Go Back   Sudan.Net Discussion Board - SDB - منتدى سودان.نت > General Discussion Board > General Discussion - المنتدى العام

    

Reply
 
Thread Tools Display Modes
Old 14-Feb-20, 17:04   #1
غريب الداار
Major Contributor
 
غريب الداار's Avatar
 

Join Date: Aug 2015
Posts: 760
Default مساورة.....ياجمة حشا المغبووووون

مساورة



كلمات / محمد الحسن سالم حميد



الحان / مصطفى سيد أحمد



يا جمة حشا المغبون ..

فى الزمن الهلاك منجا

تكون حانت مواعيدك ..

يكون وكت المطر قد جاء

وشرق ضوء البلد عيدك ..

وطابت نسمتو العرجاء

و نكون يا طيبة تمينـا ..

وبدين ولفنـا ..

غنينا الغنا الراجا

بدت كاس المودة تدور

عشق من حلفا لى راجا

حبابك ألف .. حبابك ألف .. حبابك ألف

وإيه يا عنزنا القرجا

يا لبانة في الزمن المراحو نشف

يا جبانة للخوانة والعوج

البدور .. ويلف

دميرتنا البتسقى جرف

ضفيرتنا وعرش بيتـنا

وتميراتنا الكانوا وقف

أصابعين الرجال رصاص

شعر راس البنية سقف

تكون دارة الزمن عمرت

نكون لمينا في الفاتو

تكون فاقت ملامحنا

وتضاريسنا القبيل غمرت

دغش ساقت بوابيرنا

وندت شتلات بعد ضمرت

ضراعيك يا الولد كبرت

مراعيك يا البلد كترت

خدار .. خدرت

غزار .. غزرت

خدارا زين برغم الصيف وصناتو

برغم البين واناتو

عصافير الجلد قدرت

تباصر نسمة منتحرة

وتطمن غيمة مندحرة

وتضاير الغابة والصحراء

من الغمة وضلاماً شين

ومنك يا قريد ننفك

تكون حلت عقدة الدين

يا جمة حشا المغبون

في الزمن الهلاك منجا

تكون حانت مواعيدك ..

يكون وكت المطر قد جاء

وشرق ضوء البلد عيدك ..

وطابت نسمتو العرجاء

و نكون يا طيبة تمينـا ..

وبدين ولفنـا ..

غنينا الغنا الراجا

عقب سيرة البلد سارت

علي النغم العديل الزين

بعد ها الحال بلا مرسال

يجوا العمال

يجو الكداح

يجوا الناس البخبرو شليل

وشقيش راح

وقمريتين جناحن دلّ فوق الصاح

من الغفلة ورياح الليل

وفي الدنيا الجديدة جناح

صباح نندلّ شدة حيل

فيا خيالة عدو الخيل

وياالسمحة البتملا العين

مدى ونباه

في حز القلب غنوة وآه

حنان بلدو حنين منفاه

يا بت العز يا ست الجاه

يا هسع فينا يا ما ضينا

يا بكرانا .. يا بعدين

نكون كنا وبقينا متين

متين تشرق مواعيدك

مواعيدنا ونساورك وين
__________________
طالت السفره وأتحفّت مناسم تِلبي
هب الريم وعاودك الحنين يا قلبي
غريب الداار is offline               Reply With Quote               
Sponsored Links
Reply

Bookmarks

Thread Tools
Display Modes

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump

بحث مخصص

All times are GMT. The time now is 18:46.


Sudan.Net © 2014