Sudan.Net Discussion Board - SDB  - منتدى سودان.نت

Sudan.Net Discussion Board - SDB - منتدى سودان.نت (http://www.sudanforum.net/index.php)
-   General Discussion - المنتدى العام (http://www.sudanforum.net/forumdisplay.php?f=2)
-   -   قصاصات تحت النيم (http://www.sudanforum.net/showthread.php?t=69459)

MakilNeem 10-Sep-09 08:59

قصاصات تحت النيم
 

اجتهدت كثيراً لكي تمر بالقرب منه دون أن يتهكم بها كعادته مع سائر اللواتي سبقنها
:confused:
صعدها بنظرةٍ من أخمص قدميها حتى مفرق شعرها .. وأطلق قهقهة مدوية في أرجاء الطريق
:lool:
وقفت عند الزاوية لنصف ساعةٍ وهي تعيد النظر في هيئتها


.

MakilNeem 10-Sep-09 09:03

والماء يداعب رجليهما المتدليتين من حافة المركب .. وهو يطالع الأفق، سألته:ــ

ـ يا عامر : فيم تفكر وأنت تقلب أفكارك؟

قال عامر: أفكر بما تفكرين به

فقالت:ــ آه يا قليل الأدب


:oops

MakilNeem 10-Sep-09 09:06

أدخل يده في جيبه ليطفئ الجوال قبل دخوله المسجد

خابت عينا السائل الواقف عند الباب واشتاط غيظاً


:o

MakilNeem 10-Sep-09 09:09


كان جم الأفكار عظيم الاسترسال حلواً في مجلس قومه

تم تعيينه حارساً على بوابة الدار .. فانصرف بكلياته يحصي أنفاس العابرين
ولكنه لم يتنفس

...

إلى من أعني من المشرفين الجدد

alshamandorah 10-Sep-09 09:10

عمووو انزيك ياااخ

لملم لي قصاصاتك دي

عشان اقراهاا بعدي الرمضااان

ثمح

:eek::eek:

MakilNeem 10-Sep-09 09:14

Quote:

Originally Posted by alshamandorah (Post 570916)
عمووو انزيك ياااخ

لملم لي قصاصاتك دي

عشان اقراهاا بعدي الرمضااان

ثمح

:eek::eek:


سألت الشيخ الفاهم بأسرار الفقه ذلك السؤال السنوي عند بداية كل موسم للصوم

ـ يا مولانا المعجون مفطر؟؟

كان الشيخ الفهامة قد حضر فتواه التي اجتهد فيها طيلة عامه ، وأصاب حين قال:ــ

ــ المعجون مفطر وغير مفطر بحسب النية وطريقة التعاطي معه
:clap:

شلولو 10-Sep-09 09:18

ياسلالالالالالالالالالالام يا ماكل نيم
ابداع والله
وخاصة بتاع المركب وبماذا تفكر
متعك الله بالصحة والعافية

البردان 10-Sep-09 09:22

Quote:

Originally Posted by MakilNeem (Post 570907)
أدخل يده في جيبه ليطفئ الجوال قبل دخوله المسجد


خابت عينا السائل الواقف عند الباب واشتاط غيظاً


:o


سلامات ماكل التين
اصعب حاجة الواحد يخيب العشم
في حالة زي الزول طوالي يدي الشحاد حاجة

واصل قصقصاتك وكتر

MakilNeem 10-Sep-09 09:26

منذ بدء شهر العسل أمضى عامه كله يتحدث وهي تنصت
ومضى العام التالي وصار مستمعاً جيداً لامرأة لا تعرف الصمت

...

