View Single Post
Old 11-Aug-13, 18:17   #47
sudan09
Intermediate Contributor
 

Join Date: Nov 2009
Posts: 197
Default

Quote:
Originally Posted by 7abiba sudayna View Post

كان موقف اليوم فى توزيع المشمعات فى الفتح صعب
جاتنى حجه كبيره بلا مقدمات دخلت فينى شمال
شى فهمتوا وشى ما فهمتوا
الكررتوا كتير جايين تضحكوا علينا ببسكويت وتصورونا مش عيب عليكم
مع ملاحظة ان مافى زول كان بيصور فى لحظتها اصلا كنا مركزين فى التوزيع كلنا
وبديت تنهر فينى وصوتها يعلى وكان فى كبسه حصلت فى عربيه الهايس وحاوطوها الناس
حاولنا نقول ليهم نحنا حنمر فى البيوت وندى انتظرونا فيها
لكن لا حياه لمن تنادى
النساوين اتجمعوا فينى والست الغضبانه مصر تستمر فى التنهير فينى
وتقول ما شوفنا شى بس نسمع
ونحنا عايزين مشمعات
قولت ليها نحنا جايبين مشمعات ونديكم ان شاء الله
وهى مصره تكورك فينا وتمسح بينا البلاط
انا شخصيا بدى الدم يفور فى راسى واكتم
لكن فاض بزميل جنبى من كواريكها ورد عليها
لمن وصلنا للعربيه الهايس القامت جاريه عشان تخفف الزحمه
مسكت كميه من المشمعات قولت اوزعها على النسوان المحاوطينى
ودايره ادى كل وحده براحه
الحصل شنو ما فهمت لكن لقيت طرحتى فجئه مافى راسى
وحالتى ربطاها بالدبابيس
ولقيت المشمعات ببح
الاستوعبته فى ولد جيه دافر وجر المشمعات ومعاه طرحتى
اظن لكن النسوان برضو مع الجر جروا
غايتو ما لميت فى مشمعات لكن كويس لقيت الطرحه واقعه بهناك
شلتها ولقيت باقى المعركه شغاله كويس فى الهايس
حاولت اقول ليهم بتنظيم

حسبى الله ونعم الوكيل


جزاكم الله خير
7abiba sudayna
احتسبو المعاناة بكل انواعها

قصة مشابهة حدثت في نفس منطقة الفتح
لمنظة تركية قبل سنة او سنتين
بس كانت بتوزع في ذبائح

اذا في طريقة ممكن تطلبو من الشرطة تديكم فريق عشان يقوم بتوزيع الاعانات

بس كمان ما يمشو يفكو فيهم بنبان ولاحاجة
اصلو شرطتنا مرات عندها حاجات ما مفهومة


__________________

اللهم احفظ السودان


To view links or images in signatures your post count must be 10 or greater. You currently have 0 posts.
sudan09 is offline               Reply With Quote