Go Back   Sudan.Net Discussion Board - SDB - منتدى سودان.نت > General Discussion Board > General Discussion - المنتدى العام

    

Reply
 
Thread Tools Display Modes
Old 03-Aug-19, 11:12   #1
tikaina
Golden Member
 
tikaina's Avatar
 

Join Date: Jul 2004
Posts: 8,411
Default قواعد الثورة الاربعين



كلام الانصرافى دا يمثلنى و يمثل الشهداء و يمثل ميتينى.

#قواعد_الثورة_الأربعون

إحنا يا دوب إبتدينا ..
لازم انا وانت وهي وهو نكون جزء من التغيير وما يكون الكلام كلو بس عن السياسية والإقتصاد .

ركزوا معاي ويلا نبتدي ..

1. مافي بتاع مرور يهينك او يدفعك غرامة في الشارع
2. مافي بتاع بوليس يديك كف ويقول ليك اقعد تحت لا في الفارغة لا في المليانة .. موت معاهو طوالي
وقول ليهو ( اذا رُفعت الايادي تساوت المهن ) .
3. لو حصل ليك اي حقارة او نهب في القسم امشي سوق اولاد حلتكم وفلقوا القسم بالطوب واهتفوا الشعب يريد إسقاط الرئيس (رئيس القسم) .
4. اي نظامي يغلط فيك قاضيهو وكان ما فكوا حصانتو انشر في الجرايد والأنترنت وما يجوا ناس الشرطة يقولوا ليك دي تصرفات فردية .
5. ما تمشي تفتح بلاغ المتحري يقول ليك امشي جيب ورق ويقفل البلاغ في درجو لو ما اديتو حق العشا .
6. ما تمشي بالليل تقول عندي زول داير ضمانة يقولوا ليك تعال بكرة واصلا في وكيل نيابة مناوب قاعد لموضوع الضمانة دي .
7. ما تمشي المحكمة القاضي يكورك فيك ويقول ليك اقيف عديل او بحبسك وانت ما فاهم حاجة و اول مرة تجي محكمة .
8. ما تخش مكتب حكومة يقوم موظف موهوم يذلك ويطردك .
9. ما تقيف في الصف يجيك زول يتخطاك ويقول ليك قوات نظامية .. وما تخلي موظف يناول زميلو ورق بالشباك يمرروا ليهو والناس واقفة صف وانت واقف تعاين .
10. مافي حاجة اسمها الخزنة بتقفل الساعة 12 الخزنة دي ما حيجيها شلل لو دخلوا فيها قروش الساعة 2 .
11. ما تمشي تعمل اجراء حكومي يشروك 4 ساعات ويقولوا ليك مشوا الفطور .
12. ما تدفع رسوم بدون ايصال مالي وما تدفع رسوم العبور وتقبل بنهب سواقين العربات في الطرق السريعة .
13. ناس النفايات ما تديهم قروش دي مسؤولية الدولة والمفروض تشيلا منكم في رسوم تانية .
14. لمن تبلغ ناس الكهرباء انها قاطعة او في سلك واقع
ومايجوك او يجوك بعد 6 ساعات تفتح ليهم بلاغ طوالي .
15. عربات الحكومة والشرطة والجيش والجهات الرسمية العاكسة الشارع او واقفة غلط اتكلم طوالي مع السايق وشيل نمرتو .
16. ولدك يقدم الجيش او الشرطة او اي جهة ما تكلم ليهو قريبكم الشغال هناك .. خليهو يخش بمجهودو بس .
17. ما تجي داخل مستشفى الغفير يكورك فيك .
18. ما تمشي معاك 90 نفر تزوروا مريض .. وتشيلوا عمود اكل وتقعدوا بالساعات قدام المستشفى وتقفلوا الشارع وتعملوا ازعاج .
19. لمن تحجز عند دكتور عيادتو بتفتح الساعة 7 ويخليك مشرور ويجي يبدأ الساعة 9 تطلع تخلي ليهو العيادة وتشكيهو في الجهة المختصة .
20. تخش حمام المطار تلاقيهو بايظ او وسخان تقدم شكوى فورية لمدير المطار .
21. تتسرق شنطتك في صالة الوصول تدق جرس .. وتتحاسب الوردية كلها لازم الحرامى يترفد .
22. ما تركب الطيارة سافي ومبشتن ووسخان وما عارف مقعدك وين وتقعد بس بمزاجك وتمشي في المطارات تتلفت وتتخفف وتضحك وتبتسم بعباطة لضابط الجوازات .
23. ما تشتري الغالي او الما صحي وطوالي كلم الناس يقاطعوا البياع او الشركة وبلغ وخلى ناس المواصفات يشتغلوا عشان خاطر صحتك وصحة اولادك .
24. ما تشتري او تبيع عملة الا من البنوك و اي تاجر عملة بلغ فيهو و تابع واتأكد إنو العقوبة تكون حقيقية ورادعة .
25. بلغ في المشعوذين والعصابات وتجار البنقو والحبوب الفي حلتكم ولو محتاج علاج ادمان خليك شجاع واتعالج
26. جاتك اي ازالة لشارع او قطعة ارض او كشك للمصلحة العامة .. نفذ طوالي وشيل تعويضك ما تتوهم وتعمل جوطة
27. اي تصاديق وهمية او محسوبيات ما تخش فيها ولو سمعت بيها بلغ طوالي .
28. ناس البنوك .. الاختلاسات والمرابحات المضروبة بتوديكم التوج .
29. طالب انو اللغة الانجليزية ترجع التعليم ومن الابتدائي ومن المتوسط يدخل الفرنساوي .
30. لو انت معلم او تربوي لازم تعرف انو تربية الاجيال الجاية مسؤوليتك انت .
31. راجع دروسك واتعلم وطور نفسك وابدع في شغلك
وما تكون بس زول بيمشي يأدي واجب وخلاص .
32. ما تسافر تشتغل برة موظف بتاع ارشيف وانت عندك دكتوراة في الاقتصاد .
33. رسوم المغتربين لو منطقية ادفعها بكل طيب خاطر .
34. اتاكد انك لمن تطلع برة البلد لازم تكون مؤهل ومواكب في المظهر والاسلوب والمعلومة وتقرأ عن الوظيفة الماشي ليها وعن الجهة العارضة الوظيفة عشان تقدر تنافس .
35. ما تخاف وانت برة من انو يفنشوك .. السودان الجديد راجيك .. رُش اي زول يتريق عليك او يهبل بيك او يحقرك او يظلمك في حنانو .
36. ما تشاغل بت في الشارع وما تصور ليك بت في اي وضع كان .
37. سوق باحترام واحترم الطريق واشارات المرور واعمل باركينق بتاع اولاد ناس .. ما تقفل ليك زول او تقفل شارع وتقول ماشي وجاي اسي .
38. احترم مواعيدك وما تشر الناس وما تتاخر او تقصر في التزاماتك وواجباتك .
39. إحترم امك وابوك وزوجتك واولادك وعلمهم الديمقراطية في البيت وخليك دايما قدوة وعندك اخلاق .
40. اتذكر اننا طلعنا وثورنا ضد المتأسلمين ما ضد الاسلام
* إحنا يا دوب إبتدينا *
الانصرافى...

__________________

✌تسقط تالت

tikaina is offline               Reply With Quote               
Sponsored Links
Reply

Bookmarks

Thread Tools
Display Modes

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump

بحث مخصص

All times are GMT. The time now is 22:34.


Sudan.Net © 2014