وفي عامهما الثالث صارا يتحدثان سوياً ، ولا سامع إلا الجيران
:lool:

MakilNeem 10-Sep-09 09:35

لم يرد أن يقع خبر وفاة أبيها كالصاعقة على زوجته.. فقال لها: سنسافر إلى البلد فأبي قد مات
:tears:
قالت : سجمي! أمشي بدون حنة يقولن عليّ شنو بنات شمبات؟

فأكلن لحمها ساعة وصولها سرادق العزاء .. حالتها تحنّن

alshamandorah 10-Sep-09 09:38

Quote:

Originally Posted by شلولو (Post 570939)
ياسلالالالالالالالالالالام يا ماكل نيم
ابداع والله
وخاصة بتاع المركب وبماذا تفكر
متعك الله بالصحة والعافية

الزول داا فطر معااي بالمعجون دااك نيموووو

:lool::lool:


شلولو 10-Sep-09 09:45

Quote:

Originally Posted by alshamandorah (Post 570998)
الزول داا فطر معااي بالمعجون دااك نيموووو

:lool::lool:


:lool::lool::lool::lool:
:lool::lool::lool::lool:
:lool::lool::lool:

alshamandorah 10-Sep-09 09:50

Quote:

Originally Posted by MakilNeem (Post 570964)
منذ بدء شهر العسل أمضى عامه كله يتحدث وهي تنصت
ومضى العام التالي وصار مستمعاً جيداً لامرأة لا تعرف الصمت

...

وفي عامهما الثالث صارا يتحدثان سوياً ، ولا سامع إلا الجيران
:lool:



:lool::lool:

الجيران بس
قوووول الحلة ياااخ

MakilNeem 10-Sep-09 10:13

Quote:

Originally Posted by alshamandorah (Post 570998)
الزول داا فطر معااي بالمعجون دااك نيموووو

:lool::lool:



شمندر .. تلك أحلى قصاصة
دمتِ
...

قال الطفل الباكي الخارج للتو من العيادة .. لصديقه المنتظر:ــ

وي وي وي يييييييي .. الدكتور عاوز يفحص دمي قام قطع أصبعي

طفق صاحبه في بكاء مرير مع أنه لم يدخل للطبيب فسأله صديقه الباكي: بتبكي لييييييييييه؟

قال: أنا جابوني لفحص البول
:lool:

alklaklah 10-Sep-09 10:35

Quote:

Originally Posted by MakilNeem (Post 571111)

شمندر .. تلك أحلى قصاصة
دمتِ
...

قال الطفل الباكي الخارج للتو من العيادة .. لصديقه المنتظر:ــ

وي وي وي يييييييي .. الدكتور عاوز يفحص دمي قام قطع أصبعي

طفق صاحبه في بكاء مرير مع أنه لم يدخل للطبيب فسأله صديقه الباكي: بتبكي لييييييييييه؟

قال: أنا جابوني لفحص البول
:lool:

هههههههههههههههههههه والله انت اكبر مصيبه فى البورد دا
تعرف والله مرات بتذكر صحبك بتاع الناقه الحكيت عنو بهناك في "غناء وعناء" والله لمن اتذكرو بضحك براي زي المجنون
الله يديك العافيه
بس عليك الله خلي العشره الاواخر دي تعدي على خير

shreer 10-Sep-09 11:17



جميلة تلك القصاصات
معكـ الحرف له طعم خاص

ماكل نيم
سلام مربع
لا تتوانى عن الكتابه













ودمتا

بشير مهدي 10-Sep-09 11:20

Quote:

Originally Posted by MakilNeem (Post 570895)

اجتهدت كثيراً لكي تمر بالقرب منه دون أن يتهكم بها كعادته مع سائر اللواتي سبقنها
:confused:
صعدها بنظرةٍ من أخمص قدميها حتى مفرق شعرها .. وأطلق قهقهة مدوية في أرجاء الطريق
:lool:
وقفت عند الزاوية لنصف ساعةٍ وهي تعيد النظر في هيئتها


.

مرات مرات كدة
بتحس إنو الكاتب بلبد ورا الشخسية
.
.
ولا أنا غلتان؟؟
.
.
نيمو
.
.
كدي أحلف
:lool::lool::lool:

kafinol 10-Sep-09 11:54

Quote:

Originally Posted by بشير مهدي (Post 571253)
مرات مرات كدة
بتحس إنو الكاتب بلبد ورا الشخسية
.
.
ولا أنا غلتان؟؟
.
.
نيمو
.
.
كدي أحلف
:lool::lool::lool:




بشير مهدي

رمضان مبروك عليكم

يا اخي نيمو دا صحن تجده في كل الموئد .. ودائماً يكمل قبال الشهية والحاجات البهية ...
....... يمكن يكون صحن الشطة ..... يوكلك وقد يضرك أحياناً .....

