع الوفيات بسبب الكورونا في إيطاليا قد فاق مجموع الوفيات بسبب الكورونا في الصين.


دي تخش الراس كيف؟



حتى لو البلدين عملوا كرنتينة وإجراءات صارمة للحد من انتشار المرض, دي ممكن تقلل شوية أو أكتر, لكن ما بتغير كتير من الشكل العام للإحصاءات.





بتذكر يا الثعلب زمااان اخدنا مادة احصاء
بالمناسبة و الله من امتع ما درست
فى حاجة اسمها الشذوذ.. يعنى الكيرف تلقاهو ماشى بى نسق معين زى ما قلت انت يقوم يخش ليك منجنيق فى النص او رافعة او اى مسبب يغير شكل الدالة بالمرة.. الوفيات د ممكن تكون فى المستوى العادى شغالة بدالة عادية لكن كرونا دا تلب طوالى للدالة الاسية.. من 2 لى 4 لى 16 انت ماشى
الليلة شفت فيديو مشفى ايطالى و الله مافى سراير و الناس راقدة فى الممرات

هسا وفيات الانفلوانزا الاسبانية كانت طبيعية فى وكتها؟

اللهم لطفك
__________________

✌تسقط تالت

tikaina is offline               Reply With Quote               
Old 23-Mar-20, 17:36   #5
ash-sharid
Major Contributor
 

Join Date: Mar 2007
Location: East-West
Posts: 499
Default

Quote:
Originally Posted by tikaina View Post
بتذكر يا الثعلب زمااان اخدنا مادة احصاء
بالمناسبة و الله من امتع ما درست
فى حاجة اسمها الشذوذ.. يعنى الكيرف تلقاهو ماشى بى نسق معين زى ما قلت انت يقوم يخش ليك منجنيق فى النص او رافعة او اى مسبب يغير شكل الدالة بالمرة.. الوفيات د ممكن تكون فى المستوى العادى شغالة بدالة عادية لكن كرونا دا تلب طوالى للدالة الاسية.. من 2 لى 4 لى 16 انت ماشى
الليلة شفت فيديو مشفى ايطالى و الله مافى سراير و الناس راقدة فى الممرات

هسا وفيات الانفلوانزا الاسبانية كانت طبيعية فى وكتها؟

اللهم لطفك



أها جيت براك. البخلي شكل الدالة يتغير شنو؟


حتى العدوى الوبائية لمن تتسارع عندها هوامش للتسارع. نعم ممكن يغير المنحنى بشكل كبير, لكن ما لدرجة يطيّر منطق التغيير ذاتو.


نقص السراير والمعدات إضافة لثغرات في تطبيق الحجز ممكن بالتأكيد يزيد التسارع, لكن ما لدرجة إنو وفيات الكرونا تعادل قريب نص المجموع الكلي للوفيات. وده يا عمك البيخلي الأرقام دي غير منطقية.




شنو تحديدا الخلى عدوى الكرونا ومحصلة الوفيات اليومية تتسارع بالصورة غير المنطقية دي؟ بدل ما نحاول نجد مبررات لشطحة حتى في شطحات الدالة تعتبر شطحة (وهو تبرير ما لا يمكن تبريره), أقترح إنو السؤال المنطقي يكون, إذا كانت إحصاءات وفيات الكرونا منفوخة, فالمسؤول منو؟


السؤال موجه للجداد الإيطالي




__________________
ash-sharid

-------------
في إنتظار السلام, على المرء أن يلعن التثاؤب وينحيه جانبا
ash-sharid is offline               Reply With Quote               
Reply

Bookmarks

Thread Tools
Display Modes

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump

بحث مخصص

All times are GMT. The time now is 06:36.


Sudan.Net © 2014