Go Back   Sudan.Net Discussion Board - SDB - منتدى سودان.نت > General Discussion Board > General Discussion - المنتدى العام

    

Reply
 
Thread Tools Display Modes
Old 05-Nov-19, 06:26   #1
trabikoz
Major Contributor
 
trabikoz's Avatar
 

Join Date: Sep 2005
Location: واق الواق بالردمية
Posts: 2,312
Default جيناكم يا حبايبنا


جيناكم يا حبايبنا
بعد غربة وشوق نغالب فيهو
ويغالبنا
سلام من ارض الثورة والثوار
تحياتنا لجميع الإخوة والأخوات , أشوقنا ليكم موج بحر وقت الدميرة , وحب كتير زي النمتي في شتا الشمالية
سفرة للسودان الحبيب , 31 يوم عشت وسط أجمل شعب , لأول مرة في حياتي أخوض في مياه الأمطار بدون ما اتافف أو ازهج أو أشكو , الرجلين يغطسو في الطين والحصحاص يدخل المركوب والجلابية تتلون بألوان الأرض و وصغار القعونج , تدخل جيوبك (دي مبالغة )
تمشي وسط الشارع شختتين في كلمة وسط الشارع لأنو ما عندو أطراف , تمشي اقرب راكوبة وتقعد في كراسي البلاستيك مع ستات الشاي , الموية الباردة والتلج حايم فوق , وبعدين شاي الحليب مع صحن لقيمات
وبعدها سيجارة برنجي وفي الأثناء تسمع أغاني البنات من جوال الزول القاعد جنبك ,
ريحة التمباك الطرية لمن الجنبك يطلع الكيس الملفلف يقلبه ويطبطب عليهو ويدردم السفة
كنت بقرف من الضبان ولكنو بقي زي ثوار البراري ما بتنازل من مكانو تهشو يرجع نفس المكان وكمان معاهو اخوانو
من المغربية دوام البعوض والناموس , يعضوك فوق الشراب , جيل صعب متربي مع جيل أصعب
جبت خرتمية نوع من طارد البعوض شي دهان شي شامبو شي زيوت , ولكن يظهر بعوض الثورة لم يسمع بهذه النواعم , ربما يكون فاكرو دم جديد جاي مع زبون جديد
رغم الماسي والجراح اليوم الأمل في السودان هو اكبر مداوي للجراح , الملايين تنتظر تعويض ثلاثين عاما من الضياع والقتل والتشرد , الملايين لديهم إصرار غريب على تجاوز ثلاثين عاما من الكابوس الديني والعجز والقهر
تحياتنا ليك يا التكينة , وود العفاض , وود إبراهيم وكل الشباب الشاركو بقلوبهم وعقولهم وأقلامهم لنجاح أجمل ثورات العالم
مشيت رحلة لود مدني ,في بداية الثمانينات كانت المدينة هي بداية رحلاتنا إلى الانقسنا والدمازين , فكانت من أجمل مدن السودان نظافة وتنظيما حسب رأي الشخصي المتواضع , وعندما دخلتها في أغسطس الماضي , لم أكد اعرفها من كترة الحفر والمياه الراكدة وكميات القاذورات المتناثرة في كل مكان , تلاتين سنة كنا تحت هذه الأكوام ؟؟؟
على العموم في الخرطوم رأيت الشباب في اركويت والحاج يوسف وفي كوبر , رايتهم ينظفون ويرشون المبيدات , مساهمات من هنا وهناك , حاجات رمزية ولكنها تشعرك بالفخر بان هناك من سيكون مسئولا من هؤلاء الشباب في المستقبل القادم
والمهم والاهم أن الكيزان اختفوا تماما , مئات المناسبات وفي كل الونسات لحوم الكيزان تتفرم فرم , والدا العايزنو نحن , ما يجونا بعد كم سنة يفتكرو الشعب نسى
ويمكن نسى ويمكن قسى ويمكن ظروف المدرسة