تحياتي له فوق كل هذا وذلك ....

بس قول ليهو ...مرر رمضان دا ...

amat allah 10-Sep-09 12:03

Quote:

Originally Posted by MakilNeem (Post 570964)
منذ بدء شهر العسل أمضى عامه كله يتحدث وهي تنصت

ومضى العام التالي وصار مستمعاً جيداً لامرأة لا تعرف الصمت

...

وفي عامهما الثالث صارا يتحدثان سوياً ، ولا سامع إلا الجيران

:lool:

:lool::lool::lool:

دا الكلام
:p


ماكل نيم سلام
متابعين القصاصات العجيبة
:wink:

MakilNeem 12-Sep-09 08:07

شكراً للمتداخلين

...

ونواصل
...

مد السائل يده طالباً : شيئ لله
مدّ التقيُّ ما تيسر في جيبه للسائل، ولكن
بعد التمعن في ثيابه الرثة .. تبين له أنه معلمه في المرحلة المتوسطة
:tears:
ابتلع الحسرة ولعن حكومة التمكين

MakilNeem 12-Sep-09 08:25

سمعت بقيام العشر الأواخر فأكثرت من جلوسها على حفرة الدخان
:p
يقوم عليكن الجن
:angry:
...

أحلف براك يا ود مهدي

جكسا 12-Sep-09 08:32

:clap::clap::clap::clap:
:clap::clap::clap:

MakilNeem 12-Sep-09 10:11


غنى المطرب الرباطابي الهلالابي ليلة أمس في بيت عرس مريخاب:ــ

ـ قمر السبعة بادي طلوع

ـ جن ماشات تلاتة

ـ تلاتة قدور محلبية

ـ يا نجوم الليل اشهدي .. على بكاي وتنهدي
:-?
...

دفع العريس المريخابي بعد ارتفاع الأدرينالين الفلوس فوراً وطرد المطرب .. ولاحقته الكراسي:angry:
أكمل الفنان حفلته في طهور الجيران مجاناً وصدح ملء عقيرته:ــ

حمام الوالي يا راااااحل مع النسمة الثلاثية:lool:

MakilNeem 12-Sep-09 18:39

كتب مسطول في كتاب المهن:ـ

إن طبيب النساء والولادة هو الشخص الوحيد في الدنيا الذي يبحث عن المشاكل في مواطن البهجة

:p

ـ لا بد أن نمنح ثقتنا للحلاق ولترزي الحريم ونتنازل عن الحمشنة


:angry:

شلولو 12-Sep-09 18:49

Quote:

Originally Posted by MakilNeem (Post 573998)
شكراً للمتداخلين

...

ونواصل
...

مد السائل يده طالباً : شيئ لله
مدّ التقيُّ ما تيسر في جيبه للسائل، ولكن
بعد التمعن في ثيابه الرثة .. تبين له أنه معلمه في المرحلة المتوسطة
:tears:
ابتلع الحسرة ولعن حكومة التمكين


:lool::lool::lool:

مد السائل يده طالبا : شيئ لله
قال له الله يدينا ويديكم
فقال له طيب القاعد ليها شنو قوم اشحد معانا


قصة حقيقية

استيف 12-Sep-09 21:00

النيم الذي في الخاطر،لجة نعبرها بلا ساق
متكأ بارد وشراب
ظل وظلال تتشخصن
.
.
.
.
رمضان كريم
اللهم ارفق بنا وتقبل دعاء

بشير مهدي 13-Sep-09 06:33

Quote:

Originally Posted by kafinol (Post 571316)
بشير مهدي

رمضان مبروك عليكم

يا اخي نيمو دا صحن تجده في كل الموئد .. ودائماً يكمل قبال الشهية والحاجات البهية ...
....... يمكن يكون صحن الشطة ..... يوكلك وقد يضرك أحياناً .....

تحياتي له فوق كل هذا وذلك ....

بس قول ليهو ...مرر رمضان دا ...

