Go Back   Sudan.Net Discussion Board - SDB - منتدى سودان.نت > General Discussion Board > General Discussion - المنتدى العام

    

Reply
 
Thread Tools Display Modes
Old 12-Nov-17, 06:03   #1
swa-swa
Golden Member
 
swa-swa's Avatar
 

Join Date: Sep 2010
Posts: 9,313
Default روعة للام... الدوش

النص دا يخلي كل واحد مننا يزرف الدموع الغوالي
حقيقه الشاعر الدوش ابدع..😭😭😭😭😭😭😭

أمي كيف الليلة يومك..
امي كيف حالن عيونك
ولا كيف ضغطك ونومك..
(ماعاد بيشغلنا البمسك)
ايوة يمه
ايوة سامعك
الا صوتك ما بيعجب
فيهو نبرة حزن حسك..
يمه عارف نوع قصارنا
وحتى حالك!!!!
ما بنسأل عنو يومي!!
نحن أولينا اختصارنا..
يمة ضلينا الطريق
وفتنا مارقين من مسارنا..
صورتك الشامخة في عيونا
هسه نالت انكسارنا..
امي نيل فايض محنة
ونحن زايد إنحسارنا..
كان مكانك في يمينا
الا جبناك بي يسارنا..!!
والمصيبة!!
عمرك اهديتيهو لينا ..!!
ونحن ادينا الحبيبة .....!!
الحقيقة نقولا مرة
بدون مجاملة..
كل يوم ستين مكالمة
.. للحبيبه..
كيف حبيبة
صبحك ابيض
كيف حبيبة
نهارك اسعد
كيف حبيبة
وصلتي وين ؟
وكيف حبيبة
وصلتي كيف؟
كيف مساءك ..
وانتي كيف؟
عارفة يانور العيون
صوتك انتي براهو (كيييف)
ويمة حالك حال عدوك
ماحصل في يوم طروك..
كانوا بسألو مرة عنك
وهسه بالتأكيد نسوك..
كانو في الاحلام بطلو
وهسي في الغالب يجوك..
كل واحد فينا ناسي
حجم حزنك والمآسي
وفيها كيف عانيتي انتي
وكيف تحملتي القواسي
ويااااااااا خسارة علينا نحنا
عمرك افنيتهو شأنا
ونحن بدلنا الكراسي..
جبنا في مكانك حبيبة
وزوجة اقرب من قريبة
وصرتي في والواقع غريبة ..
جوة بيتك عايشة ذله..
عايشة في ابعد مكانة..
وياما وياما رضعنا حنك
ونحن شبعناك اهانة..
صرنا نتأفف وجودك..
وانتي في تلت الليالي
دعوتك صادقة في سجودك..
شيلتي ياما شلتي يمة
وانكسر بالحمل عودك..
يمة كم اعطيتي فرحة
ونحن ماقدرنا جودك..
لو تنادي علينا نزعل..
لو نغيب عن عينا تجزع
و لو لتغيب..!!
مرات بنسأل..
امي ما بدوم كتير امي
جد باكر بترحل
يمة ست العارفين
سامحينا نحن مقصرين
سامحينا جد متأسفين
سامحينا نحن المذنبين..
__________________
We will show them Our signs in the horizons and within themselves until it becomes clear to them that it is the truth.Noble Quran-Surat Fussilat [verse 53]

To view links or images in signatures your post count must be 10 or greater. You currently have 0 posts.
swa-swa is offline               Reply With Quote               
Sponsored Links
Reply

Bookmarks

Thread Tools
Display Modes

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump

بحث مخصص

All times are GMT. The time now is 21:00.


Sudan.Net © 2014