View Single Post
Old 02-Jun-10, 11:19   #8
7abiba sudayna
Crown Member
 

Join Date: Mar 2002
Posts: 30,162
Default

Quote:
Originally Posted by مكارم View Post
عندنا محامي يا حبيبة وهو حالياً بدرس في كل متطلبات التسجيل
لكن حابة برضو أعرف العقبات الممكن تواجه الزول من ناس فعلاً قدرو يتسجلوا بشكل رسمي
ووصلوا لحدي نهاية المشوار


عندي اقتراح بسيط ليكي
طالما انه منظمة رعاية وكفالة الأيتام السودانية
مسجلة وبشكل رسمي
ومخصصة للأيتام
ليه ما تنضموا تحتها بدل ما تسكي ليكي تسجيل من أول وجديد زي ما سبق وقلتي انك ناوية؟
مجرد اقتراح

طبعا انا كنت مدير مالى لمنظمة شباب نت الخيريه
الامين المالى
وبديت معاهم من الصفر
كان زميلى الامين العام جرا جرى عشان يسجلها
وطبعا بيطالبوا بمجلس امناء وتانى باعضاء لا تقل عن 30 نفر
وختم
ودستور
ولمن تخلص الامور الشكليه بيحددوا مواعيد لمقر المحدد بجى مندوب من منظمة العون الانسانى ويشوف الاعضاء كلهم ويتناقشوا عموما فى المقترحات وكده
ومنها بيسلموكى الشهاده
هم كانوا عاملين استضافه فى نادى الكشافه للرابطه
ودستور اى دستور موجود بيتلطش بتكتبى فيه اسم المنظمه
والختم بيتعمل فى الكمبيوتر ومنها تودى لناس مطبعه بيعملوا طوالى ختم حرارى
بعد سنه بتقدمى ميزانيه ليهم
والاعمال المنجزه
قالوا بعد السنه دى ممكن بيقدموا تبرع ثابت سنويا
مع مميزات اعفاءات جمركيه وخلافه
7abiba sudayna is offline               Reply With Quote