ويتبارك عليك كمان وكمان
.
.
وعيدكم
عافية ..ورضا ..وعتق من النار
.
.
يعني عشان قاليكم
تتصدقوا
في رمضان
.
.
تخلوها
عوفة سااااي كدة؟؟
.
.
الجماعة ميهم مربطين؟؟
:lool::lool::lool:

بشير مهدي 13-Sep-09 06:36

Quote:

Originally Posted by استيف (Post 575117)

اللهم ارفق بنا وتقبل دعاء


قال لوك
هناك
"نكّروا لها عرشها"
.
.
الشي دة هنا
.
.
بلاطة
.
.
تليس
سااااي
كايس البغتغتو
.
.
فااشنو
خلي كراعك في جنزيك
:lool::lool::lool::lool:
.
.
.
بعدين ياخ
شكلك
بتفتش
للبهجة في موطن المشاكل
.
.
الراجل دة
.
.
بجرب في
لفافات صبر
المشرفين الجداد
.
.
ناس كافي ديل خلهم
.
.
حيلهم برد
.
.
ودة طرفي من البوست
.
.
خسمتكم بي الله
.
.
:p:p:p

MakilNeem 13-Sep-09 11:53

Quote:

Originally Posted by شلولو (Post 574837)
:lool::lool::lool:

مد السائل يده طالبا : شيئ لله
قال له الله يدينا ويديكم
فقال له طيب القاعد ليها شنو قوم اشحد معانا


قصة حقيقية

:lool::lool::lool:
شلشل أضحكتني بارك الله فيك .. ورمضان كريم
وجده اللص نائماً وزوجته النفساء تحاول إسكات الرضيع الجائع الذي لم يستدر ثديها ما يسد رمقه ـ منتهى الفاقة
أخذه اللص إلى سارية الدار وربطه وأمطره جلداً بالسود حتى أذان الفجر .. وأودع محصول سرقته للنفساء
:clap:

...

هذه القصة حقيقية قرأتها ذات يوم وحدثت بالحاج يوسف

MakilNeem 13-Sep-09 12:18

Quote:

Originally Posted by استيف (Post 575117)
النيم الذي في الخاطر،لجة نعبرها بلا ساق
متكأ بارد وشراب
ظل وظلال تتشخصن
.
.
.
.
رمضان كريم
اللهم ارفق بنا وتقبل دعاء


استيف .. رمضان كريم والله أكرم يا حبيب
إطلالتك سحور العافية .. بس أضحكتني الجملة الأولى من حديثك
...

تذكرت سيول البركس والجامعة في عام ثمانية وثمانين
جاءنا صديقنا ود الصاوي ضاحكاً


يقول إن زميلاتنا خضن الماء وحينما بلغ السيل الخصور صاحت الحسان:ــ

ووووب علينا.. ألليلة غرقنا

:p

MakilNeem 13-Sep-09 12:23

Quote:

Originally Posted by بشير مهدي (Post 575617)

تليس
سااااي
كايس البغتغتو
.
.
.
الراجل دة
.
.
بجرب في
لفافات صبر
المشرفين الجداد
.
.
ناس كافي ديل خلهم
.
.
حيلهم برد
.
.
ودة طرفي من البوست
.
.
خسمتكم بي الله
.
.
:p:p:p


قال ود تكتوك .. هو تحت كومة القش
:angry:

وجاء ود خالد للعسكري الذي أرسله بطلب حضور لعمه الجاني فقال:ــ

قال ليك عمي أنا نايم
:lool:

وأخسسسسسمك بي ألله والدنيا عشرة أواخر تجي
:jump:

عامل فيها مربوط؟
:lool:

Lina 13-Sep-09 17:33

قصاصات حلوة و دمها خفيف
:lool:

شكرا يا ماكل نيم

وواصل

MakilNeem 14-Sep-09 08:26

Quote:

Originally Posted by Lina (Post 576633)
قصاصات حلوة و دمها خفيف
:lool:

شكرا يا ماكل نيم

وواصل


لينا
مرورك على ظل النيمة فيه رائحة البخور الملكي
متعك الله بصيام العافية .. ومديدة الحلبة الداااافية


:

