Go Back   Sudan.Net Discussion Board - SDB - منتدى سودان.نت > General Discussion Board > General Discussion - المنتدى العام

    

Reply
 
Thread Tools Display Modes
Old 06-Sep-19, 06:39   #1
tikaina
Golden Member
 
tikaina's Avatar
 

Join Date: Jul 2004
Posts: 8,441
Default 😁 الصهريج



حمدوك : هذا الصهريج يجب الإستفادة القصوى منه ومن مساحة
السطوح أيضا .. ومن الظلام المحيط بالمكان حتى يتسنى لنا الخروج من الأزمة.

كباشي : لم نكن نقصد وضع هذا الصهريج في هذا السطوح بل في سطوح الجيران .. حدث خطأ وحدس ما حدس.

حسين_خوجلي👳‍♀ : صهريجنا ماخد مساحة ال98%من السطوح يا الدقير .. وباكر دي بنكشح الموية الفيهو .. وبنكشح ميتينها زاتو.

الدقير : مولاي الصهريج الظهَري خُذني فأنا الشارب و المشروب

منعم_سليمان : سنكشف لكم اليوم بالوثائق لم تم تغيير طلاء هذا الصهريج ولمصلحة من ومن هم الأفراد المتورطون في هذا الجرم ومن اللذي أتى لهم بالطلاء .. انتظرونا بعد قليل.

صديق_يوسف : موقفنا واضح للجميع .. هذا الصهريج لم يلبي طموحات الشعب السوداني وبهذا نعلنُ عن وقف كل أشكال الشرب منه والعودة لصفوف الجماهير ..
عاش نضال الشعب السوداني

الحلو : عمِلنا دائما لسودانٍ يسع الجميع ويستطيع فيه الصهريج أن يتمدد فوق السطوح وأن يأخذ كامل حقوقه.

تراجي : إنتاااا يا صهريج يااااا تااااااافه يا حقير قايلني ما عارفة تاريخك؟؟؟؟ ملفاتك كلها عندي
والموية البتنقطها كل يوم بالليل عارفاها نقطة نقطة يا وسخ يا كلب يا جزمة يا حقير .. قرف يقرفك.

عرمان : نحن بالتأكيد مع وجود الصهريج فوق السطوح ولكن لن نسمح بإقصاء باقي الصهاريج والسطوحات في السودان مع الإبقاء على السطوح كضامنٍ للحقوق.

بركة_ساكن : أسهل لصهريجٍ أن يلج فتحة التصريف من أن الموية ما تقطع يومي.

اسعد_التاي : الصهريج زي الجيش زادوهو موية

جبريل : لابد أن نغير الصهريج من أجل المهمشين وقضاياهم ..مع مراعاة المهمشين وقضاياهم وقضايا المهمشين والمناطق المهمشة والمهمشين وقضاياهم المهمشة.

الصادق_المهدي : أنا القلت ليهم يخُتّوا الصهريج دا هنا .. ولعلمك أخي الكريم أنا قدمت مبادرة تحت عنوان أزمة الصهاريج والسطوحات في مطلع العام ٧٦ .. وهلمجرا
.. عموما المسألة عاوزة تأني وحكمة وبُعد نظر.

البرهان : التحية للصهاريج الواقفة قنا والسطوحات والسانات

مناوي : الصهريج ليس عدونا عدونا هو السطوح الذي سمح للصهريج بإستخدام أراضيه.

حميدتي : أيا سهريج .. أيا سهريج ما يلتزم بسطوحو حنحاسبو بالغانووون يخوانا.

عبدالواحد : نحن في حركة جيش تحرير السودان لا نعترف بالصهريج ولا بالسطوح زاتو✋

الميرغني : صهريج شنو وسطوح شنو؟

منقووووول


__________________

✌تسقط تالت

tikaina is offline               Reply With Quote               
Sponsored Links
Old 28-Sep-19, 20:28   #2
غريب الداار
Major Contributor
 
غريب الداار's Avatar
 

Join Date: Aug 2015
Posts: 758
Default

الصهريج وحققققنا
نختو محل م عاوزين
الماعاجبو يلحس. كوعوووووووو




ازيك ياتكنكن يا رائع ، والله ليك وحشة يااااخ ، وكمان معاك كمونية ، بللاي سلم لي عليه.
__________________
طالت السفره وأتحفّت مناسم تِلبي
هب الريم وعاودك الحنين يا قلبي
غريب الداار is offline               Reply With Quote               
Reply

Bookmarks

Thread Tools
Display Modes

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump

بحث مخصص

All times are GMT. The time now is 04:04.


Sudan.Net © 2014