View Single Post
Old 08-Aug-13, 19:05   #31
Ghareeb
Golden Member
 
Ghareeb's Avatar
 

Join Date: Mar 2012
Posts: 5,493
Default

Quote:
Originally Posted by 7abiba sudayna View Post

وانت بصحه وسلامه يا غالى
,,
قبال كده مشينا معسكر فى انقولا
وعديل كده قومنا جاريين وما قدرنا نوزع حتى حلاوه
وكانت نصيحه من السلاطين المسئولين منهم
اكيد هم ادرى بيهم
المعسكرات بتحوى الالاف لا تحصى ولا تعد
ومهما جبنا ما بنقدر نغطى الكميه
عشان كده الما حيشيل حيتهجم بالضرب وكسير العربات
,,,
فكرة مجموعه من الحله بيكونوا عارفينا ويرشدونا
مجرباها كتير حتى فى توزيع رمضان دا
لكن المشكله
انهم بيودونا ناس بيعرفوهم وممكن ما يكونوا محتاجين شديد
لدرجه عديل كده وقفنا قدام بيوت ورفضنا ننزل فيها حقايب عشان شوفنا فيها دلائل خير وان فى ناس اسوء منها
عشان كده بقينا نمر بالشوارع ونعاين برانا وننزل
وكل مره بنبه المجموعه من الحله البنمشيها يحددوا لينا البيوت التعبانه
زمان كنت بنزلها وبخليهم يوزعوها
لكن تانى ما حسيت انى مطمئنه وفعلا كان لى حق
لانى لمن بديت اجبرهم يودونا الاماكن لقيت ان الحكايه ما ماشيه عديل برضو
فكانت افضل حاجه نمشى بالشوارع ونعاين وندى
لا مصلحه لا معرفه لا وساطه
وفى شرق النيل وزعنا بطريقه كويسه شديد وبلا اى مشاكل
فى الحله الجديده كانت لصراحه صعبه لكن ما هاجوا فينا وحصل ضرب
الفتح كانوا اصلا واصليين الحد من الغضب والحوجه
ما بلومهم على العملوا
دا ونحنا فى القسم جات وحده مسئوله تقول لى نزلوا الحاجات نحنا بنوزعها بطريقتنا
كان غيرها اشطر
انا جربت الموضوع دا كتير وقدامى كانت الحكايه بتكون خيار وفقوس عينى عينك
نحنا عايزين نساعد مباشرتا الناس المحتاجه
لكن الحكومه للاسف تجاهلها ليهم ولمساعدتهم ولعمايلها اصلا فيهم خليتهم شرسين كده

كلام عجيب جدا


على كده معاكم حق فعلا
تتجنبوا التعريف المسبق
من أهالي المتضريين



طيب في حل تاني وإن كان
ماساهل أو احتمال يكون فيهو
اشكالات تنظيمية ولوجستية


أعتقد الناس عندهم شبه قناعة
بحيادية بعض المنظمات العالمية
زي الهلال الاحمر والامم المتحدة
على سبيل المثال

فلو بتقدروا تطلبوا منهم يمدوكم
بالعربات حقتهم لتوزيع المعونات
أعتقد يكون احسن

لأن عرباتهم ملونة بشعاراتهم
وبالتالي مافي مجال للشك انكم
تبع الحكومة من قريب أو بعيد

أو على الأقل ممكن أي منظمة تانية
المهم بيت القصيد هنا هو العربية
تكون مصبوغة بشعار يشير لجهة
طوعية أو خيرية وبكده فالناس
حيعرفوا انه الجاييهم ده تطوع من
خيريين وأظنهم حيحسنوا التصرف
وبرضو ده بيبعد عنكم المحتالين
البشيلوا مساعدات مامن حقهم


__________________

To view links or images in signatures your post count must be 10 or greater. You currently have 0 posts.

أكثروا من الإستغفار ............. والصلاة على خير الأنام
Ghareeb is offline               Reply With Quote