قال القاضي للِّص بعد طول استجواب: أتحلف بالله؟
فقال اللص: آالحمد لله ، فُرِجتْ
:lool:

ثمة وصلة بين هذه الحالة وحالة أخينا الذي أعيته أسباب إرضاء خطيبته وقصرت إجازته فسأل صديقتها:ــ
ما في بت حلال بترضى بالزواج بما بقي من الأسبوع؟

:roll::love::lool:

MakilNeem 14-Sep-09 10:42


يضحكني التمعن في مقطع لود الرضي في رائعته الخالدة : ست البيت

ماقالت بقيت حبوبه وتركت بوخته المحبوبه
لوجات من رياحا هبوبه بتحيي عروقك المهبوبه

:oops
بنقول الكبر مصيبة .. لكن المولانات ديل عندهم بلاوي

kafinol 14-Sep-09 11:37

Quote:

Originally Posted by MakilNeem (Post 577683)
لينا
مرورك على ظل النيمة فيه رائحة البخور الملكي
متعك الله بصيام العافية .. ومديدة الحلبة الداااافية


:

قال القاضي للِّص بعد طول استجواب: أتحلف بالله؟
فقال اللص: آالحمد لله ، فُرِجتْ
:lool:

ثمة وصلة بين هذه الحالة وحالة أخينا الذي أعيته أسباب إرضاء خطيبته وقصرت إجازته فسأل صديقتها:ــ
ما في بت حلال بترضى بالزواج بما بقي من الأسبوع؟

:roll::love::lool:


ماكلنيم

سلام وتحية

عُمرة العشرة الأواخر قالو بتصفر العدادات عن السنة الماضية ..

فيك شــدة ليها ولأ تجمد السنة دي ... ويعلق الرصيد ؟؟؟

امشي جنب الحيط عليك الله ....

MakilNeem 14-Sep-09 11:45

كن كبير النفس

لا تذكّر صاحب المحل الذي لم يتذكرك بأنك صديقه في المرحلة المتوسطة ـ قبل الصلعة وأم العيال

فتلك وسيلة سمجة للديسكاونت وحلف الطلاق ... وليكن الاعتراف بالعلاقة متأخراً ولو بعد السداد على الأقل

MakilNeem 14-Sep-09 11:52

Quote:

Originally Posted by kafinol (Post 578083)
ماكلنيم

سلام وتحية

عُمرة العشرة الأواخر قالو بتصفر العدادات عن السنة الماضية ..

فيك شــدة ليها ولأ تجمد السنة دي ... ويعلق الرصيد ؟؟؟

امشي جنب الحيط عليك الله ....


كافي .. سلام وحب كتير
النية معقودة .. قبل يومين سفرنا الوالدة إلى مدينة النبي بالطيارة
أما أنا والمباريك وأمهم فبالقرنبعة نتاتي لامن نصل إن شاء الله
تجميد نهيييي مع لساني ده
:lool::lool::lool:

واحد كان ماشي جنب الحيطة .. اتهموه بالكتابة الفيها
وواحد مشى جنب الحيطة .. واندفق فيهو باقي ملاح شرموط
وواحد مشى جنب الحيطة .. صبت المطرة واتهدمت عليهو

:tears:
...

عشان كدة خليني يا حبة النقيس لفافات صبر كاب الجداد زي ما قال ود مهدي

anona 14-Sep-09 11:58

Quote:

Originally Posted by MakilNeem (Post 578132)

كافي .. سلام وحب كتير
النية معقودة .. قبل يومين سفرنا الوالدة إلى مدينة النبي بالطيارة
أما أنا والمباريك وأمهم فبالقرنبعة نتاتي لامن نصل إن شاء الله
تجميد نهيييي مع لساني ده
:lool::lool::lool:

واحد كان ماشي جنب الحيطة .. اتهموه بالكتابة الفيها
وواحد مشى جنب الحيطة .. واندفق فيهو باقي ملاح شرموط
وواحد مشى جنب الحيطة .. صبت المطرة واتهدمت عليهو

:tears:
...