__________________
سلام لارواح اطفالنا
ثوار سبتمبر الخالدون
trabikoz is offline               Reply With Quote               
Sponsored Links
Old 06-Nov-19, 14:30   #2
tikaina
Golden Member
 
tikaina's Avatar
 

Join Date: Jul 2004
Posts: 8,439
Default

حمدا لله على سلامة الوصول
وصفت فأجدت
و عقبال الاجازة الجاية تلقى بلد نضيفة من عفن الكيزان

👌
__________________

✌تسقط تالت

tikaina is offline               Reply With Quote               
Old 07-Nov-19, 08:35   #3
trabikoz
Major Contributor
 
trabikoz's Avatar
 

Join Date: Sep 2005
Location: واق الواق بالردمية
Posts: 2,312
Default


سلام يا التكينة
والله إني احببتك في الله بقلبك النضيف وكتاباتك الجميلة
ومعاك أخونا ود العفاض , وآخرون لم نذكرهم
والله السودان غير, رغم انو المشوار طويل ومتعب
إلا انو النفسيات جميلة والناس أجمل
كفاية تمدد كرعيناك في أي ركن وقدام أي دكان
وتحس انو البلد بلدك
تنزل من الطيارة تلقى الناس مغبرين ومعججين ووسخانين
ومشيبين , وضهورهم مدنقرة , بس تقعد يومين تشوفهم غير
ولا تبقى زيهم
البلد محتاجة لينا حتى بالدعاء
الله يلعن الكيزان مكان نزلو
__________________
سلام لارواح اطفالنا
ثوار سبتمبر الخالدون
trabikoz is offline               Reply With Quote               
Old 07-Nov-19, 08:49   #4
tikaina
Golden Member
 
tikaina's Avatar
 

Join Date: Jul 2004
Posts: 8,439
Default



أبشر ياخ فانتم اهل الود و نشم فيكم و آخرين عبق البلد القديم
نعم فليمحق الله الكيزان اينما حلوا و ارتحلوا
سودانا الجميل الوجيه لابد قادم و بقوة



__________________

✌تسقط تالت

tikaina is offline               Reply With Quote               
Old 07-Nov-19, 10:05   #5
المخضرم
Crown Member
 
المخضرم's Avatar
 

Join Date: Feb 2005
Posts: 11,334
Default

عودا حميدا حبيبنا
حقيقة السودان بعد الثورة له طعم خاص
ونكهة مميزة طعم المعاناة وقت يكون ممزوج
بالشعور بالحرية و المساواه و التفاؤل بكون جميل و مريح
انا خلال العشرين سنة الماضية مشيت السودان مرتين 2010 وحاليا بعد الثورة
حقيقة فرق كبير اجمل ما يلاقيك التفاؤل و العشم في باكر الكل متفائل و عشمان خير في بكره
المخضرم is offline               Reply With Quote               
Old 07-Nov-19, 10:26   #6
ودالعفاض
Crown Member
 
ودالعفاض's Avatar
 

Join Date: Aug 2007
Location: الحصاية ـ العفاض
Posts: 12,504
Default

مرحبا بك عزيزنا
وعوداً حميدا
ما قريت كلمك الكتير دا اسع
تحية الثورة والانتصار والنهار المشرق الذي نحلم به
لازال المخاض صعبا وعلينا ان نتحمل ونصبر ونترقب و نتفاءل
واهمها ان نعمل
لتشرق شمس السودان مجددا حرية سلام وعدالة
ودمتم بخير
__________________
...(ام ابرموا امرا فانا مبرمون)
من كرمت عليه نفسه هانت عليه شهوته
ودالعفاض is offline               Reply With Quote               
Reply

Bookmarks

Thread Tools
Display Modes

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump

بحث مخصص

All times are GMT. The time now is 11:19.


Sudan.Net © 2014