View Single Post
Old 20-Sep-19, 03:08   #4
tikaina
Golden Member
 
tikaina's Avatar
 

Join Date: Jul 2004
Posts: 8,441
Default

Quote:
Originally Posted by عباس View Post



كلها كم سنة والناس تتأسف على سقوط الانقاذ

برغم الحملات الشرسة والممنهجة والمليئة بالفبركات والاكاذيب

والمبالغات في تصوير الفساد، و
صحيح في فساد حصل في الانقاذ

لكن الفساد موجود في كل دول العالم ومافي زول يقول سويسرا ولا امريكا

وكل الحكومات السودانية عد سقوطها تتهم بالفساد

ويتم المبالغة في تصوير ذلك

حتى اخر حكومة ديمقراطية للصادق المهدي اتهمت بالفساد الكبير

ورحلات الاستمتاع والبذخ الى اسمرا
بينما الشعب لا يجد قطعة خبز لا يأكلها

..

اتمنى ان اكون مخطئاً

واتمنى ان يزدهر السودان

ولكن نحنا تركيبتنا فيها خطأ كبير
..

مؤسف عند عودتي الخرطوم قبل شهر

انو اجدها بقت عبارة عن كوم وسخ وزبالة وضبان وبعوض


لم ارى الخرطوم طيلة عهد الانقاذ بهذه القذارة والبهدلة والسبهللية


الناس تقطع الاستوب احمر عادي دون الاكتراث

يعني عادي ممكن تطقش ليك سيارة اخرى فيها اطفال صغار وتوديهم الآخرة

الناس ترمي الاوساخ والقواريرالفاضية في اي مكان

وعادي تشوف زول سايق افخم عربية ويجدع القارورة في نص الزلط

..
الشوارع والترتوارات انتهت بالكامل

انا زرته عشرات الدول الافريقية واللي هي من دول العالم التالت

بس لم ارى اوسخ واقذر من الخرطوم الآن

ومؤسف امر الراكبين الموجة
زي انتصار صغيرون وزيرة التعليم العايزة

ترفد كل مدراء الجامعات السودانية بزعم انهم كيزان

رغم انها ترأست ادارات وتبوأتت مناصب في ذات عهد الانقاذ

دونما ان يمسها احد بشعرة

والآن تنوي جز رفقاءها من عمداء الكليات


اسفي على السودان

طيب هي دي مش سياسة التمكين نفسها البتنتقدوها في الانقاذ.. انو احيل غيري للصالح العام

وأجيب ناسي او الموالين لي؟ إذن ابسط شي حقو ما تنتقدو الانقاذ في الحتة دي

اسكتوا بس
والغريبة كل ناس تجمع المهنيين كانوا شغالين وبعاارضوا الانقاذ

من داخل مؤسسات الانقاذ التي تديرها حكومة الانقاذ وبصرفوا مرتباتهم من الانقاذ
ومنهم الاطباء والمعلمين وغيرهم بدون ما يحالو للصالح العام

الآن كتار راكبين الموجة

ولهذا لن نتقدم شبر

والحساب ولد نتلاقى بعد تلاتة اربعة سنة لنرى ان كنت مخطئاً


شفت يا عباس
اى فساد و اى تدهور من هسا و لحدى تنضف البلد حتى لو بعد مية سنة .. دا أساسو انزرع فى عهد الاتقاذ و دى ثمرتو الخبيثة
الانقاذ أسوأ عمايلها انها غيرت مفهوم الفساد نفسو و زينتو للناس لمن بقى حاجة تانية مقبولة فى الشارع زى الرشوة و التنافس على الماديات بغض النظر عن انها جاية من حلال ولا من حرام

يا زول اقسم بالله الانقاذ دى ما اظن تكررت مرتين فى التاريخ
اللهم اجزهم بالسيئات وبالاً و خسرانا

زى ما قال ليك فوق .. ما اظنك جيت السودان فى عهد الانقاذ
ولا انك ذاتك جزء من فسادهم
ولا انك اعمى فتحت شفت الفار و عميت تانى و بقى ليك كل العالم فيران
افرنقع ياخى
__________________

✌تسقط تالت

tikaina is offline               Reply With Quote