عشان كدة خليني يا حبة النقيس لفافات صبر كاب الجداد زي ما قال ود مهدي




يعني تاني الا يطير
:D







قصاصاتك عجيبة

MakilNeem 14-Sep-09 12:44


تخلى المحاميان عن جلسة الشرب اليومية في الميز احتراماً للمحامي الجديد أب دقن الذي وفد إليهما بمأمورية

بعد ثلاث ليال .. تضايق أحدهما وصاح للغلام المرسال:ــ

ــ قوم يا ولد هاك جيب لينا قزازتين
;)
ومن على سجادته أشار أب دقن أثناء صلاته رافعاً ثلاثة أصابع

:lool:

adham 14-Sep-09 13:11

Quote:

Originally Posted by MakilNeem (Post 578261)

تخلى المحاميان عن جلسة الشرب اليومية في الميز احتراماً للمحامي الجديد أب دقن الذي وفد إليهما بمأمورية

بعد ثلاث ليال .. تضايق أحدهما وصاح للغلام المرسال:ــ

ــ قوم يا ولد هاك جيب لينا قزازتين
;)
ومن على سجادته أشار أب دقن أثناء صلاته رافعاً ثلاثة أصابع

:lool:

وها انذا ارفع العشرة
ترحيبا وسلاما
نيمو .. لا تشد على القرمبع ... والسايقة واصلة
:
قصاصاتك احينا تنتمي الى المقاصيص
وقصقص ساي .. ترانا قاعدين

:
والسلام شلال
:)

MakilNeem 16-Sep-09 08:23

Add
هم

:lool:
..
لك التحية أخي
..

بعد فراغي من تحية قائد الفتوح الإسلامية ـ خالد بن الوليد رضي الله عنه ـ بمدينة حمص
خرجت لباحة مسجده ـ رضي الله عنه

فوجدت أكثر بنات حمص حشمةً يرتدين الجينز المجبص
والفانيلة ذات الحمالتين .. ومع منتهى الحسن .. ينفثن الأرجيلة

وسيف الله مسلولٌ بالقرب منهن.. وأحسبه إن خرج فأول جهاده سيبدأ من صحن مسجده

...

ولكننا نجد سلطاناً لا يلقي بالاً لما يلبس الناس هنالك

بل

جعلوا من حمص أكبر المدن المنتجة لأم الكبائر فحين تأخذ قارورة فارغة من جانب الطريق فلا شك أنها من:ـ
Homs Grapes Processing Company
:roll:

شلولو 17-Sep-09 08:34

Quote:

Originally Posted by MakilNeem (Post 576163)
:lool::lool::lool:
شلشل أضحكتني بارك الله فيك .. ورمضان كريم
وجده اللص نائماً وزوجته النفساء تحاول إسكات الرضيع الجائع الذي لم يستدر ثديها ما يسد رمقه ـ منتهى الفاقة
أخذه اللص إلى سارية الدار وربطه وأمطره جلداً بالسود حتى أذان الفجر .. وأودع محصول سرقته للنفساء
:clap:

...

هذه القصة حقيقية قرأتها ذات يوم وحدثت بالحاج يوسف

الله الاكرم تصوم وتفطر علي خير
واضحك الله سنك (مع انو ماعارف معني العبارة دي)


تململ في جلوسه ، كان المقعد الذي يجلس عليه خربا
اخذ يتمتم (دا شنو الكرسي المكسور دا)
قلت له صه (اسكت) قبل قليل اخذ احد الاشخاص
يتململ ايضا فضربه الكمساري على وجهه
وانزله في قارعة الطريق
استشاط غضبا واخذ الكمساري من (ياقة ) قميصة
وصاح (الكرسي دا مكسور)

MakilNeem 26-Sep-09 08:53

Quote:

Originally Posted by شلولو (Post 583261)
الله الاكرم تصوم وتفطر علي خير
واضحك الله سنك (مع انو ماعارف معني العبارة دي)


تململ في جلوسه ، كان المقعد الذي يجلس عليه خربا
اخذ يتمتم (دا شنو الكرسي المكسور دا)
قلت له صه (اسكت) قبل قليل اخذ احد الاشخاص
يتململ ايضا فضربه الكمساري على وجهه
وانزله في قارعة الطريق
استشاط غضبا واخذ الكمساري من (ياقة ) قميصة
وصاح (الكرسي دا مكسور)

