Go Back   Sudan.Net Discussion Board - SDB - منتدى سودان.نت > General Discussion Board > General Discussion - المنتدى العام

    

Reply
 
Thread Tools Display Modes
Old 19-Mar-20, 08:53   #1
عبدالماجد موسى
Intermediate Contributor
 
عبدالماجد موسى's Avatar
 

Join Date: Oct 2008
Location: بريطانيا
Posts: 177
Default شوك وأوراق رمادية وبدرة عصير!

منو الخرمان لحم بي فول
منو العطشان لِكِسرة عيش وقراصة
منو المطقان قزازة دم في مستشفى
ترد الروح لزول مشلول
منو القرفان من الساسة العطشجية
التبيع للناس حروف الجر
وتعيد في أماني رقاصة
منو الوحلان عشان الثورة جات بالنص
وحرقت لينا فرحتنا ورمينا الطوب
منو العرمان يشيل اللينا نحن يخص
منو الضهبان معفرت في دروب السيل
من الضافنا في قروب الويل
منو الصَّب المتاريس في الشوارع كَرْ
منو البزرع بيوت للشر
منو الشَّدَّانا بيض مسلوق
منو القرمان في موية السوق
منو العطل مراكب الشجرة في اب جنزير
منو الزَّايَدْ عشان نفشل في ردم البير
منو الرَّاهَنْ عشان تعمير
منو الرَّبَّعْ شهود الزور
وخَمَّسْ في البُنا وسافر
يلحن في قرون التور
منو الباع للنمل عَرَديب
وفكَّ النيل حمار الغيب
منو الشَّقَ الصفوف في الريف
منو الأدَّ السحابة رغيف
منو الشتت غناوينا
ورفع سعر البَلاده سقوف
منو التَّوَّرْ جنا الحلوف
منو المجنون
يبيع الثورة بالقانون
منو البقدر يباري الداهيه
أب رِقِّيعْ
منو البحلم يشوفنا فِرِيع
منو الشَّقانا نحن تِرِيعْ
وختَّ ضِريسة الصَّبُر ماريق
منو القال البلد للبيع
__________________
Pick up that human being

To view links or images in signatures your post count must be 10 or greater. You currently have 0 posts.
عبدالماجد موسى is offline               Reply With Quote               
Sponsored Links
Reply

Bookmarks

Thread Tools
Display Modes

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump

بحث مخصص

All times are GMT. The time now is 14:14.


Sudan.Net © 2014