View Single Post
Old 03-Sep-19, 07:38   #11
ash-sharid
Major Contributor
 

Join Date: Mar 2007
Location: East-West
Posts: 499
Lightbulb فرصة تدريس

مع أحلام التزغيطة, أحس باهتزاز في جيب الجلابية. تلفون. بختك يا عم
آلو


ألو


المعلم بطة؟


نعم. أيَ خدمة؟


مساء الخير. أنا أمقد (أمجد) المواردي. في حد أداني رقم تلفونك


محسوبك يا بيه.


ممكن تقول لي. إنت مؤهلاتك إيه


لا, ههه, أنا متأهلتش لسه. ربنا يقيب بنت الحلال بقى.



هههه, لا مش أصدي. سؤالي يعني عندك شهادات؟ درست إيه فيل مدرسة. صيرتك الذاتية يعني



تجاهل رضا العبارة الأخيرة إذ لم يفهم معني صيرة (سيرة) ذاتية



آآآآآآ, فهمتك. أنا خريج مدرسة الكفتة يا باشا. أقدع مدرسة كباب وكفتة فْ طنطا.




تمام. إحنا كنا عاوزين أستاذة .. أحم أصدي أستاذ تضبير منزلي في ثانوية شحيمر فرغلي للبنات . عشان يعلم البنانيت المحمر والمشمر والمحشي والكفتة


تحت أمرك يا باشا. حتدفعولي كام


لا, ههه, مش بسرعة كدة. أولا في شرط مهم أوي


إشرط يا سعاتِ الباشا. واحنا لاقيين شرطة منك


طيب, المدرسة أقنبي (أجنبي). المناهق كلها بالإنقليزي.


سبحان الله. الحمير عندكو كلها بتنهأ بالإنقليزي؟


هههه. لالالا, إنت مش معاي علْ خط خالص. أصدي أقول لك إنو المؤرر (المقرر) يعني الدراسة والتدريس كلو بالإنجليزي.


لا حول الله. ليه كدة بس يا سعاتِ الباشا؟ كلو على بعضو أقنبي يعني عاوزني أضرّس التلامذة بالإنقليزي؟


أكيد


شعر (المعلم) بطة بإحباط شديد. لكنه وجد نفسه يقول
طيب نضبّرها يا فندم. أنا ممكن أخش ضَورة لغة إنقليزي وربنا يسهل بقى


لااااااااا, ربنا يسهل إيه. إحنا عاوزين واحد لبلب في الإنقليزي. ما ينفعش يا معلم بطة. معليش


يعني مفيش أمل؟


معليش يا معلم بطة. المرة الجاية. يلا مع السلامة.


ألف سلامة يا باشا.


أعاد المعلم بطة المحمول إلى جيب الجلابية. وندب حظه العاثر.






__________________
ash-sharid

-------------
في إنتظار السلام, على المرء أن يلعن التثاؤب وينحيه جانبا
ash-sharid is offline               Reply With Quote