:lool::lool:
ذكرتني .. وكل عام وأنتم بخير يا زين الحلوين .. وكل الجماعة
;)
جلست بالقرب منه في الدفار سيدة مكتنزة
فانفرجت خشبتا المقعد .. وهو سارح يطالع الجريدة إلى أن نهضت السيدة عند السوق المركزي

و

طَبْ

آآآآآآآه

ـ عليك الله أقعدي يا حاجة

ـ يا ولد .. أنا أكبر من أمك

ــ أخيراً تدخل الكمساري بعد فهم القضية وفك ما بين الخشبتين وأطلق سراح العصافير

:lool::lool::lool:

MakilNeem 26-Sep-09 09:08

تحسر شيخ الحقيبة على أيام زمان وقال إن سر الإبداع كان في حشمة الشارع واستشهد:ــ

أغاني أيام زمان: نظرة يا السمحة أم عجن
:love:
أما أغاني اليوم: أمسكي عليك عيونك ديل .. يتاوقن لي
:evil:

MakilNeem 26-Sep-09 09:25

اثنتان في الخاطرة من سكة السفر في بلادي.. ذهبت إحداهما وبقيت الأخرى

:

انتهت الحاجة للسفر باللواري وبالذات تلك التي تكون مشحونة بالطوب قبل الركاب
:angry:

وبقيت حتى الآن تلك النفرة عند المحطات .. وكل ذي قرن يأخذ قارورة يؤم الخلاء ليقضي حاجته
:eek:

هيا لنفتح حساباً عند حبيبة السودانية لجمع تبرعات إنشاء حمامات عند مواقف البصات .. حتى يحلو منظر بلادنا
:flag:

MakilNeem 26-Sep-09 11:08

لم يدر أن زوجته تطالعه وهو واقف أمام محل الآيسكريم بصحبة أخرى فواصل مكالمته لها

ـ حبيبتي ، أنا في مؤتمر
:confused:

قاتل الله الموبايل.. كشاف العمايل
:lool:

MakilNeem 27-Sep-09 06:29

لم تسعفني ذاكرتي لاستحضار اسم ذلك الشيخ من قبيلة الباريا

تحت شجرة عتيقة .. اعتصر لباب الحكمة وقضى في ثلاث قضايا

في جلسة واحدة .. مع كامل رضا الخصوم

:clap:

...

لماذا يتقاتل هؤلاء؟

MakilNeem 27-Sep-09 10:02


جلس أمام فطين ـ ست الشاي ـ وهو يكمل حديثه بالموبايل

خلاص جققت .. والقدم حصل
بقت تخرخر زيت ، وما نفعت معاها أي معالجة
قلنا نشوف غيرا


ـ المسكين كان يتحدث عن سيارته التي يريد مخارجتها ـ

فغرت فطين فاها وقالت:ـ

غايتو رجال الزمن ده ما عندهم ضمان

MakilNeem 27-Sep-09 12:16


قال خللللودي في الروضة وهو يسأل الأبلة:ــ

أبلة ، ممتن الست تحبل وعمرها تلاتين؟ قالت نعم ممكن يا خللللودي
ــ وبرضو في سن العشرين ممتن؟ فقالت : أي نعم
ــ وممنن في سن أربعة سنوات : فقالت: لأأه مستحيل يا ابني
:confused:
التفت خلللللودي لجارته مي وقال لها: ما دلتا ليتي
:eek:

MakilNeem 30-Sep-09 12:34

اختارا رمزاً لسر الليل وهو : الطابعة
:cool:
جاءت الصغيرة لأمها مرسلة من أبيها وأنه يريد الطابعة لكتابة رسالة

ردت الأم بأن شريط الريبون عالق بالطابعة
:-?
...
بعد ثلاث ليالٍ وقفت الصغيرة عند رأس أبيها تبلغ عن أمها أن الطابعة جاهزة
:roll:

اعتذر الأب بأنه قد كتب الرسالة بيده:lool:


All times are GMT. The time now is 17:12.


Sudan.Net © 2014